Dokʉ̈ Körɛ̂nte 1:17 - Mbëtï Ndjapä: TÄFO MADƗ̈

¹⁷ Bëte Krîsiti wân-âbo mê ndə̂kə̂ pa më za batɛ̂me sə̈ azü-a, praâbalë tche wän mê ndə̂kə̂ mu Tchôtchô Pö. Âwâbo lə̂ köbosə̂ küma ndə̂ âwa lanə̈ kä ndə̂ mê mu pö nə̈ la rə̂-a, ânyë kuzü Krîsiti pâ yö ndə̂ gba wabô wâtə̂ mbämbä rə-a.

Dokʉ̈ Körɛ̂nte 1:17 Iomraidhean Croise

Jâan 4:1

Afarizïɛ̈n djê rə̂ pä Jezü wä la adjisîpili tə̂ gbölösə̂nə̈, kə̈ sə̂ lakə̂ za batɛ̂me ndə̂ ngû sə̈ azü ârô Jâan. Tə̂ lëge nə̈, Jezü la tə̂ yê zâbo batɛ̂me ndə̂ ngû sə̈ azü-a, kütû adjisîpili ndə̂ yê kä ndə̂ âza batɛ̂me ndə̂ ngû sə̈ azü. Ndə̂ Jezü djê pö ndə̂ a dɨ rə̂ la rə̈ yê, tche âlafô bhâ Judë kə̈ dôtə̂ yê atə̂ Galilë.

Abadjângele 10:48

Käko Pîêre zâma ndə̂kə̂ pa andjë gbo batɛ̂me la rə̈ Jezü Krîsiti. La tchêngbâ nə̈ andjë yûkû nə̈ sə̈ tchë ndə̂kə̂ sə̈ la andjê lə̂ angâ alö ânyë.

Dokʉ̈ Körɛ̂nte 2:1

Arə̂mä, mëmê la tə̂ mê ndə̂ më ê atə̂ndə̂ nyê alême ndə̂kə̂ mu apö ndə̂ Ndjapä ndə̂ âwâ lə̂ küwû nə̈, më mûâbo pö nə̈ lə̂ köbosə̂ agbôgbô pö âdəndjë lə̂ köbosə̂ küma mê ndə̂ âwâ lanə̈-a.

Dokʉ̈ Körɛ̂nte 2:13

Käko ârâ tôâbo pö lə̂ köbosə̂ küma azü ndə̂ âwa lanə̈ pâ cho âtə-a, praâbalë ârâ tö rə̂ lə̂ köbosə̂ nə̈ ndə̂ Kpɨ̂ki Yingö nyîsə̂ nə̈ sə̈ ârâ. Ädə̈ käko ânyë ârâ nyisə̂ rə ndə̂ Kpɨ̂ki Yingö la apö ndə̂ âtô bhândə̂ Yingö lâme.

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Bïchuû Körɛ̂nte 10:10

Bëte angâ azü tö rə̂ päkëdə̂: «Apö lə̂ ambëtï ndə̂ Pôlo lü, kə̈ kpô tə̂ gbölösə̂nə̈; praâbalë âdə tche âsə lə̂ gûtə̂ azə̂, tche wâbo la gbôgbô-a, ânyë pö lə̂ ma yê wâbo tə̂ ngâ rə balë-a.»

Bïchuû Körɛ̂nte 11:6

Âdə më âwun-abô wûnsə̂ kə̂ to pö lə̂ köbo nə̈-ê, praâbalë andə̂ kə̂ wunsə̂ rə, më kä lə̂nə̈. Ârâ nyîsə̂ kə̂ wunsə̂ rə lâme nə̂ kraâ sə̈ nyê lə̂ arə gbɛ̂ ndjë lə̂ akänyï gbɛ̂.

Bïchuû Körɛ̂nte 4:2

Ârâ kôsə̂ arə tchâkabû la arə ganô ndə̂ azü mbo rə̂ lə̂ küwû nə̈ nə̂. Ârâ mbôâbo rə ndə̂kə̂ bolo azü-a, kə̈ ndrɨ̂ndrɨabô tchə̂lə̂ pö Ndjapä-a. Praâbalë ârâ mü lëge pö sə̈ azü, käko kä ndə̂, lə̂ la Ndjapä kə̂ rɨ tchə̂lə̂ su azü nə̈ gbɛ̂ wa pâ ârâ.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.