Dokʉ̈ Körɛ̂nte 1:14 - Mbëtï Ndjapä: TÄFO MADƗ̈

¹⁴ Më zä ayîabâ sə̈ Ndjapä bëte ngâ akrə balë lə̂ gbâtə̂ nyê gbôâbo batɛ̂me tchânə̂ mê-a, kütû Krïpûse la Gäyïwûse.

Dokʉ̈ Körɛ̂nte 1:14 Iomraidhean Croise

Abadjângele 10:48

Käko Pîêre zâma ndə̂kə̂ pa andjë gbo batɛ̂me la rə̈ Jezü Krîsiti. La tchêngbâ nə̈ andjë yûkû nə̈ sə̈ tchë ndə̂kə̂ sə̈ la andjê lə̂ angâ alö ânyë.

Abadjângele 18:8

Krïpûse ndə̂ tche də̂ makündji tə̂ küma nda kə̂ voga Ndjapä ndə̂ ajuîfu zâ su yê sə̈ Gbölö Gbïɛ̈, tchetchë la azü lə̂ bûngrɨ̂ ndə̂ yê gbɛ̂. Angâ azü ndə̂ Körɛ̂nte tə̂ gbölösə̂nə̈ djê pö ndə̂ Pôlo mû rə̂ kə̈ zâ su andjê sə̈ Gbölö Gbïɛ̈ ânyë kə̈ gbô batɛ̂me.

Rômo 16:23

Gäyïwûse pô ndə̂ nyê nə̂. Më lö bhândə̂ yê ânyë azü ndə̂ Egilîze gbɛ̂ pâlatə̂ andjê lə̂ nda ndə̂ yê. Ërâsete, earə̂ kə̂ bata makətche ndə̂ gö nə̈ la Kärätûse ngâ azə̂ pô ndə̂ nyê nə̂. [

Dokʉ̈ Körɛ̂nte 1:15

Käko ngâ akrə balë toabô rə̂ tee pä anyë gbö batɛ̂me alême la rə̈ mê-a.

Dokʉ̈ Körɛ̂nte 1:4

Logbɛ̂ më sə̈ lakə̂ za ayîabâ sə̈ Ndjapä tə̂ pö ndə̂ nyê, bëte tchôtchô su ndə̂ tche mbô rə̂ tə̂ nyê lə̂ köbosə̂ Jezü Krîsiti.

Dokʉ̈ Körɛ̂nte 14:18

Më zä ayîabâ sə̈ Ndjapä bëte rə̂ ndə̂ më sə̂ lakə̂ to pö la ama gö ngbî ngbî ârô nyê gbɛ̂.

Bïchuû Körɛ̂nte 2:14

Azə̈ zä ayîabâ sə̈ Ndjapä bëte lə̂ köbosə̂ nə̈ ndə̂ azə̈ wâ balë la Krîsiti, tche kʉ̂ azə̂ nə̂ lə̂ mawû azü ndə̂ andjë rô la gbôgbô. Lə̂ köbosə̂ azə̂, tche mbö rə̂ pä azü wunsə̂ Krîsiti katchôgbɛ̂ batə̂ ngâ kâdâ-yömbö ndə̂ tchâfo nə̈ fô katchôgbɛ̂.

Ëfêze 5:20

Nyë zä ayîabâ sə̈ Ndjapä Bha logbɛ̂ tə̂ pö ndə̂ rə gbɛ̂ la rə̈ Gbölö Gbïɛ̈ ndə̂ azə̂ Jezü Krîsiti.

Kölôse 3:15

Äwäpä zɨtɨ su ndə̂ âtô bhândə̂ Krîsiti nyisə̂ köbo sə̈ nyê lə̂ apö tə̂ su nyê! Tə̂ pö ndə̂ zɨtɨ su lâme kä ndə̂ Ndjapä ê nyê ndə̂kə̂ watə̂ tə̂ akrə balë. Nyë zä ayîabâ sə̈ Ndjapä.

Kölôse 3:17

Apö gbɛ̂ ndə̂ nyê to rə̂, âdəndjë arə gbɛ̂ ndə̂ nyê mbo rə̂, nyë mbö rə̂ la rə̈ Gbölö Gbïɛ̈ Jezü, kə̂ za ayîabâ sə̈ Ndjapä Bha lə̂ köbosə̂ yê.

Dokʉ̈ Tësälönîke 5:18

Nyë zä ayîabâ sə̈ Ndjapä lə̂ arə gbɛ̂, bëte rə ndə̂ tche nyîndə̂ nə̈ tə̂ nyê kä lâme, nyënyê ndə̂ nyë wâ balë la Jezü Krîsiti.

Dokʉ̈ Timotë 1:12

Më zä ayîabâ tə̂ gbölösə̂nə̈ sə̈ Jezü Krîsiti Gbölö Gbïɛ̈ ndə̂ azə̂, ndə̂ tche zâ gbôgbô sə̈ mê. Tchetchë kä ndə̂ âwûn mê batə̂ akrə ndə̂ tche za su yê pâ yê, ânyë kə̈ zâ mê tə̂ earə̂ kua ndə̂ yê.

Filemön 1:4

Filemön, logbɛ̂ ndə̂ mê âsə̈ to pö sə̈ Ndjapä ndə̂ mê, më tö pö ndə̂ zə̈ lə̂nə̈ lakə̂ za ayîabâ sə̈ tchë.