Dokʉ̈ Körɛ̂nte 1:12 - Mbëtï Ndjapä: TÄFO MADƗ̈

¹² Pö ndə̂ më nyîndə̂ kə̂ to rə̂ wä kâkë: Akrə balë balë lə̂ gbâtə̂ nyê tö pö ngbî ngbî. Ngânə̈ tö rə̂ päkëdə̂: «Më də̈ akrə ndə̂ Pôlo.» Ngânə̈ tô rə̂ päkëdə̂: «Më də̈ tchandə̂ Äpölôse.» Ngânə̈ tô andə̂ ye nə̈ päkëdə̂: «Më də̈ tchandə̂ Pîêre.» Ânyë ngânə̈ tô ndjë rə̂ päkëdə̂: «Më də̈ tchandə̂ Krîsiti.»

Dokʉ̈ Körɛ̂nte 1:12 Iomraidhean Croise

Matiyə̈ 23:8

Andə̂ nye nə̈, nyë nyïäbô nyîndə̂ nə̈ ndə̂kə̂ pa a e nyê ‹earə̂ kə̂ nyisə̂ rə-ê›, bëte earə̂ kə̂ nyisə̂ rə wä balë, ânyë nyë wä gbɛ̂ tə̂ ayîngâ.

Jâan 1:42

La tchêngbâ nə̈ tche zâ Chemön kə̈ ê la tchë sə̈ Jezü. Jezü wûn Chemön kə̈ tô rə̂ sə̈ tchë päkëdə̂: «Mo də̈ Chemön modô ndə̂ Jâan. Azü â-eadje rə̂ tə̂ zə̈ pä Sëfâse. Rə̈ lâme nyïndə̂ kə̂ to rə̂ pä «Pîêre.»

Abadjângele 18:24

Ngâ juîfu ndə̂ a zɨ̂ tchë bhâlə̂ gö ndə̂ Alegezandirï, ndə̂ rə̈ yê wû pä Äpölôse, wûtu bhâ Ëfêze. Tche tö pö la köbo nə̈ kə̈ wûnsə̂ apö lə̂ Mbëtï Ndjapä tə̂ gbölösə̂nə̈.

Abadjângele 19:1

Tə̂ lo nə̈ ndə̂ Äpölôse ndə̂po bhâ Körɛ̂nte, Pôlo rô lə̂ köbo ndə̂ aga wâ tâ, kə̈ wûtu bhâ Ëfêze, tche gbô angâ adjisîpili bhâye.

Dokʉ̈ Körɛ̂nte 1:11

Käko arə̂mä ndə̂ mê, më tö pö lâme käko bëte azü ndə̂ Kolowë tö rə̂ sə̈ mê pä nyë kä lakə̂ po lə̂ gbâtə̂ nyê.

Dokʉ̈ Körɛ̂nte 15:5

Tche wütu ëtə̂ Pîêre, pânə̈ tche wûtu ëtə̂ abadjângele lə̂ könô gbɛ̂ tchêpâ nə̈ bïchuû.

Dokʉ̈ Körɛ̂nte 15:50

Arə̂mä, pö ndə̂ më nyîndə̂ kə̂ to rə̂ kä âtə: Tə̂ azə̂ ndə̂ akrə wâbo ndə̂kə̂ gbo tchô bhâlə̂ Gbölö gö-gbïɛ̈ ndə̂ Ndjapä-a, rə ndə̂ âwâ ndə̂kə̂ ndɨ wâbo ndə̂kə̂ sə̈ pïï ëtə̂-a.

Dokʉ̈ Körɛ̂nte 16:12

Âdə andə̂ Äpölôse ngâ azə̂, më zä wängö sə̈ tchë tə̂ gbölösə̂nə̈ ndə̂kə̂ pa tchetchë la arə̂mâ, andjë e atə̂ndə̂ nyê, praâbalë tche nyîâbo ndə̂kə̂ e angaâtə-a. Lo nə̈ âta tâ nə̂, tchê eadje.

Dokʉ̈ Körɛ̂nte 4:6

Arə̂mä, tə̂ pö ndə̂ nyê kä ndə̂ më tô pö ndə̂ Äpölôse ndjë la andə̂ me nə̈ la tə̂ mê, ndə̂kə̂ nyisə̂ nə̈ sə̈ nyê lə̂ köbosə̂ kə̂ mbo rə ndə̂ ârâ. Nyë djë tchə̂lə̂ ndoka âtə: «Äwäpä akrə balë balë krʉ kütû pâ pö ndə̂ a mbô rə̂ lə̂ mbëtï.» Käko ânyë ngâ akrə balë bhiabô gogo yê bhî ndə̂kə̂ sə dəndə̂ ngâ akrə ânyë kə̂ kosə̂ ngânə̈.

Dokʉ̈ Körɛ̂nte 7:29

Arə̂mä, pö ndə̂ më nyîndə̂ kə̂ to rə̂ wä kâkë: Adɨ̂ alö ngbâbo-a, angaâtə azü ndə̂ andjë wâ la ɛ̈chë, äwäpä andjë sə̈ âwûntî pä andjë wâbo la ɛ̈chë-a.

Dokʉ̈ Körɛ̂nte 9:5

Ârâ wâbo ndə̂kə̂ za ngâ ɛ̈chë ndə̂ tche wâtə̂ akrə ndə̂ Krîsiti po tə̂ ârâ, kə̂ nə la tchë batə̂ rə̂ ndə̂ angâ ârâ abadjângele la arə̂mâ ndə̂ Gbölö Gbïɛ̈ la Pîêre mbo rə̂ lâme?

Bïchuû Körɛ̂nte 10:7

Nyë sə̈ lakə̂ wun arə batə̂ rə̂ ndə̂ azü wun rə. Âdə ngâ akrə âwunsə̂ nə̈ pä ânyë də̈ akrə ndə̂ Krîsiti, äwäpä tche wunsə̂ nə̈ angêta tratralë pä ârâ ndjë gbɛ̂ ârâ wä ndjë tə̂ azü ndə̂ Krîsiti.

Bïchuû Körɛ̂nte 9:6

Äwäpä nyë wunsə̂ nə̈ päkëdə̂: Akrə ndə̂ tche lû andjî rəgʉ kpîɛ̂kpîɛ̂ rə̂, tche âsoa ndjë rə̂ kütû kpîɛ̂kpîɛ̂ rə̂. Akrə ndə̂ tche lû andjî rəgʉ tə̂ gbölösə̂nə̈, tche âsoa ndjë rə̂ tə̂ gbölösə̂nə̈!

Gälâte 2:9

Jâke la Pîêre la Jâan ndə̂ a wûn andjê batə̂ agbölö azü tə̂ küma Egilîze wünsə̂ nə̈ pä tə̂ lëge nə̈, Ndjapä zâ kua nə̈ lâme sə̈ mê nə̂. Käko andjë pö ndə̂ mê la Bärnäbâse la könô andjê ndə̂kə̂ nyisə̂ nə̈ pä ârâ la andjê wä balë. Käko andə̂ ârâ, ârâ ë pu azü ndə̂ andjê wâbô wâtə̂ ajuîfu, ânyë andjë ê andə̂ andjë nə̈ pu azü ndə̂ andjë wâ gasa.

Gälâte 3:17

Pö ndə̂ më nyîndə̂ kə̂ to rə̂ wä kâkë: Ndïɛ̈ ndə̂ âwûtu ngû ngbangbo voanə̈ la tchêpâ nə̈ tə̂ akrə gbɛ̂ la lə̂ könô gbɛ̂ (430) dəngbânə̈, wâbo la gbôgbô ndə̂kə̂ wrʉ madɨ̈ ndə̂ Ndjapä drô rə̂ dokʉ̈tchê alême-a. Âdə ârə̂ âwrʉ rə̂, dëkë bâlâ ndə̂ Ndjapä zâ rə̂ lə̂ madɨ̈ nə̈ lâme âwâ nə̂ ämbänə̈.