Dokʉ̈ Körɛ̂nte 1:10 - Mbëtï Ndjapä: TÄFO MADƗ̈

¹⁰ Arə̂mä, më yükû nə̈ sə̈ nyê la rə̈ Gbölö Gbïɛ̈ ndə̂ azə̂ Jezü Krîsiti, nyënyê gbɛ̂ nyë djëtə̂ nyê lə̂ gbâtə̂ nyê ânyë tchə̂lə̂ gbâtə̂ nyê krʉabô tchə̂lə̂ tə̂ yê krʉ̂-ê. Nyë ngbötə̂ nyê kə̂ wa batə̂ akrə balë. Äwäpä yingö ndə̂ nyê lakə̂ rɨ tchə̂lə̂ nyê gbɛ̂ wa balë.

Dokʉ̈ Körɛ̂nte 1:10 Iomraidhean Croise

Matiyə̈ 9:16

«Akrə sɨ̂âbo täfo lə̂ba sə̂ ku bəndɨ nə̈-a. Âdə tche âmbo tâ käko, täfo lə̂ba nə̈ sro tchə̂lə̂ bəndɨ nə̈, ânyë ku nə̈ ge tə̂ gbölösə̂nə̈.

Mâreke 2:21

«Akrə srôâbo ndöma täfo lə̂ba ndə̂kə̂ sɨ rə̂ la ku bəndɨ nə̈-a, bëte täfo ndöma lə̂ba nə̈ âsroadje tchə̂lə̂ bəndɨ nə̈, ânyë ku nə̈ ge tə̂ gbölösə̂nə̈.

Mâreke 3:24

Âdə azü lə̂ ngâ gö-gbïɛ̈ âkrʉ tchə̂lə̂ tə̂ andjê, ânyë kə̈ sə̂ lakə̂ mbo kʉ̈ʉ̈ lə̂ gbâtə̂ andjê, gö-gbïɛ̈ nə̈ lâme krʉabô tee-a.

Jâan 10:19

Tchə̂lə̂ ajuîfu kä krʉ̂ tchə̂lə̂ tə̂ yê bëte pö ndə̂ Jezü tô rə̂ lâme.

Jâan 17:23

Mëmê la andjê, ârâ wä balë batə̂ rə̂ ndə̂ mö wâ balë la mê, käko ânyë andjë wa balë tə̂ lëge nə̈. Tchâme, azü tchêbêche wunsə̂ nə̈ pä momö kä ndə̂ âwân mê, ânyë mo nyïndə̂ andjê batə̂ rə̂ ndə̂ mo nyîndə̂ mê.

Jâan 7:43

Tchə̂lə̂ kpûlû azü nə̈ krʉ̂ tchə̂lə̂ tə̂ yê tə̂ pö ndə̂ Jezü.

Jâan 9:16

Angâ afarizïɛ̈n nə̈ tô rə̂ päkëdə̂: «Köchë ndə̂ tche mbô rə lâme tôâbo bhândə̂ Ndjapä-a, bëte tche kpêâbo wa ndïɛ̈ ndə̂ lö sabäa-a.» Angânə̈ tô rə̂ päkëdə̂: «Atöko kä ndə̂ ngâ earə̂ ngbongbo rə wâ ndə̂kə̂ mbo akpɨ̈ngbɨ̈ rə kâkë âtə?» Tchâme tchə̂lə̂ andjê krʉ̂-ê.

Abadjângele 4:32

Akpûlû azü ndə̂ andjë zâ su andjê sə̈ Krîsiti wä batə̂ akrə balë, kə̈ wâ la su balë. Akrə balë balë tôâbo rə̂ päkëdə̂: «Rə ndə̂ mê wä kütû tə̂ andə̂ me nə̈-a!» Praâbalë rə gbɛ̂ ndə̂ andjë wâ la rə̂, andjë päla rə̂ balë ëtâ.

Rômo 1:13

Arə̂mä, më nyïndə̂ nə̈ pä nyë wunsə̂ nə̈ pä më nyïkrə rə̂ tə̂ su mê tə̂ngâlo ndə̂kə̂ e atə̂ndə̂ nyê. Praâbalë köbo mîɛ tə̂ mê zoo angêta. Më nyïndə̂ kə̂ wutu bhâye ndə̂kə̂ pa më mbo kua ndə̂kə̂ gbo azü bëte Krîsiti lə̂ gö ndə̂ nyê ndjë batə̂ rə̂ ndə̂ më gbô andjê lə̂ angâ agö ngbî.

Rômo 12:1

Arə̂mä ndə̂ mê, batə̂ rə̂ ndə̂ Ndjapä wûn nyonyo azə̂ lâme, më yükû nə̈ sə̈ nyê ndə̂kə̂ pa nyë zatə̂ nyê gbɛ̂ sə̈ Ndjapä batə̂ ngela ndə̂ a wâ rə̂ sə̈ Ndjapä, ngela ndə̂ âwâ ngbî, kə̈ wâtə̂ tchôtchô nə̈ ânyë kə̈ fû tə̂ yê. Lëge köbo ndə̂kə̂ pa nyë voga Ndjapä la rə̂ kä lâme.

Rômo 12:16

Nyê djëtə̂ nyê lə̂ gbâtə̂ nyê la angâ nyê. Nyë wäbô wâ la gʉ agbölö rə-ê, praâbalë nyë zä su nyê pâ arə ndə̂ azü luabô sə̂nə̈ lû-î. Nyë wün-äbô tə̂ nyê wün batə̂ azü ndə̂ küma andjê wâ lanə̈-ê.

Rômo 15:30

Arə̂mâ ndə̂ mê, la rə̈ Gbölö Gbïɛ̈ ndə̂ azə̂ Jezü Krîsiti, ndjë lə̂ köbosə̂ kə̂ nyində̂ ngâ ndə̂ Yingö ndə̂ âwâtə̂ su nyê, më yükû nə̈ sə̈ nyê tə̂ gbölösə̂nə̈ pä azə̈ la nyê gbɛ̂ palatə̂ azə̂ ndə̂kə̂ mbo kʉ̈ʉ̈ lə̂ köbosə̂ kə̂ to pö sə̈ Ndjapä bëte mê.

Rômo 16:17

Arə̂mä, rə ndə̂ mê yûkû nə̈ sə̈ nyê kä âtə: La nyê gbö tə̂ azü ndə̂ andjë nə la apö ndə̂ âkrʉ tchə̂lə̂ azü la apö ndə̂ âmbo rə̂ pä azü te lə̂ ngbongbo rə. Azü nə̈ gbôtə̂ köbo pö ndə̂ ârâ nyîsə̂ nə̈ sə̈ andjê lâme nə̂. Nyë gïtə̂ nyê tə̂ azü lâme bhâchï.

Dokʉ̈ Körɛ̂nte 1:11

Käko arə̂mä ndə̂ mê, më tö pö lâme käko bëte azü ndə̂ Kolowë tö rə̂ sə̈ mê pä nyë kä lakə̂ po lə̂ gbâtə̂ nyê.

Dokʉ̈ Körɛ̂nte 11:18

Tə̂ dokʉ̈ nə̈, a tö rə̂ sə̈ mê pä âdə nyê âpalatə̂ nyê, apö ndə̂kə̂ krʉ tchə̂lə̂ tə̂ kä lə̂ gbâtə̂ nyê, tchâkalâ pö nə̈ wätə̂ lëge pö.

Dokʉ̈ Körɛ̂nte 12:25

Ndjapä mbö tâ käko ndə̂kə̂ pa tchə̂lə̂ gbâtə̂ atchâme-tə̂ krʉabô tchə̂lə̂ tə̂ yê krʉ̂-ê, ânyë atchâme-tə̂ nə̈ balë balë za könô sə̈ angâ andjê lə̂ gbâtə̂ andjê.

Dokʉ̈ Körɛ̂nte 3:3

Bëte gbô nyê kä lakə̂ mbo rə batə̂ azü ndə̂ tchêbêche âtə. Gbölö su lakə̂ po kä lə̂ gbâtə̂ nyê. Ânyîâbo sə̂nə̈ pä nyë mbö rə batə̂ azü ndə̂ tchêbêche âtə? Kə̂ mbo rə ndə̂ nyê wâbo batə̂ andə̂ azü gbɛ̂?

Dokʉ̈ Körɛ̂nte 4:16

Käko më zä wängö sə̈ nyê ndə̂kə̂ mbo rə batə̂ mê.

Bïchuû Körɛ̂nte 10:1

Mëmê Pôlo, më yükû ngâ rə tchânə̂ nyê la rə̈ Krîsiti, tchetchë ndə̂ tche mbo rə nyima lakə̂ mbo dâkâ. A tö rə̂ pä âdə më âsə lə̂ gûtə̂ nyê kə̂ watə̂ zɨtɨ akrə, praâbalë âdə mê âsə tə̂ nyê ngrɨ̈, kə̂ mbo rə vrâdjâ vrâdjâ.

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Bïchuû Körɛ̂nte 13:9

Sə̂nə̈ ndə̂ ârâ wâbô wâ la gbôgbô, ârâ wä la mômô, ânyë nyënyê ndə̂ nye nə̈, nyë wâ la gbôgbô. Rə ndə̂ ârâ to pö sə̈ Ndjapä bëte rə̂ wä ndə̂kə̂ pa nyë mbotə̂ nyê tə̂ azü ndə̂ nyë dâka gbɛ̂.

Bïchuû Körɛ̂nte 5:20

Ârâ tö pö pâ cho âtə la rə̈ Krîsiti. Ndjapä la tə̂ yê kä ndə̂ âê nyê lə̂ köbosə̂ ârâ, ârâ yükû nə̈ sə̈ nyê la nyonyo, la rə̈ Krîsiti, nyë gämba rə̂ ndə̂kə̂ pa tchôtchô kə̂ sə ka wâ lə̂ gbâtə̂ nyê la Ndjapä.

Bïchuû Körɛ̂nte 6:1

Ndə̂ azə̈ sə̂ lakə̂ mbo kua la Ndjapä, ârâ yükû nə̈ sə̈ nyê ndə̂kə̂ gboabô gbôtə̂ tchôtchô su ndə̂ Ndjapä mbô rə̂ tə̂ azə̂ ämbänə̈-ê.

Gälâte 4:12

Arə̂mâ ndə̂ mê, më zä da nyê, nyë mbötə̂ nyê batə̂ mê, batə̂ rə̂ ndə̂ mëmê ndjë gbɛ̂ më wâ nə̂ batə̂ nyê. Nyë mbôâbo ngâ ngbongbo rə balë tə̂ mê-a.

Fïlîpe 1:27

Praâbalë äwäpä kə̂ sə ndə̂ nyê wa gundə̂sə̂ Tchôtchô Pö ndə̂ Krîsiti. Käko âdə mê âe ndə̂kə̂ wun nyê âdəndjë rə̂ ndə̂ më êâbô ê, äwäpä më dje rə̂ pä gbô nyê kä kpôtâ lakə̂ wa balë. Pö tə̂ su nyê wa balë, lakə̂ palatə̂ nyê ndə̂kə̂ mbo kʉ̈ʉ̈ bëte Tchôtchô Pö.

Fïlîpe 3:16

Âdə rə nə̈ âwa atöko, äwäpä nyë ndəpo kpôlə̂ köbo ndə̂ ârâ nə̂ lə̂nə̈ ndjoa angêta.

Dokʉ̈ Tësälönîke 5:13

Nyë mbö la sə̂ andjê tə̂ gbölösə̂nə̈ lakə̂ nyində̂ andjê tə̂ pö ndə̂ kua ndə̂ andjë mbo rə̂ lâme. Nyë sə̈ la zɨtɨ su lə̂ gbâtə̂ nyê.

Bïchuû Tësälönîke 2:1

Arə̂mä, âdə andə̂ pö ndə̂ lö kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la pö ndə̂kə̂ pala azə̂ ndrotə̂ yê lâme, ârâ yü nyê kâkë:

Dokʉ̈ Timotë 5:21

Më yükû nə̈ sə̈ mö la gbôgbô tchâtchu Ndjapä, ndjë tchâtchu Jezü Krîsiti la aânje ndə̂ Ndjapä dɨ̂ andjê, amö mbo rə gundə̂sə̂ kə̂ zama lâme, kə̂ səabô sə̂ dəndə̂ ngâ akrə balë-ê, kə̂ nyiabô nyîndə̂ ngâ akrə âro ngânə̈-ê.

Bïchuû Timotë 4:1

Më yükû nə̈ sə̈ mö tchâtchu Ndjapä ndjë tchâtchu Jezü Krîsiti ndə̂ tchê kadje ndə̂kə̂ wa ngbanga ndə̂ azü ndə̂ andjë wâ la tʉ̈rʉ̂ la andjê la andjanə̈ ndə̂ andjë tchû. Tche âwa ngbanga nə̈ tə̂ lo kə̂ ka ndə̂ yê, la lo kə̂ mbo kümändëmä ndə̂ yê.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.

Dokʉ̈ Pîêre 5:10

Yûkü ndə̂ nyê wun rə̂ lâme wä ndə̂ kpîɛ̂kpîɛ̂ lö. Praâbalë Ndjapä ndə̂ tche mbo tchôtchô su tə̂ azü, ndə̂ tche ê nyê ndə̂kə̂ sə lə̂kə̂ wa gbölö ndə̂ yê ndə̂ âwâ logbɛ̂ logbɛ̂ lə̂ köbosə̂ Jezü Krîsiti, tchê mboadje rə̂ la tə̂ yê ndə̂kə̂ pa nyë daka, kə̂ kpokpoadje nyê, ânyë ngâ rə balë goabô nyê gôâ-ê.