Dokʉ̈ Körɛ̂nte 1:1 - Mbëtï Ndjapä: TÄFO MADƗ̈

¹ Mëmê Pôlo, Ndjapä ë mê ndə̂kə̂ watə̂ badjângele ndə̂ Jezü Krîsiti, batə̂ rə̂ ndə̂ su Ndjapä nyîndə̂ nə̈, mëmê la Sösötêne ngâ azə̂,

Dokʉ̈ Körɛ̂nte 1:1 Iomraidhean Croise

Lûke 6:13

Tchô krâ, tche ê adjisîpili ndə̂ yê, kə̈ dɨ̂ andjê lə̂ könô gbɛ̂ tchêpâ nə̈ bïchuû, kə̈ ê rə̂ tə̂ andjê pä abadjângele. Azü nə̈ də̈:

Jâan 15:16

Âdə̂âbo nyënyê kä ndə̂ âê mê-a, praâbalë mëmê kä ndə̂ adɨ̂ nyê, më zäma sə̈ nyê ndə̂kə̂ pa nyë e, kə̂ le lêlê nə̈, lêlê nə̈ ndə̂ âwa logbɛ̂. Käko Bha mê âkʉadje arə gbɛ̂ sə̈ nyê ndə̂ nyë yûkû nə̈ la rə̈ mê.

Jâan 20:21

Jezü kâ tô rə̂ sə̈ andjê päkëdə̂: «Nyë sə̈ la zɨtɨ su! Batə̂ rə̂ ndə̂ Bha mê wân mê, mëmê ndjë gbɛ̂, mê âwan nyê.»

Abadjângele 1:15

Tə̂ngâlo, azü ndə̂ Jezü pâlatə̂ andjê. Kə̂ ngba ndə̂ andjê gbɛ̂ wä ngbangbo balë la tə̂ akrə gbɛ̂ (120). Pîêre âlafô lə̂ gbâtə̂ andjê kə̈ tô rə̂ päkëdə̂:

Abadjângele 1:2

ndjoa ësə̂nə̈ ndə̂ a kênga la tchë atə̂ lafô. Dokʉ̈tchê ndə̂kə̂ pa tche kenga atə̂ lafô, lə̂ köbosə̂ gbôgbô ndə̂ Kpɨ̂ki Yingö, tche zä bâlâ alême tə̂ abadjângele ndə̂ yê ndə̂ tche dɨ̂ andjê bëte kua ndə̂ yê.

Abadjângele 18:17

Pânə̈ andjë gbɛ̂ zâ Sösötêne, makündji tə̂ küma nda kə̂ voga Ndjapä ndə̂ ajuîfu, kə̈ bhî tchë kpô tchâtchu nda ngbanga nə̈, praâbalë Galiyön mbôâbo ngâ rə balë-a.

Abadjângele 22:21

Gbölö Gbïɛ̈ tô rə̂ sə̈ mê päkëdə̂: ‹Amö êë, bëte më wän ndjë mö ngrɨ̈ kundə̂ azü ndə̂ angâ agö ngbî.›»

Rômo 1:1

Mëmê Pôlo, ndə̂ më wâtə̂ earə̂ kua ndə̂ Jezü Krîsiti, më mbö mbëtï âtə sə̈ nyê. Ndjapä ë mê ndə̂kə̂ pa më watə̂ badjângele ndə̂ yê. Tche zä mê ngbî ndə̂kə̂ pa më mu Tchôtchô Pö ndə̂ yê sə̈ azü gbɛ̂.

Rômo 1:10

ndə̂ më sə̂ lakə̂ to pö sə̈ Ndjapä, më yü tchë logbɛ̂ ndə̂kə̂ pa âdə su yê ânyində̂ nə̈, tche ji köbo sə̈ mê ndə̂kə̂ pa më e kə̂ wun nyê.

Rômo 1:5

Lə̂ köbosə̂ yê, Ndjapä mbö tchôtchô su tə̂ mê ndə̂kə̂ watə̂ badjângele ndə̂kə̂ mbo rə̂ ânyë azü gbɛ̂ ndə̂ andjë wâbô wâtə̂ ajuîfu za su andjê sə̈ Jezü Krîsiti ndə̂kə̂ mbo rə gundə̂sə̂ pö ndə̂ yê. Më mbö rə̂ bëte rə̈ Krîsiti.

Dokʉ̈ Körɛ̂nte 15:9

Bëte më wä kpîɛ̂kpîɛ̂ rə̂ tə̂ abadjângele gbɛ̂, më kʉ̂âbo ndjë sə̂nə̈ pä a e rə̂ tə̂ mê pä badjângele-a, bëte më mbö gbôgbô tə̂ Egilîze ndə̂ Ndjapä.

Dokʉ̈ Körɛ̂nte 3:9

Bëte ârâ mbö kua balë la Ndjapä, ânyë nyë də̂ andə̂ nye nə̈ kɨ̈ndɨ̈ ndə̂ Ndjapä. Nyë wä ndjë tə̂ nda ndə̂ Ndjapä.

Bïchuû Körɛ̂nte 1:1

Mëmê Pôlo, më wätə̂ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈. Mëmê la ngâ azə̂ Timotë kä ndə̂ âwân mbëtï âtə. Ârâ wän mbëtï âtə sə̈ Egilîze ndə̂ Ndjapä ndə̂ âwâ lə̂ gö ndə̂ Körɛ̂nte ndjë la azü ndə̂ Ndjapä gbɛ̂ ndə̂ andjë wâ lə̂ agö ndə̂ Akayï gbɛ̂.

Bïchuû Körɛ̂nte 11:5

Âdə andə̂ agbölö abadjângele ndə̂ nyê lâme, më wün rə̂ pä andjë rôâbo mê la ngâ rə-a.

Bïchuû Körɛ̂nte 12:12

Akua ndə̂ ânyîsə̂ nə̈ pä më wätə̂ badjângele mbô lə̂ gbâtə̂ nyê nə̂. Më rʉ̈ätə̂ su mê lə̂ arə gbɛ̂, ânyë lə̂ köbosə̂ kua nə̈, nyë wûn akpɨ̈ngbɨ̈ rə ngbî ngbî, la arə ndə̂ ârôpâ küma azü.

Bïchuû Körɛ̂nte 8:5

Rə ndə̂ andjë mbô rə̂ lâme ärö rə ndə̂ ârâ krʉ̂ bëte rə̂ tchânə̂ andjê: Andjë zätə̂ andjê la tə̂ andjê dokʉ̈tchê sə̈ Gbölö gbïɛ̈, pânə̈ andjë zâtə̂ andjê sə̈ ârâ lə̂ köbosə̂ nə̈ ndə̂ Ndjapä nyîndə̂ nə̈.

Gälâte 1:1

Mëmê Pôlo, ndə̂ më wâtə̂ badjângele, âdə̂âbô lə̂ köbosə̂ azü kä ndə̂ a ê mê ndə̂kə̂ watə̂ badjângele-a, më djêâbo ndjë pö nə̈ lə̂ ma ngâ akrə-a, praâbalë më djë rə̂ lə̂ ma Jezü Krîsiti la Ndjapä Bha ndə̂ tche jô tchë lə̂ kuzü.

Ëfêze 1:1

5Mëmê Pôlo më wätə̂ badjângele ndə̂ Jezü Krîsiti, lə̂ köbosə̂ nə̈ ndə̂ Ndjapä nyîndə̂ nə̈, më mbö mbëtï âtə sə̈ azü ndə̂ Ndjapä ndə̂ andjë sə̂ bhâ [Ëfêze], andjanə̈ ndə̂ andjë zâ su andjê gbɛ̂ sə̈ Ndjapä ânyë kə̈ wâ balë la Jezü Krîsiti.

Ëfêze 4:11

Arə ndə̂ Yingö ndə̂ Krîsiti kʉ̂ rə̂ wä kâkë: Tche kʉ̈ rə̂ sə̈ angânə̈ ndə̂kə̂ watə̂ abadjângele, âdəndjë a-earə̂ ndə̂ma Ndjapä, âdəndjë a-earə̂ kə̂ mu Tchôtchô Pö, âdəndjë a-earə̂ kə̂ sə tə̂ küma Egilîze, âdəndjë a-earə̂ kə̂ nyisə̂ rə.

Kölôse 1:1

Mëmê Pôlo, më də̈ badjângele ndə̂ Jezü Krîsiti lə̂ köbosə̂ nə̈ ndə̂ su Ndjapä nyîndə̂ nə̈, mëmê la ngâ azə̂ Timotë,

Dokʉ̈ Timotë 1:1

Mëmê Pôlo, më wâtə̂ badjângele ndə̂ Jezü Krîsiti, lə̂ köbosə̂ kə̂ zama ndə̂ Ndjapä, Earə̂ kə̂ tcha azə̂, la Jezü Krîsiti ndə̂ azə̈ zâ su azə̂ pâ yê.

Dokʉ̈ Timotë 2:7

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele. Më wä ndjë tə̂ earə̂ kə̂ nyisə̂ rə sə̈ azü ndə̂ andjë wâbô wâtə̂ ajuîfu, ndə̂kə̂ pa andjë za su andjê sə̈ Krîsiti, kə̂ wunsə̂ lëge pö. Pö ndə̂ më tô rə̂ lâme wätə̂ lëge pö, më môâbo yepa-a.

Bïchuû Timotë 1:1

Mëmê Pôlo, më də̈ badjângele ndə̂ Jezü Krîsiti, lə̂ köbosə̂ nə̈ ndə̂ Ndjapä nyîndə̂ nə̈, ndjë gundə̂sə̂ bâlâ ndə̂ tchîsûwu ndə̂ Ndjapä zâ rə̂ tə̂ azü, ndə̂ âwâ lə̂ Jezü Krîsiti.