Dokʉ̈ Jâan 5:8 - Mbëtï Ndjapä: TÄFO MADƗ̈

⁸ Kpɨ̂ki Yingö la ngû la jï. Andjê vötaâ lâme, pö ndə̂ andjê wä balë.

Dokʉ̈ Jâan 5:8 Iomraidhean Croise

Matiyə̈ 28:19

Nyë êë pu azü pâ cho gbɛ̂, kə̂ mbo andjê tə̂ adjisîpili, nyë zä batɛ̂me sə̈ andjê la rə̈ Bha, la rə̈ Modô, la rə̈ Kpɨ̂ki Yingö.

Mâreke 14:56

Bëte angbängbä azü tö apö yepa lə̂ küma yê, praâbalë apö nə̈ wâbo pâ mawû nə̈ balë-a.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Jâan 19:34

Praâbalë ngâ turûgu nə̈ balë trô Jezü la dɨ̈ tə̂ krabadja yê, posə̂nə̈ jï la ngû sə̂ lakə̂ wutu lə̂nə̈.

Abadjângele 15:15

Rə nə̈ mbö gundə̂sə̂ pö ndə̂ a-earə̂ ndə̂ma Ndjapä tô rə̂ alême, bëte a mbö rə̂ lə̂ Mbëtï Ndjapä päkëdə̂:

Rômo 8:16

Kpɨ̂ki Yingö la tə̂ yê tö rə̂ sə̈ yingö ndə̂ azə̂ pä azə̈ wätə̂ abechë ndə̂ Ndjapä.

Bïchuû Körɛ̂nte 1:22

Ndjapä mbö ngâ sɨ̂nyî tə̂ azə̂, kə̈ zâ Yingö ndə̂ yê bhâlə̂ su azə̂ ndə̂kə̂ nyisə̂ nə̈ pä atchôtchô arə ndə̂ tche bâta rə̂ pra azə̂, tchê kʉadje rə̂ sə̈ azə̂.

Aheborö 13:12

Bëte rə̂ kä ndə̂, Jezü tchû ndjë də sûwu gö nə̈ ndə̂kə̂ pa lə̂ köbosə̂ jï yê la tə̂ yê, tche djutu ngbongbo rə ndə̂ azü gö nə̈.

Aheborö 6:4

Käko, pö ndə̂ azü ndə̂ andjë dôtə̂ andjê lə̂ bəndɨ tchîsûwu ndə̂ andjê lâme âwa atöko? Andjë gbö ngbänga ndə̂ Ndjapä sûsunə̈ balë, andjë djë tchö tchôtchô rə ndə̂ tchêlafô, andjë gbö Kpɨ̂ki Yingö,

Dokʉ̈ Pîêre 3:21

Rə lâme wä batə̂ nyîsɨ̂ batɛ̂me ndə̂ âtcha nyê angaâtə. Batɛ̂me nə̈ lâme djûtuabô kâkpö ndə̂ âwatə̂ kpoto nyê-a, praâbalë äwätə̂ kə̂ zatə̂ akrə sə̈ Ndjapä, ndə̂kə̂ pa kə̂ rɨ tchə̂lə̂ su yê wabô wâ la ngâ ngbongbo rə balë-ê. Ârə̂ kä âkə̂ tcha nyê lə̂ köbosə̂ kə̂ jo ndə̂ Jezü Krîsiti lə̂ kuzü.

Dokʉ̈ Jâan 5:9

Âdə azü âto pö ndə̂ rə ndə̂ andjë wûn rə̂ sə̈ azə̂, azə̈ gamba rə̂; dëkë pö ndə̂ Ndjapä tô rə̂, älü kə̈ rô andə̂ azü. Pö nə̈ ndə̂ Ndjapä tô rə̂ lâme wä pâ Modô ndə̂ yê.