Dokʉ̈ Jâan 5:7 - Mbëtï Ndjapä: TÄFO MADƗ̈

⁷ Andjë kä vötaâ ndə̂ andjë tô pö ndə̂nə̈, andjë də̈:

Dokʉ̈ Jâan 5:7 Iomraidhean Croise

Matiyə̈ 17:5

Ndə̂ gbô tchë ndə̂po lakə̂ to pö nə̈, ngâ ndrö ndə̂ âsə̂ lakə̂ tchôtchö, tô bhâ lafô kə̈ jrê ëpâ andjê. A djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂, nyë djë tchë.»

Matiyə̈ 18:16

Praâbalë âdə tche âkosə̂ kə̂ dje mö, amö za ngâ akrə balë âdəndjë azü bïchuû ëtə̂ kʉ̂tê zə̈, kə̂ kä e kə̂ wun tchë. Ädə̈ käko ânyë, Mbëtï Ndjapä tô rə̂ päkëdə̂: ‹Lə̂ köbosə̂ pö ma azü bïchuû âdəndjë vötaâ ndə̂ andjë wûnsə̂ pö nə̈, andjë nyikrə rə̂.›

Matiyə̈ 28:19

Nyë êë pu azü pâ cho gbɛ̂, kə̂ mbo andjê tə̂ adjisîpili, nyë zä batɛ̂me sə̈ andjê la rə̈ Bha, la rə̈ Modô, la rə̈ Kpɨ̂ki Yingö.

Jâan 1:1

Dokʉ̈tchê ndə̂kə̂ pa Ndjapä mbo tchîsûwu, Pö alême kä tâ, Pö nə̈ wä alême bhâ ndrotə̂ Ndjapä, Pö nə̈ wä alême tə̂ Ndjapä.

Jâan 10:30

Mëmê la Bha mê, ârâ wä balë.»

Jâan 12:28

Bha mê, amö lusə̂ rə̈ zə̈.» A djê tchə̂lə̂ ngâ gɨ̈ bhâ lafô päkëdə̂: «Më lûsə̂ rə̈ zə̈ nə̂, mê âkä lusə̂ nə̈ tə̂ täfo nə̈.»

Jâan 14:17

Tche wätə̂ Yingö ndə̂ tche to lëge pö, ânyë azü tchêbêche wâbo ndə̂kə̂ gamba pö ndə̂ yê-a, bëte andjë wûn-âbo tchë-a, ânyë kə̈ wûn-âbo sə̂ yê-a. Praâbalë nyënyê ndə̂ nye nə̈, nyë wûnsə̂ yê nə̂, bëte tche kä ndrotə̂ nyê ânyë tche kä lə̂ nyê.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Jâan 5:26

Käko batə̂ rə̂ ndə̂ Bha wâ la tchîsûwu lə̂ yê la tə̂ yê, käko ndjë tche zä köbo sə̈ Modô nə̈ ndə̂kə̂ wa la tchîsûwu lə̂ yê la tə̂ yê.

Jâan 8:18

Më tö pö pâ pö ndə̂ mê la tə̂ mê, Bha mê ndə̂ tche wân mê tö ndjë pö pâ mê.»

Jâan 8:54

Jezü tô rə̂ ndə̂nə̈ sə̈ andjê päkëdə̂: «Âdə mëmê la tə̂ mê kä ndə̂ âlusə̂tə̂ mê la tə̂ mê, kə̂ lusə̂tə̂ mê nə̈ lâme wâbô tə̂ ngâ rə-a. Bha mê kä ndə̂ âlusə̂ mê, tchetchë ndə̂ nyë tô rə̂ päkëdə̂: ‹Tche wätə̂ Ndjapä ndə̂ ârâ lâme.›

Abadjângele 2:33

A kênga la tchë bhâ lafô kə̈ zâ tchë də ndôkö könô Ndjapä, tche gbô Kpɨ̂ki Yingö tchânə̂ Bha nə̈ ndə̂ tche zâ bâlâ tə̂ pö ndə̂ yê alême, ânyë kə̈ wân tchë ndə̂kə̂ jre pâ azə̂. Ârə̂ kä ndə̂ nyë wûn rə̂ ânyë kə̂ dje rə̂ âtə.

Abadjângele 5:32

Ârâ tö pö ndə̂ arə ndə̂ ârâ wûnsə̂ nə̈ pâ arə ndə̂ âwûtu lâme, ârâ la Kpɨ̂ki Yingö ndə̂ Ndjapä zâ tchë sə̈ azü ndə̂ andjë mbo rə gundə̂sə̂ pö ma yê.»

Dokʉ̈ Jâan 1:1

Rə ndə̂ âwâ tâ alême lə̂ kêsâ nə̈, ârâ djë rə̂, kə̈ wûn rə̂ la lala ârâ, kə̈ chêko rə̂, kə̈ grʉ̂ rə̂ la könô ârâ: Rə nə̈ də̈ Pö ndə̂ âza tchîsûwu sə̈ azü.

Dokʉ̈ Jâan 5:6

Jezü Krîsiti nə̈ pu azə̂ lə̂ köbosə̂ ngû ndə̂ batɛ̂me ndə̂ yê, ndjë la jï kuzü yê. Tche nə̂âbo kütû lə̂ köbosə̂ ngû-a, praâbalë tche nə̈ lə̂ köbosə̂ ngû la jï, ânyë Kpɨ̂ki Yingö tô pö ndə̂nə̈ pä äwätə̂ lëge nə̈, bëte Yingö wätə̂ lëge pö.

Dokʉ̈ Jâan 5:8

Kpɨ̂ki Yingö la ngû la jï. Andjê vötaâ lâme, pö ndə̂ andjê wä balë.

Apökälîbïchi 19:13

Tche yü ngâ gbölö lə̂ba ndə̂ jï zâ kʉ̂tê nə̈ gbɛ̂. Rə̈ yê wü päkëdə̂: «Pö Ndjapä.»