Dokʉ̈ Jâan 5:6 - Mbëtï Ndjapä: TÄFO MADƗ̈

⁶ Jezü Krîsiti nə̈ pu azə̂ lə̂ köbosə̂ ngû ndə̂ batɛ̂me ndə̂ yê, ndjë la jï kuzü yê. Tche nə̂âbo kütû lə̂ köbosə̂ ngû-a, praâbalë tche nə̈ lə̂ köbosə̂ ngû la jï, ânyë Kpɨ̂ki Yingö tô pö ndə̂nə̈ pä äwätə̂ lëge nə̈, bëte Yingö wätə̂ lëge pö.

Dokʉ̈ Jâan 5:6 Iomraidhean Croise

Matiyə̈ 26:28

bëte rə âtə də̈ jï mê, jï madɨ̈ ndə̂ âtû bëte kə̂ ko pö lə̂ küma angbängbä azü.

Matiyə̈ 3:16

Pânə̈ ndə̂ Jezü gbô batɛ̂me, tche wûtu lə̂ ngû nə̈. Tə̂ lo nə̈ lâme, manda tchêlafô krô-ê. Tche wûn Yingö ndə̂ Ndjapä ndə̂ âjrê batə̂ grôgrô puli ânyë kə̈ sə̂ ëpâ yê.

Mâreke 14:24

Käko tche tô rə̂ sə̈ andjê päkëdə̂: «Kangûchi vɛ̂n-ɛn âtə də̈ jï mê, jï madɨ̈ ndə̂ âtû bëte angbängbä azü.

Lûke 22:20

Pânə̈ ndə̂ andjë zɨ kɨ̈zɨ̂ nə̈, tche zâ kangûtchi vɛ̂n-ɛn nə̈ kə̈ tô rə̂ sə̈ andjê päkëdə̂: «Kangûtchi vɛ̂n-ɛn âtə wätə̂ täfo madɨ̈ ndə̂ Ndjapä la azü, lə̂ köbosə̂ jï mê ndə̂ âtû bëte nyê.

Jâan 14:17

Tche wätə̂ Yingö ndə̂ tche to lëge pö, ânyë azü tchêbêche wâbo ndə̂kə̂ gamba pö ndə̂ yê-a, bëte andjë wûn-âbo tchë-a, ânyë kə̈ wûn-âbo sə̂ yê-a. Praâbalë nyënyê ndə̂ nye nə̈, nyë wûnsə̂ yê nə̂, bëte tche kä ndrotə̂ nyê ânyë tche kä lə̂ nyê.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Jâan 16:13

Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê.

Jâan 3:5

Jezü tô rə̂ ndə̂nə̈ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö: Âdə a âzɨabô ngâ akrə zɨ̂ lə̂ köbosə̂ ngû, la Yingö-ê, tchê liabô lə̂ Gbölö gö-gbïɛ̈ ndə̂ Ndjapä tee-a.

Jâan 4:10

Jezü tô rə̂ ndə̂nə̈ sə̈ tchë päkëdə̂: «Âdə mo âwunsə̂ rə ndə̂ Ndjapä za rə̂ sə̈ azü, ânyë kə̈ wûnsə̂ akrə ndə̂ tche yûkû ngû tchânə̂ zə̈ ndə̂kə̂ ndjo rə̂ âtə, dëkë momö kä ndə̂ âyukû ngû nə̈, ânyë tche za ngû ndə̂ âza tchîsûwu sə̈ mö.»

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 6:55

Bëte mbë mê wätə̂ lëge kɨ̈zɨ̂, ânyë jï mê wâtə̂ lëge rə ndə̂kə̂ ndjo rə̂.

Abadjângele 8:36

Ndə̂ gbô andjê sə̂ po lə̂ köbo, andjë wûtu pâ ngâ ngû. Akrə gö ndə̂ Etchiopï nə̈ tô rə̂ päkëdə̂: «Ngû kä âtə, giamâ kä âkə̈ kîtə̂ köbo tə̂ mê ndə̂kə̂ gbo batɛ̂me?» [

Rômo 3:25

Ndjapä zä Jezü Krîsiti batə̂ ngela ânyë lə̂ köbosə̂ jï yê, Krîsiti jî ngbongbo rə ndə̂ azü ndə̂ andjë zâ su andjê sə̈ tchë. Ndjapä mbö rə̂ käko ndə̂kə̂ nyisə̂ nə̈ pä tche wä djîrə̂: Angbongbo rə ndə̂ azü mbo rə̂ alême, tche gʉ̈ä la yê pânə̈,

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.

Kölôse 1:4

Bëte ârâ djê pö ndə̂kə̂ za su nyê sə̈ Jezü Krîsiti lâme nə̂, ndjë lakə̂ nyində̂ azü ndə̂ Ndjapä gbɛ̂ lâme.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Tîte 3:5

tche tchâ azə̂ lə̂ kuzü. Tche tchâbo azə̂ bëte adjîrə̂ akua ndə̂ azə̂ la tə̂ azə̂ mbô rə̂-a, praâbalë tche tchä azə̂ bëte tche wün nyonyo azə̂, ndjë la rə̂ ndə̂ Kpɨ̂ki Yingö djûtu azə̂ ânyë azə̈ wâtə̂ atäfo azü, kə̈ zâ täfo kə̂ sə sə̈ azə̂.

Aheborö 10:29

Käko andə̂ akrə ndə̂ tche tâlusə̂ Modô ndə̂ Ndjapä, ânyë kə̈ wûn jï madɨ̈ ndə̂ âdjûtu kâkpö ndə̂ yê tə̂ mbämbä rə, lakə̂ dro Kpɨ̂ki Yingö ndə̂ tche mbô rə̂ pä azə̈ wunsə̂ tchôtchô su ndə̂ Ndjapä, pö ndə̂ yê âdə atöko? Tchê gboadje ngâ gbölö nyonyo ngbânə̈!

Aheborö 12:24

Nyë gîtə̂ nyê nə̂ ndola Jezü ndə̂ tche də̂ earə̂ kə̂ nyîkrə tchôtchô kə̂ sə lə̂ gbâtə̂ azü la Ndjapä, lə̂ köbosə̂ Täfo Madɨ̈, la jï yê ndə̂ âtû bëte azü ânyë kə̈ tô pö ârô andə̂ jï Äbêle.

Aheborö 13:20

Ndjapä ndə̂ tche za zɨtɨ su sə̈ akrə, tche mbö rə̂ pä Gbölö Gbïɛ̈ ndə̂ azə̂ Jezü jo lə̂ kuzü ânyë kə̈ wâtə̂ gbölö earə̂ kə̂ bata aɛ̈bro-ngbaga, lə̂ köbosə̂ jï yê ndə̂ tche zâ rə̂ la ngela, ânyë âbâta madɨ̈ ndə̂ âwâ pïï etə̂.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Aheborö 9:7

Praâbalë lə̂ bïchuû ndokʉ̈ nə̈, kütû gbölö earə̂ kə̂ wa ngela sə̈ Ndjapä balë kä âli sûsunə̈ balë lə̂ ngû balë. Tchetchë kä ndə̂ âli la jï gia lə̂ tchô nə̈ lâme, ndə̂kə̂ kʉ rə̂ la ngela sə̈ Ndjapä bëte arə ndə̂ tchetchë la tə̂ yê mbôâbô rə̂ mbô la köbo nə̈ la andə̂ azü gö nə̈.

Dokʉ̈ Pîêre 1:2

Ndjapä Bha dɨ̈ nyê gundə̂sə̂ nə̈ ndə̂ tche nyikrə rə̂ dokʉ̈tchê bhâtə̂ su yê. Tche mbö rə̂ pä nyë daka gbɛ̂, lə̂ köbosə̂ Yingö ndə̂ yê, ndə̂kə̂ pa nyë dje ma Jezü Krîsiti, ânyë tche djutu ngbongbo rə ndə̂ nyê la jï yê. Äfü pä tchôtchô su la zɨtɨ su ndə̂ Ndjapä wa pâ nyê tə̂ gbölösə̂nə̈.

Dokʉ̈ Pîêre 3:21

Rə lâme wä batə̂ nyîsɨ̂ batɛ̂me ndə̂ âtcha nyê angaâtə. Batɛ̂me nə̈ lâme djûtuabô kâkpö ndə̂ âwatə̂ kpoto nyê-a, praâbalë äwätə̂ kə̂ zatə̂ akrə sə̈ Ndjapä, ndə̂kə̂ pa kə̂ rɨ tchə̂lə̂ su yê wabô wâ la ngâ ngbongbo rə balë-ê. Ârə̂ kä âkə̂ tcha nyê lə̂ köbosə̂ kə̂ jo ndə̂ Jezü Krîsiti lə̂ kuzü.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 4:10

Kə̂ nyində̂ ngâ wä kâkë: Âdə̂âbô azə̂ kä ndə̂ ânyîndə̂ Ndjapä-a, praâbalë Ndjapä kä ndə̂ ânyîndə̂ azə̂ ânyë kə̈ wân Modô ndə̂ yê, tche zätə̂ yê la ngela ndə̂kə̂ pa Ndjapä ko pö lə̂ küma azə̂.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,

Apökälîbïchi 5:9

Andjë sə̈ lakə̂ pa ngâ täfo düwü päkëdə̂: «Mo kʉ̈sə̂ kə̂ za mbëtï nə̈ kə̂ on mênde nə̈ bëte a wôn mö alême nə̂. Mo yösə̂ azü sə̈ Ndjapä lə̂ köbosə̂ jï zə̈, azü nə̈ ndə̂ mo yôsə̂ andjê lâme də̈ azü pâ amawo gbɛ̂, ama gö gbɛ̂, azü gö gbɛ̂ la azü ndə̂ agö ngbî.

Apökälîbïchi 7:14

Më tô rə̂ ndə̂nə̈ sə̈ tchë päkëdə̂: «Gbölö Gbïɛ̈ ndə̂ mê, mo wûnsə̂ nə̈ nə̂ gbɛ̂.» Tche tô rə̂ sə̈ mê päkëdə̂: «Andjë də̈ azü ndə̂ andjê tô lə̂ agbôgbô arə ndə̂ a mbô rə̂ tə̂ andjê. Andjë djûtu ngrɨ̈ngrɨ̈ lə̂ba ndə̂ andjê lə̂ jï Ngbavö Ɛ̈bro-ngbaga nə̂, ânyë lə̂ba nə̈ grô lâme.