Dokʉ̈ Jâan 5:4 - Mbëtï Ndjapä: TÄFO MADƗ̈

⁴ Bëte azü gbɛ̂ ndə̂ andjë wâtə̂ abechë ndə̂ Ndjapä, andjë rö tchêbêche âtə la gbôgbô. Köbo ndə̂kə̂ ropâ tchêbêche âtə la gbôgbô də̈ kə̂ za su sə̈ Ndjapä.

Dokʉ̈ Jâan 5:4 Iomraidhean Croise

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Jâan 3:3

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö, âdə a âkä zɨabô ngâ akrə zɨ̂ tə̂ täfo nə̈, tchê liabô lə̂ Gbölö gö-gbïɛ̈ ndə̂ Ndjapä tee-a.»

Dokʉ̈ Körɛ̂nte 15:57

Praâbalë azə̈ zä ayîabâ sə̈ Ndjapä ndə̂ tche mbô rə̂ pä lə̂ köbosə̂ Gbölö Gbïɛ̈ ndə̂ azə̂ Jezü Krîsiti, azə̈ gbo gbôgbô.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Dokʉ̈ Jâan 4:4

Nyënyê ndə̂ abechë ndə̂ mê, nyë wätə̂ azü ndə̂ Ndjapä. Nyë rô a-earə̂ ndə̂ma Ndjapä ndə̂ yepa lâme la gbôgbô nə̂. Bëte tchanə̈ ndə̂ tche wâ lə̂ nyê lâme, tche wä gbölö kə̈ rô tchanə̈ ndə̂ tche wâ pâ cho âtə.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:5

Tchabâ kä ndə̂ ârô tchêbêche âtə la gbôgbô? Kütû akrə ndə̂ tche gâmba rə̂ pä Jezü də̈ Modô ndə̂ Ndjapä.

Apökälîbïchi 12:11

Praâbalë arə̂mâ ndə̂ azə̂ röpâ yê lə̂ köbosə̂ jï Ngbavö Ɛ̈bro-ngbaga, ndjë lə̂ köbosə̂ pö ndə̂ andjë wûnsə̂ nə̈ ânyë kə̈ mû rə̂, andjë wûn tchîsûwu ndə̂ andjê tə̂ mbämbä rə, kə̈ wâ tchêtchêtchê ndə̂kə̂ tchu.

Apökälîbïchi 15:2

Më wûn ngâ rə batə̂ ngû ngbro ndə̂ a wun tchô lə̂nə̈ ngrôô, ndə̂ ârɨ̂nyi tə̂ yê la wo. Azü ndə̂ andjë krʉ̂ pâ ngû ngbro ndə̂ a wun tchô lə̂nə̈ lâme, də̈ azü ndə̂ andjë rôpâ gia nə̈ la gbôgbô, kə̈ rôpâ nyîsɨ̂ yê, ndjë pâ kə̂ ngba ndə̂ rə̈ yê. Akundi ndə̂ Ndjapä kʉ̂ rə̂ sə̈ andjê kä tchânə̂ andjê.

Apökälîbïchi 2:11

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, tchê tchuabô bïchuû kuzü tee-a.»

Apökälîbïchi 2:17

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê zadje mâne ndə̂ gbô rə̂ wâ lə̂ küwû nə̈ la grôgrô täme sə̈ tchë. A mbö ngâ täfo rə̈ ëpâ täme nə̈ lâme, ndə̂ ngâ akrə ndə̂ tche wûnsə̂ nə̈ sə̂âbo-a, praâbalë kütû akrə ndə̂ tche gbo rə̂ kä ndə̂ âwunsə̂ nə̈.»

Apökälîbïchi 2:26

«Akrə ndə̂ tche rô lə̂ arə gbɛ̂ la gbôgbô, ânyë kə̈ bâta ndjë akua ndə̂ mê ndjoa ëtə̂ manə̈, mê zadje kümändëmä sə̈ tchë ndə̂kə̂ sə pâ azü ndə̂ angâ agö ngbî.

Apökälîbïchi 2:7

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê kʉadje alêlê yö ndə̂ âza tchîsûwu sə̈ akrə sə̈ tchë, ndə̂kə̂ pa tche zɨ rə̂. Alêlê yö nə̈ lâme wä bhâlə̂ paradï ndə̂ Ndjapä.»

Apökälîbïchi 3:12

«Akrə ndə̂ tche rô lə̂ arə gbɛ̂ la gbôgbô, mê mboadje rə̂ pä tche wa batə̂ gbölö täme ndə̂ âtɨngɨ küma gbölö nda Ndjapä ndə̂ Ndjapä ndə̂ mê. Tchê kä wutuabô balë tee-a. Mê mboadje rə̈ Ndjapä ndə̂ mê pâ yê, la rə̈ gö ndə̂ Ndjapä ndə̂ mê. Gö nə̈ lâme də̈ täfo Jerûzalêmo, ndə̂ âtô bhâ lafô, ndrotə̂ Ndjapä ndə̂ mê, ânyë kə̈ jrê atə̂ bêche. Mê mboadje ndjë rə̈ täfo rə̈ mê pâ yê.

Apökälîbïchi 3:21

«Akrə ndə̂ tche rô lə̂ arə gbɛ̂ la gbôgbô, mê zadje köbo sə̈ tchë ndə̂kə̂ sə sə̂nə̈ balë la mê lə̂ ngendë-gbïɛ̈ ndə̂ mê, batə̂ rə̂ ndə̂ mëmê ndjë gbɛ̂, më rô lə̂ arə gbɛ̂ la gbôgbô ânyë kə̈ sə̂ sə̂nə̈ balë la Bha mê lə̂ ngendë-gbïɛ̈ ndə̂ yê.

Apökälîbïchi 3:5

«Käko akrə ndə̂ tche rô lə̂ arə gbɛ̂ la gbôgbô, tche yuadje agrôgrô lə̂ba. Ânyë mê jiabô rə̈ yê lə̂ mbëtï ndə̂ tchîsûwu tee-a, ndjë, më âto tchôtchô pö ndə̂ yê kraâ tchâtchu Bha mê la aânje ndə̂ yê.