Dokʉ̈ Jâan 5:21 - Mbëtï Ndjapä: TÄFO MADƗ̈

²¹ Abechë ndə̂ mê, äwäpä nyë vogabô angakʉ̈lä vôga-ê!

Dokʉ̈ Jâan 5:21 Iomraidhean Croise

Matiyə̈ 6:13

Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î. Praâbalë amö ji ârâ tchânə̂ Ngbongbo akrə. [Bëte kümändëmä la gbôgbô lakə̂ lusə̂tə̂ də̈ andə̂ zə nə̈ ndə̂ logbɛ̂ logbɛ̂! Amin.›]

Dokʉ̈ Körɛ̂nte 10:14

Bëte rə̂ kä ndə̂, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpe tə̂ köbo ndə̂kə̂ voga ngakʉ̈lä-ê.

Dokʉ̈ Körɛ̂nte 10:7

Nyë vögabô angakʉ̈lä vôga-ê, batə̂ rə̂ ndə̂ angânə̈ lə̂ gûtə̂ andjê mbô rə̂ lâme-ê. Mbëtï Ndjapä tö rə̂ päkëdə̂: «Azü nə̈ sə̈ bêche ndə̂kə̂ zɨ rə lakə̂ ndjo rə. La tchêngbâ nə̈, andjë âlafô ndə̂kə̂ vu ngɨ̈.»

Dokʉ̈ Tësälönîke 1:9

Azü gbɛ̂ tö pö ndə̂ köbo ndə̂ nyë kʉ̂ ârâ bhândə̂ nyê, köbo ndə̂ nyë gbôtə̂ angakʉ̈lä ânyë kə̈ kâ pu Ndjapä ndə̂kə̂ mbo kua ndə̂ yê, tchetchë ndə̂ tche wâ la tchîsûwu ânyë kə̈ wätə̂ lëge Ndjapä.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Apökälîbïchi 14:11

Ngʉ̂wo wo ndə̂ âmbo andjê la yûkü älafô logbɛ̂ logbɛ̂, andjë gbôâbo köbo ndə̂kə̂ yatə̂ andjê-a, dalo âdəndjë la tchə̂lə̂ bütchî-a, andjanə̈ ndə̂ andjë voga gia nə̈ la nyîsɨ̂ yê, la akrə ndə̂ tche gbô sɨ̂nyî rə̈ yê lâme.»

Apökälîbïchi 9:20

Âdə andə̂ adɨ̂ azü ndə̂ andjë tchûâbô tchû lə̂ köbosə̂ arə nyonyo lâme, andjë gbôâbo tə̂ köbo ndə̂kə̂ voga arə ndə̂ andjë mbô rə̂ la könô andjê-a. Gbô andjê kä lakə̂ voga angbongbo atchozö la angakʉ̈lä ndə̂ a mbô andjê la lôlo la wɛ̂n ndə̂ a mbô rə̂ la makətche la ngbêngbê wɛ̂n la täme ndjë la yö. Angakʉ̈lä lâme wûn-âbo tchô-a, kə̈ djêâbo ndjë pö-a, kə̈ nə̂âbo ndjë-a.