Dokʉ̈ Jâan 5:20 - Mbëtï Ndjapä: TÄFO MADƗ̈

²⁰ Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Dokʉ̈ Jâan 5:20 Iomraidhean Croise

Matiyə̈ 13:11

Tche tô rə̂ ndə̂nə̈ sə̈ andjê päkëdə̂: «Andə̂ nye nə̈, Ndjapä zä rə̂ sə̈ nyê ndə̂kə̂ wunsə̂ alëge pö ndə̂ Gbölö gö-gbïɛ̈ ndə̂ tchêlafô ndə̂ âwâ wü. Andə̂ andjë nə̈, Ndjapä zâbo rə̂ sə̈ andjê ndə̂kə̂ wunsə̂ nə̈-a.

Lûke 21:15

Bëte mëmê la tə̂ mê, mê zadje pö sə̈ nyê ndə̂kə̂ to rə̂, kə̂ mbo rə̂ pä küma nyê wa lanə̈. Apö lâme, azü ndə̂ andjë kôsə̂ nyê wâbo ndə̂kə̂ to ndjë ngâ pö ngbî ndə̂nə̈, âdəndjë ndə̂kə̂ kosə̂ nə̈-a.

Lûke 24:45

Käko tche jî köbo kə̂ wunsə̂ rə sə̈ andjê ndə̂kə̂ pa andjë dje tchə̂lə̂ pö lə̂ Mbëtï Ndjapä.

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 10:30

Mëmê la Bha mê, ârâ wä balë.»

Jâan 14:20

Âdə lo nə̈ âwutu nə̂, nyê wun-adje sə̂nə̈ pä mëmê la Bha mê, ârâ wä balë ânyë nyë wâ balë la mê, ânyë më wâ ndjë balë la nyê.

Jâan 14:23

Jezü tô rə̂ sə̈ tchë päkëdə̂: «Âdə ngâ akrə ânyində̂ mê, tchê mboadje rə gundə̂sə̂ pö ndə̂ mê. Bha mê ndjë gbɛ̂ nyiadje ndə̂ yê, mëmê la Bha mê, ârâ eadje ndə̂kə̂ sə bhândə̂ yê.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 14:9

Jezü tô rə̂ sə̈ tchë päkëdə̂: «Fïlîpe, ndə̂ mê gû lə̂ gûtə̂ nyê nə̂, mo wûn-âbo sə̂ mê dämba? Akrə ndə̂ tche wûn mê, dëkë tche wûn Bha mê nə̂. Bëte giamâ mo yû mê päkëdə̂: ‹Amö nyisə̂ Bha sə̈ ârâ›?

Jâan 15:4

Nyë sə̈ balë la mê ânyë mê səadje balë la nyê. Ngâ matö yö wâbo ndə̂kə̂ le la tə̂ yê, ndə̂ tche wâbô wâ ëtə̂ da yö nə̈-a. Andə̂ nye nə̈, ârə̂ âwa ndjë käko-ë, âdə nyê âsəabô sə̂ balë la mê, nyê leabô lêlê nə̈ balë tee-a.

Jâan 17:14

Më zä pö ndə̂ zə̈ sə̈ andjê ânyë azü tchêbêche kôsə̂ andjê, bëte andjë wâbo tə̂ azü tchêbêche âtə-a, batə̂ rə̂ ndə̂ mëmê ndjë gbɛ̂ më wâbô wâtə̂ akrə tchêbêche âtə-ê.

Jâan 17:25

Bha mê ndə̂ mo wâ djîrə̂, azü tchêbêche âtə wûn-âbo sə̂ zə̈ balë-a, praâbalë më wünsə̂ zə̈, ânyë adjisîpili ndə̂ mê wûnsə̂ nə̈ nə̂ pä momö kä ndə̂ âwân mê.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 20:28

Tomä tô rə̂ sə̈ tchë päkëdə̂: «Gbölö Gbïɛ̈ ndə̂ mê la Ndjapä ndə̂ mê!»

Jâan 8:42

Jezü tô rə̂ sə̈ andjê päkëdə̂: «Âdə Ndjapä âwa alême tə̂ Bha nyê, nyê nyiadje ndə̂ mê, bëte më tö lə̂ Ndjapä ânyë kə̈ nə̂. Mëmê, më nə̂âbo la tə̂ mê-a, praâbalë tchetchë kä ndə̂ âwân mê.

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Rômo 9:5

Arə̂mâ ndə̂ mê nə̈ lâme wütu lə̂ araâta mê ndə̂ rə̈ andjê kɨ̂ tə̂ gbölösə̂nə̈. Pâ mawo ndə̂ andjê kä ndə̂ a zɨ̂ Krîsiti batə̂ azü gbɛ̂, tchetchë ndə̂ tche wâ pâ arə gbɛ̂. Äwäpä a voga Ndjapä tə̂ logbɛ̂ logbɛ̂! Amin.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Bïchuû Körɛ̂nte 5:17

Âdə ngâ akrə âwa balë la Krîsiti, tche wâ nə̂ tə̂ täfo akrə. Abəndɨ rə rô nə̂, täfo rə kä âkə̈ wâ tâ.

Ëfêze 3:18

Käko ânyë nyënyê la adɨ̂ azü ndə̂ Ndjapä gbɛ̂ gboadje gbôgbô ndə̂kə̂ dje tchə̂lə̂ köbosə̂ nə̈ ndə̂ Krîsiti nyîndə̂ azə̂, kə̂ nyində̂ azə̂ ndə̂ tche nyîndə̂ azə̂ lâme, manə̈ wâbo tâ-a.

Fïlîpe 3:9

ânyë mëmê la tchë, ârâ wa balë. Më kä wâbo ndə̂kə̂ kä bhi gogo mê lə̂ köbosə̂ kə̂ wa djîrə̂ lə̂ köbosə̂ ndïɛ̈-a. Praâbalë më wä balë la Krîsiti bëte rə̂ ndə̂ më zâ su mê sə̈ Krîsiti. Ndjapä kä âkə̂ mbo rə̂ pä akrə wa djîrə̂ lə̂ köbosə̂ kə̂ za yê su sə̈ tchë.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Aheborö 1:8

Praâbalë âdə andə̂ Modô ndə̂ yê, Ndjapä tö rə̂ päkëdə̂: «Ndjapä, ngendë-gbïɛ̈ ndə̂ zə̈ âwa logbɛ̂ logbɛ̂! Mo mbö djîrə̂ kümändëmä lə̂ Gbölö gö-gbïɛ̈ ndə̂ zə̈.

Dokʉ̈ Jâan 2:23

Akrə ndə̂ tche kôsə̂ Modô nə̈, dëkë tche wâbo la Bha-a; akrə ndə̂ tche wûnsə̂ Modô nə̈, dëkë tche kä ndjë la Bha.

Dokʉ̈ Jâan 2:24

Âdə andə̂ nye nə̈, äwäpä nyë bäta pö ndə̂ nyë djê rə̂ lə̂ kêsâ nə̈ lâme. Âdə nyë âbata pö ndə̂ nyë djê rə̂ lə̂ kêsâ nə̈ lâme, dëkë nyë wâ nə̂ balë la Modô nə̈, ndjë la Bha.

Dokʉ̈ Jâan 2:6

Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.

Dokʉ̈ Jâan 4:14

Ârâ wün rə̂, kə̈ tô pö ndə̂nə̈ pä Bha wän Modô ndə̂ yê ndə̂kə̂ pa tche watə̂ Earə̂ kə̂ tcha azü tchêbêche âtə.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Dokʉ̈ Jâan 4:2

Köbo ndə̂ nyê wunsə̂ Yingö ndə̂ Ndjapä lâme wä kâkë: Akrə ndə̂ tche wûnsə̂ nə̈ pä Jezü Krîsiti mbötə̂ yê tə̂ lëge nə̈ tə̂ akrə, tche kä la Yingö ndə̂ Ndjapä.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:15

Ndə̂ azə̈ wûnsə̂ nə̈ pä tche kä lakə̂ dje pö ndə̂ azə̈ to rə̂ sə̈ tchë, käko ndjë azə̈ wünsə̂ nə̈ tə̂ lëge nə̈ pä rə ndə̂ azə̈ yûkû nə̈ tchânə̂ yê lâme, azə̈ gbô rə̂ nə̂.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:5

Tchabâ kä ndə̂ ârô tchêbêche âtə la gbôgbô? Kütû akrə ndə̂ tche gâmba rə̂ pä Jezü də̈ Modô ndə̂ Ndjapä.

Apökälîbïchi 15:3

Andjë pä düwü ndə̂ Möyîze earə̂ kua ndə̂ Ndjapä, la düwü ndə̂ Ngbavö Ɛ̈bro-ngbaga päkëdə̂: «Gbölö Gbïɛ̈ Ndjapä ndə̂ mo wâ la gbôgbô gbɛ̂, arə könô zə̈ gë tə̂ gbölösə̂nə̈, kə̈ dâka gbɛ̂! Gbïɛ̈ ndə̂ azü tchêpâ cho gbɛ̂, köbo kə̂ mbo rə ndə̂ zə̈ wä djîrə̂ kə̈ wâtə̂ lëge nə̈!

Apökälîbïchi 19:11

Pânə̈ më wûn tchêlafô ndə̂ âkrô ânyë ngâ grôgrô mbâlâtâ wûtu. Tchanə̈ ndə̂ tche sə̂ pâ yê, rə̈ yê wü päkëdə̂: Djîrə̂ la Lëge pö, tche wä ngbanga, kə̈ mbô kʉ̈ʉ̈ lə̂ köbosə̂ djîrə̂ kə̂ wa ngbanga.

Apökälîbïchi 3:14

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Laodisë kə̂ to rə̂ lə̂nə̈ päkëdə̂: «Tchanə̈ ndə̂ rə̈ yê wû pä Amin, tchanə̈ ndə̂ tche wûnsə̂ kə̂ to lëge pö ndə̂ rə ndə̂ tche wûn rə̂. Arə gbɛ̂ ndə̂ Ndjapä mbô rə̂ tö tə̂ yê, tche tö rə̂ päkëdə̂:

Apökälîbïchi 3:7

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Filadelefï kə̂ to rə̂ lə̂nə̈ päkëdə̂: «Tchanə̈ ndə̂ tche wâ ngbî ânyë kə̈ dâka gbɛ̂, ndə̂ tche to kütû lëge pö, tchanə̈ ndə̂ tche wâ la kûlïɛ̈ ndə̂ Davîdi tchânə̂ yê, tchetchë lâme ndə̂ âdə tche âkro manda, ngâ akrə balë ndə̂ tche tchu rə̂ sə̂âbo-a, âdə tche âtchu manda, ngâ akrə balë ndə̂ tche kro rə̂ sə̂âbo-a, tche tö rə̂ kâkë:

Apökälîbïchi 6:10

Andjë sə̂ lakə̂ on ngbôô päkëdə̂: «Earə̂ kə̂ nyisə̂ rə, ndə̂ mo wâ ngbî ânyë kə̈ dâka gbɛ̂, ndə̂ mo to tchê lëge pö; mo âsə zoo dalatchêbâ ânyë kə̂ wa ngbanga pâ azü tchêbêche, ânyë kə̂ gi ngbongbo rə sə̈ andjê tə̂ pö ndə̂ jï ârâ ndə̂ âtû lâme?»