Dokʉ̈ Jâan 5:18 - Mbëtï Ndjapä: TÄFO MADƗ̈

¹⁸ Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:18 Iomraidhean Croise

Matiyə̈ 5:37

Âdə nyë âsə̈ to pö, äwäpä pö ma nyê wa kütû balë: ‹Ɛn-ɛn, pö nə̈ kä›, âdəndjë ‹ɛ̂n-ɛ̈n, pö nə̈ də̂âbo rə̂ lâme-a.› Pö gbɛ̂ ndə̂ nyê to rə̂ pâ anə̈ lâme, ätö dəndə̂ Ngbongbo akrə.»

Matiyə̈ 6:13

Amö gboabô gbôtə̂ ârâ ndə̂kə̂ pa ârâ te lə̂ arə ndə̂ âbolo azü-î. Praâbalë amö ji ârâ tchânə̂ Ngbongbo akrə. [Bëte kümändëmä la gbôgbô lakə̂ lusə̂tə̂ də̈ andə̂ zə nə̈ ndə̂ logbɛ̂ logbɛ̂! Amin.›]

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Jâan 14:30

Mê kä toabô pö tə̂ gbölösə̂nə̈ sə̈ nyê tee-a, bëte makündji ndə̂ tchêbêche âtə kä lə̂ köbo. Tche wâbo la gbôgbô balë pâ mê-a,

Jâan 15:4

Nyë sə̈ balë la mê ânyë mê səadje balë la nyê. Ngâ matö yö wâbo ndə̂kə̂ le la tə̂ yê, ndə̂ tche wâbô wâ ëtə̂ da yö nə̈-a. Andə̂ nye nə̈, ârə̂ âwa ndjë käko-ë, âdə nyê âsəabô sə̂ balë la mê, nyê leabô lêlê nə̈ balë tee-a.

Jâan 15:7

Âdə nyë âwa balë la mê, ânyë apö ndə̂ mê wâ lə̂ nyê, nyë âyukû arə gbɛ̂ ndə̂ nyë nyîndə̂ nə̈, nyê gboadje rə̂.

Jâan 15:9

Batə̂ rə̂ ndə̂ Bha nyîndə̂ mê logbɛ̂, mëmê ndjë gbɛ̂ më nyïndə̂ nyê. Äwäpä nyë sə kpô lə̂kə̂ nyində̂ ngâ, ndə̂ më nyîndə̂ nyê la rə̂ lâme.

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Jâke 1:27

Tchôtchô kə̂ voga Ndjapä, ndə̂ âwâbô wâ la kâkpö ndə̂ Ndjapä Bha nyîndə̂ nə̈ wä kâkë: Kə̂ wun tchô pâ awüntə̂wün la aɛ̈chë lə̂ ndavrö lə̂ yûkü ndə̂ andjê, kə̂ bata tə̂ yê tə̂ arə tchêbêche âtə, ânyë kə̂ teabô tê lə̂ ngbongbo rə-ê.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:12

Azə̈ mböäbô rə mbô batə̂ Käyîne, ndə̂ tche wâtə̂ akrə ndə̂ Ngbongbo akrə, ânyë kə̈ wôn yîngâ yê lâme. Tche wön tchë bëte giamâ? Bëte kua ndə̂ Käyîne wätə̂ ngbongbo nə̈, ânyë andə̂ yîngâ yê wâtə̂ djîrə̂ nə̈.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Dokʉ̈ Jâan 4:6

Praâbalë andə̂ azə̈ nə̈, azə̈ wätə̂ azü ndə̂ Ndjapä. Akrə ndə̂ tche wûnsə̂ Ndjapä, tche djë azə̂. Praâbalë akrə ndə̂ tche wâbô wâtə̂ akrə ndə̂ Ndjapä, tche djêâbo azə̂-a. Käko kä ndə̂ azə̈ wunsə̂ kə̂ krʉ tchə̂lə̂ Yingö ndə̂ lëge pö la yingö ndə̂ ânyisə̂ ngbongbo köbo.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:15

Ndə̂ azə̈ wûnsə̂ nə̈ pä tche kä lakə̂ dje pö ndə̂ azə̈ to rə̂ sə̈ tchë, käko ndjë azə̈ wünsə̂ nə̈ tə̂ lëge nə̈ pä rə ndə̂ azə̈ yûkû nə̈ tchânə̂ yê lâme, azə̈ gbô rə̂ nə̂.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Dokʉ̈ Jâan 5:21

Abechë ndə̂ mê, äwäpä nyë vogabô angakʉ̈lä vôga-ê!

Dokʉ̈ Jâan 5:4

Bëte azü gbɛ̂ ndə̂ andjë wâtə̂ abechë ndə̂ Ndjapä, andjë rö tchêbêche âtə la gbôgbô. Köbo ndə̂kə̂ ropâ tchêbêche âtə la gbôgbô də̈ kə̂ za su sə̈ Ndjapä.

Jûde 1:21

Nyë ndə̈po lə̂kə̂ nyində̂ nyê ndə̂ Ndjapä nyîndə̂ nyê lâme. Nyë sə̈ bëte tchîsûwu ndə̂ logbɛ̂ logbɛ̂ ndə̂ Gbölö Gbïɛ̈ ndə̂ azə̂ Jezü Krîsiti zadje rə̂ sə̈ nyê lə̂ köbosə̂ dâkâ ndə̂ yê.

Jûde 1:24

Ndjapä ndə̂ tche wâ ndə̂kə̂ bata nyê ânyë nyê teabô tê-ê, tchetchë kä ndə̂ âmbo rə̂ pä nyë daka gbɛ̂ ânyë kə̂ wutu tchâtchâ golowäre ndə̂ yê la gbölö mômô.

Apökälîbïchi 2:13

Më wûnsə̂ tchô ndə̂ mo lô tâ nə̂, tchô nə̈ lâme wätə̂ ngendë-gbïɛ̈ ndə̂ Satäa. Praâbalë mo zätə̂ zə̈ gbɛ̂ sə̈ mê, mo vûâbo sə̂ su zə̈ ndə̂ mo zâ rə̂ sə̈ mê-a. Ndjë, tə̂ lo nə̈ ndə̂ a wôn Äntïpâse bhândə̂ nyê, sə̂ tchô ndə̂ Satäa sə̂ tâ. Äntïpâse nə̈ də̈ akrə ndə̂ tche mû pö pâ mê djîrə̂. Lə̂ arə lâme gbɛ̂ gbô su zə̈ kä pâ mê.