Dokʉ̈ Jâan 5:17 - Mbëtï Ndjapä: TÄFO MADƗ̈

¹⁷ Kə̂ mbo arə gbɛ̂ ndə̂ âwâbô wâ djîrə̂ wätə̂ ngbongbo rə, praâbalë âdə̂âbo angbongbo arə gbɛ̂ kä âkə̂ e la azü pu kuzü-a.

Dokʉ̈ Jâan 5:17 Iomraidhean Croise

Jâke 1:15

Pânə̈ âdə gʉ su yê nə̈ âza güzu nə̂, kə̂ zɨ ngbongbo rə ësûwu, ânyë ngbongbo rə nə̈ âge nə̂, kə̂ zɨ kuzü.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 3:4

Akrə ndə̂ tche mbô ngbongbo rə, dëkë tche kôsə̂ ndïɛ̈ ndə̂ Ndjapä nə̂, bëte kə̂ mbo ngbongbo rə wätə̂ kə̂ kosə̂ ndïɛ̈ nə̈ lâme.

Dokʉ̈ Jâan 5:16

Âdə ngâ akrə âwun ngâ yê ndə̂ tche mbô ngbongbo rə, ndə̂ âwâbô wâ ndə̂kə̂ e la tchë pu kuzü, äwäpä tche to pö sə̈ Ndjapä ânyë Ndjapä zadje tchîsûwu sə̈ ngâ yê nə̈ lâme. Pö âtə wä bëte azü ndə̂ andjë mbô ngbongbo rə, ndə̂ âwâbô wâ ndə̂kə̂ e la andjê pu kuzü-î. Praâbalë ngâ ngbongbo rə kädje ndə̂ âe la azü pu kuzü, âdə̂âbo tə̂ pö ndə̂ ngbongbo rə ndə̂ âe la azü pu kuzü nə̈ lâme kä ndə̂ më yûkû nə̈ pä nyë to pö sə̈ Ndjapä bëte rə̂-a.