Dokʉ̈ Jâan 5:14 - Mbëtï Ndjapä: TÄFO MADƗ̈

¹⁴ Azə̈ wä ndə̂kə̂ wun tchô pu Ndjapä la su azə̂ ndə̂ âwâ gii-ï, âdə azə̂ âyukû ngâ rə tchânə̂ yê gundə̂sə̂ nə̈ ndə̂ su yê nyîndə̂ nə̈, tche dje azə̂.

Dokʉ̈ Jâan 5:14 Iomraidhean Croise

Matiyə̈ 21:22

Âdə nyë âza su nyê sə̈ Ndjapä, rə gbɛ̂ ndə̂ nyê yukû nə̈ lə̂ köbosə̂ kə̂ to pö sə̈ Ndjapä, nyê gboadje rə̂.»

Jâan 11:42

Më wünsə̂ nə̈ pä mo djë mê logbɛ̂. Më tö rə̂ käko bëte azü ndə̂ andjë tâkpa ndrotə̂ mê âtə, ndə̂kə̂ pa andjë gamba rə̂ pä momö kä ndə̂ âwân mê.»

Jâan 14:13

Rə gbɛ̂ ndə̂ nyê yuadje kû nə̈ la rə̈ mê, mê mboadje rə̂ ndə̂kə̂ pa azü lusə̂ Bha mê lə̂ köbosə̂ Modô nə̈.

Jâan 15:7

Âdə nyë âwa balë la mê, ânyë apö ndə̂ mê wâ lə̂ nyê, nyë âyukû arə gbɛ̂ ndə̂ nyë nyîndə̂ nə̈, nyê gboadje rə̂.

Jâan 16:24

Ndə̂kə̂ wutu ëtə̂ tchô angêta, nyë yûâbo kû ngâ rə la rə̈ mê dämba nə̂-a. Nyë yukû rə, kə̂ gboadje rə̂ ânyë mômô ndə̂ nyê sɨadje sɨ̈.»

Jâan 9:31

Ârâ wünsə̂ nə̈ pä Ndjapä djêâbo a-earə̂ ngbongbo rə-a. Praâbalë âdə ngâ akrə âlusə̂ Ndjapä, ânyë kə̈ mbô rə ndə̂ su yê nyîndə̂ nə̈, tchanə̈ lâme, Ndjapä dje tchë.

Ëfêze 3:12

Lə̂ köbosə̂ nə̈ ndə̂ azə̈ wâ balë la Krîsiti, la rə̂ ndə̂ azə̈ zâ su azə̂ gbɛ̂ sə̈ tchë, köbo jî sə̈ azə̂ nə̂ ndə̂kə̂ pa azə̈ nəabô nə̂ ndola Ndjapä la wa-ê.

Aheborö 10:35

Rə ndə̂ su nyê krʉ̂ bëte rə̂ lâme, âwâbo pä nyë gbotə̂ köbo nə̈-a, bëte nyê gbôadje gbölö rə ngbânə̈.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Aheborö 3:6

Praâbalë Krîsiti mbö kua nə̈ lə̂ köbo nə̈ batə̂ Modô ndə̂ a zâ tchë tə̂ küma nda Ndjapä nə̈. Azə̈ kä ndə̂ âwâtə̂ nda nə̈, âdə azə̂ âbata su azə̂ gbɛ̂ pâ rə ndə̂ su azə̈ krʉ̂ bëte rə̂ la mômô.

Jâke 4:3

Âdə nyê âyukû nə̈ ânyë kə̈ gbôâbô rə̂ gbô-ê, bëte nyë yûâbo kû nə̈ la köbo nə̈-a, praâbalë nyë yükû nə̈ ndə̂kə̂ ndɨ rə̂ tə̂ pö ndə̂ arə ndə̂ âtcho tə̂ nyê.

Jâke 5:16

Äwäpä nyë tosə̂ angbongbo rə ndə̂ nyê lə̂ gbâtə̂ nyê la angâ nyê, kə̂ to pö sə̈ Ndjapä bëte angâ nyê lə̂ gbâtə̂ nyê, ânyë Ndjapä tcha nyê lə̂ tə̂kömbô ndə̂ nyê. Akrə ndə̂ tche wâ djîrə̂ lə̂ la Ndjapä, ânyë kə̈ tô pö sə̈ tchë, pö nə̈ ndə̂ tche to rə̂ sə̈ Ndjapä nə̈ lâme âwa la gbôgbô ndə̂kə̂ mbo rə tə̂ gbölösə̂nə̈.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.