Dokʉ̈ Jâan 5:12 - Mbëtï Ndjapä: TÄFO MADƗ̈

¹² Akrə ndə̂ tche wâ la Modô nə̈, tche kä la tchîsûwu nə̈ lâme, akrə ndə̂ tche wâbô wâ la Modô ndə̂ Ndjapä, tche wâbo la tchîsûwu-a.

Dokʉ̈ Jâan 5:12 Iomraidhean Croise

Mâreke 16:16

Akrə ndə̂ tche zâ su yê sə̈ mê, ânyë kə̈ gbô batɛ̂me, tchê tchadje lə̂ kuzü. Praâbalë akrə ndə̂ tche kôsə̂ kə̂ za su yê sə̈ mê, a âwadje ngbanga kuzü lə̂ küma yê.

Jâan 1:12

Praâbalë azü gbɛ̂ ndə̂ andjë mbô la sə̂ yê, ânyë kə̈ zâ su andjê sə̈ tchë, tche zä köbo sə̈ andjê ndə̂kə̂ watə̂ abechë ndə̂ Ndjapä.

Jâan 3:15

ânyë akrə balë balë ndə̂ tche zâ su yê sə̈ Modô ndə̂ Akrə, tche kä la tchîsûwu ndə̂ logbɛ̂ logbɛ̂.

Jâan 3:36

Akrə ndə̂ tche zâ su yê sə̈ Modô nə̈, tche kä la tchîsûwu ndə̂ logbɛ̂ logbɛ̂. Akrə ndə̂ tche kôsə̂ kə̂ za su yê sə̈ Modô nə̈, tchê wabô la tchîsûwu nə̈ lâme tee-a, praâbalë gbô mêrâ ndə̂ Ndjapä kä pâ yê.

Jâan 5:24

«Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche djê pö ndə̂ mê, ânyë kə̈ zâ su yê sə̈ akrə ndə̂ tche wân mê, tche kä la tchîsûwu ndə̂ logbɛ̂ logbɛ̂, ngbanga wâbo lə̂ küma yê-a, praâbalë tche rô lə̂ kuzü nə̂, ânyë kə̈ wâ la tchîsûwu.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Gälâte 2:20

Praâbalë âdə̂âbo mëmê kä ndə̂ âwâ la tchîsûwu-a, Krîsiti kä ndə̂ âwâ la tchîsûwu lə̂ mê. Bëte kə̂ sə ndə̂ mê ndə̂ akrə, më wä la tchîsûwu angaâtə kütû lə̂ köbosə̂ kə̂ za su mê sə̈ Modô ndə̂ Ndjapä ndə̂ tche nyîndə̂ mê ânyë kə̈ yôsə̂ tə̂ yê la kuzü bëte mê.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Bïchuû Jâan 1:9

Akrə balë balë gbɛ̂ ndə̂ tche sə̂âbô sə̂ lə̂kə̂ nyisə̂ rə ndə̂ Krîsiti, ânyë kə̈ wân tâ ngbî, dëkë tche wâbo balë la Ndjapä-a. Akrə ndə̂ tche sə̂ lə̂kə̂ nyisə̂ rə ndə̂ Krîsiti, akrə nə̈ lâme kä balë la Bha azə̂ la Modô ndə̂ yê.