Dokʉ̈ Jâan 5:11 - Mbëtï Ndjapä: TÄFO MADƗ̈

¹¹ Pö ndə̂ Ndjapä tô rə̂ lâme wä kâkë: Ndjapä zä tchîsûwu ndə̂ logbɛ̂ logbɛ̂ sə̈ azə̂, tchîsûwu nə̈ lâme, azə̈ gbö rə̂ lə̂ köbosə̂ Modô ndə̂ yê.

Dokʉ̈ Jâan 5:11 Iomraidhean Croise

Matiyə̈ 25:46

Andjê eadje ndə̂kə̂ wun yûkü ndə̂ âwâ logbɛ̂. Andə̂ adjîrə̂ azü nə̈, andjê eadje ndə̂kə̂ sə bhâlə̂ tchîsûwu ndə̂ logbɛ̂ logbɛ̂.»

Jâan 1:19

Pö pâ Jâan wä kâkë: Agbölö azü gö ndə̂ ajuîfu ndə̂ Jerûzalêmo wän a-earə̂ kə̂ wa ngela sə̈ Ndjapä la angâ azü pâ mawo ndə̂ Levï sə̈ tchë ndə̂kə̂ yu tchë päkëdə̂: «Mo də̈ tchabâ?»

Jâan 1:4

Tchîsûwu kä lə̂ yê, tchîsûwu nə̈ lâme wätə̂ ngbänga ndə̂ âta bëte azü.

Jâan 10:28

Më zä tchîsûwu ndə̂ logbɛ̂ logbɛ̂ sə̈ andjê, andjê tchuabô balë tee-a, ânyë ngâ akrə balë krʉabô andjê tchânə̂ mê tee-a.

Jâan 12:50

Më wûnsə̂ nə̈ nə̂ pä kə̂ zama ndə̂ yê zä tchîsûwu ndə̂ logbɛ̂ logbɛ̂. Käko pö ndə̂ mê to rə̂, më tö rə̂ ndjë tiî batə̂ rə̂ ndə̂ Bha mê tô rə̂ sə̈ mê.»

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 19:35

Akrə ndə̂ tche wûn rə nə̈ la lala yê, tchetchë kä ndə̂ ânyîsə̂ tchêngbâ pö nə̈, pö ndə̂ tche tô rə̂ wätə̂ lëge pö, tche wûnsə̂ nə̈ nə̂ pä ânyë tö lëge pö. Käko ânyë nyënyê ndjë gbɛ̂, nyê za su nyê sə̈ Jezü.

Jâan 3:36

Akrə ndə̂ tche zâ su yê sə̈ Modô nə̈, tche kä la tchîsûwu ndə̂ logbɛ̂ logbɛ̂. Akrə ndə̂ tche kôsə̂ kə̂ za su yê sə̈ Modô nə̈, tchê wabô la tchîsûwu nə̈ lâme tee-a, praâbalë gbô mêrâ ndə̂ Ndjapä kä pâ yê.

Jâan 4:36

Earə̂ kə̂ soa ndjî rəgʉ nə̈ âgbo makətche-kua ndə̂ yê, kə̂ pala andjî rəgʉ nə̈ bëte tchîsûwu ndə̂ logbɛ̂ logbɛ̂. Käko akrə ndə̂ tche lû rəgʉ la tchanə̈ ndə̂ tche sôâ rə̂, mômô ndə̂ andjê wä balë.

Jâan 4:4

Ndə̂kə̂ ka atə̂ Galilë, tche wä ndə̂kə̂ ro lə̂ gö ndə̂ Samarï.

Jâan 5:21

Bëte Bha jö akuzü, kə̈ mbô rə̂ ndə̂kə̂ pa andjë sə la tʉ̈rʉ̂ la andjê. Modô nə̈ ndjë gbɛ̂ zä tchîsûwu sə̈ akrə batə̂ rə̂ ndə̂ su yê nyîndə̂ nə̈.

Jâan 5:26

Käko batə̂ rə̂ ndə̂ Bha wâ la tchîsûwu lə̂ yê la tə̂ yê, käko ndjë tche zä köbo sə̈ Modô nə̈ ndə̂kə̂ wa la tchîsûwu lə̂ yê la tə̂ yê.

Jâan 6:40

Bëte rə ndə̂ su Bha mê nyîndə̂ nə̈ wä ndə̂kə̂ pa akrə balë balë gbɛ̂ ndə̂ tche wûn Modô ndə̂ yê, ânyë kə̈ zâ su yê sə̈ tchë, tche wa la tchîsûwu ndə̂ logbɛ̂ logbɛ̂. Käko mê joadje tchë lə̂ kuzü lə̂ adɨ̂ alö.»

Jâan 6:47

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche zâ su yê sə̈ mê, tche kä la tchîsûwu ndə̂ logbɛ̂ logbɛ̂.

Jâan 6:68

Chemôn-Pîêre tô rə̂ ndə̂nə̈ sə̈ tchë päkëdə̂: «Gbölö Gbïɛ̈, ârâ âe pu tchabâ? Apö ndə̂ âza tchîsûwu ndə̂ logbɛ̂ logbɛ̂ kä lə̂ ma zə̈.

Rômo 5:21

Dokʉ̈tchê alême, ngbongbo rə wä la kümändëmä ndə̂kə̂ won azü. Käko ndjë, tchôtchô su ndə̂ Ndjapä wä angaâtə la kümändëmä ndə̂kə̂ mbo rə̂ ânyë azü wa djîrə̂. Käko azə̈ wä la tchîsûwu ndə̂ logbɛ̂ logbɛ̂ lə̂ köbosə̂ Jezü Krîsiti, Gbölö Gbïɛ̈ ndə̂ azə̂.

Rômo 6:23

Tə̂ lëge nə̈, rə ndə̂ akrə gbo rə̂ ngbâ ngbongbo rə ndə̂ tchê mbo rə̂ wätə̂ kuzü. Praâbalë rə ndə̂ Ndjapä za rə̂ sə̈ azü ämbänə̈ də̈ tchîsûwu ndə̂ logbɛ̂ logbɛ̂, lə̂ köbosə̂ nə̈ ndə̂ azə̈ wâ balë la Jezü Krîsiti, Gbölö Gbïɛ̈ ndə̂ azə̈.

Dokʉ̈ Timotë 1:16

Praâbalë ndə̂ Jezü Krîsiti wûn nyonyo mê lâme, äwä ndə̂kə̂ pa mëmê ndə̂ më də̂ dokʉ̈ earə̂ ngbongbo rə lâme, tche nyïsə̂ köbo ndə̂ tche rʉ̂âtə̂ su yê ndə̂kə̂ sə bëte mê. Tche mbö tâ käko ndə̂kə̂ sro köbo sə̈ azü ndə̂ andjê zadje su andjê sə̈ tchë, ânyë kə̂ gbo tchîsûwu ndə̂ logbɛ̂ logbɛ̂.

Tîte 1:2

ndə̂kə̂ pa su andjê wa pâ tchîsûwu ndə̂ logbɛ̂ logbɛ̂, ndə̂ Ndjapä zâ bâlâ nə̈ alême, dokʉ̈tchê ndə̂kə̂ pa tche mbo arə gbɛ̂. Ndjapä ndə̂ tche tô pö lâme, tche môâbo yepa-a.

Dokʉ̈ Jâan 2:25

Bâlâ ndə̂ Krîsiti za rə̂ tə̂ azə̂ də̈ tchîsûwu ndə̂ logbɛ̂ logbɛ̂.

Dokʉ̈ Jâan 4:10

Kə̂ nyində̂ ngâ wä kâkë: Âdə̂âbô azə̂ kä ndə̂ ânyîndə̂ Ndjapä-a, praâbalë Ndjapä kä ndə̂ ânyîndə̂ azə̂ ânyë kə̈ wân Modô ndə̂ yê, tche zätə̂ yê la ngela ndə̂kə̂ pa Ndjapä ko pö lə̂ küma azə̂.

Dokʉ̈ Jâan 4:9

Ndjapä nyïsə̂ köbo ndə̂kə̂ nyində̂ ngâ sə̈ azə̂ kâkë: Tche wän gbokôngô Modô ndə̂ yê atə̂ bêche ndə̂kə̂ pa lə̂ köbosə̂ yê azə̈ sə la tʉ̈rʉ̂ la.

Dokʉ̈ Jâan 5:10

Käko akrə ndə̂ tche zâ su yê sə̈ Modô ndə̂ Ndjapä, pö ndə̂ Ndjapä tô rə̂ lâme kä tə̂ su yê la tə̂ yê. Praâbalë akrə ndə̂ tche zâbô su yê zâ sə̈ Ndjapä, tche mbö Ndjapä tə̂ earə̂ yepa, bëte tche gâmbabô pö ndə̂ Ndjapä tô rə̂ pâ Modô ndə̂ yê-a.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Dokʉ̈ Jâan 5:7

Andjë kä vötaâ ndə̂ andjë tô pö ndə̂nə̈, andjë də̈:

Vötaâ Jâan 1:12

Azü gbɛ̂ tö tchôtchô pö ndə̂ Dëmëtrïyûse. Lëge pö la tə̂ yê tö ndjë tchôtchô pö ndə̂ yê. Ârâ ndjë gbɛ̂, ârâ tö ndjë tchôtchô pö ndə̂ yê. Mo wûnsə̂ nə̈ nə̂ pä pö ndə̂ ârâ wätə̂ lëge pö.

Jûde 1:21

Nyë ndə̈po lə̂kə̂ nyində̂ nyê ndə̂ Ndjapä nyîndə̂ nyê lâme. Nyë sə̈ bëte tchîsûwu ndə̂ logbɛ̂ logbɛ̂ ndə̂ Gbölö Gbïɛ̈ ndə̂ azə̂ Jezü Krîsiti zadje rə̂ sə̈ nyê lə̂ köbosə̂ dâkâ ndə̂ yê.

Apökälîbïchi 1:2

Ädə̈ käko ânyë rə gbɛ̂ ndə̂ Jâan wûn rə̂ ânyë kə̈ djê rə̂, tche tö pö ndə̂nə̈ pä, tə̂ lëge nə̈ pö nə̈ wätə̂ pö ndə̂ Ndjapä, ânyë kə̈ wâ ndjë tə̂ lëge apö ndə̂ Jezü Krîsiti tô rə̂.

Apökälîbïchi 22:1

Ânje nə̈ nyîsə̂ gbölö ngû ndə̂ âza tchîsûwu sə̈ azü sə̈ mê, ndə̂ âsə̂ lakə̂ tcho batə̂ krïstâle, ndə̂ âsə̂ lakə̂ bro jîi tə̂ ngendë-gbïɛ̈ ndə̂ Ndjapä la andə̂ Ngbavö Ɛ̈bro-ngbaga nə̈.