Dokʉ̈ Jâan 5:1 - Mbëtï Ndjapä: TÄFO MADƗ̈

¹ Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:1 Iomraidhean Croise

Matiyə̈ 16:16

Chemôn-Pîêre tô rə̂ päkëdə̂: «Mo də̈ Krîsiti, Modô ndə̂ Ndjapä ndə̂ tche wâ la tʉ̈rʉ̂ la yê.»

Lûke 7:5

Bëte tche nyïndə̂ azü gö ndə̂ azə̂, tchetchë kä ndə̂ âmbô nda kə̂ voga Ndjapä ndə̂ azə̂.»

Jâan 1:3

Lə̂ köbosə̂ Pö nə̈ lâme kä ndə̂ rə gbɛ̂ wûn tchîsûwu; ngâ rə ndə̂ a mbô rə̂ ngbî tə̂ yê wâbo-a.

Jâan 15:23

Akrə ndə̂ tche kôsə̂ mê, tche kö ndjë sə̂ Bha mê.

Jâan 3:3

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö, âdə a âkä zɨabô ngâ akrə zɨ̂ tə̂ täfo nə̈, tchê liabô lə̂ Gbölö gö-gbïɛ̈ ndə̂ Ndjapä tee-a.»

Jâan 6:69

Ârâ gâmba rə̂ nə̂, kə̈ wûnsə̂ nə̈ nə̂ pä mo də̈ Akrə ndə̂ tche dâka gbɛ̂ ndə̂ Ndjapä wân tchë.»

Jâan 8:42

Jezü tô rə̂ sə̈ andjê päkëdə̂: «Âdə Ndjapä âwa alême tə̂ Bha nyê, nyê nyiadje ndə̂ mê, bëte më tö lə̂ Ndjapä ânyë kə̈ nə̂. Mëmê, më nə̂âbo la tə̂ mê-a, praâbalë tchetchë kä ndə̂ âwân mê.

Abadjângele 8:36

Ndə̂ gbô andjê sə̂ po lə̂ köbo, andjë wûtu pâ ngâ ngû. Akrə gö ndə̂ Etchiopï nə̈ tô rə̂ päkëdə̂: «Ngû kä âtə, giamâ kä âkə̈ kîtə̂ köbo tə̂ mê ndə̂kə̂ gbo batɛ̂me?» [

Abadjângele 8:37

Fïlîpe tô rə̂ sə̈ tchë päkëdə̂: «Âdə mo âgamba rə̂ la su zə̈ gbɛ̂, mo wä ndə̂kə̂ gbo batɛ̂me ämbänə̈.» Akrə gö ndə̂ Etchiopï ndə̂ a wôn tchâtchâ yê lâme tô rə̂ päkëdə̂: «Më gâmba rə̂ nə̂, Jezü Krîsiti də̈ Modô ndə̂ Ndjapä.»]

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Jâan 2:10

Akrə ndə̂ tche nyîndə̂ ngâ yê, tche kä lə̂ ngbänga, ânyë ngâ rə balë ndə̂ âmbo rə̂ pä tche te lə̂ ngbongbo rə wâbo-a.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:14

Azə̈ wûnsə̂ nə̈ nə̂ pä azə̈ rô lə̂ kuzü nə̂, ânyë kə̈ wâ la tchîsûwu, bëte rə̂ ndə̂ azə̈ nyîndə̂ angâ azə̂. Akrə ndə̂ tche nyîâbô nyîndə̂ ngâ yê, dëkë gbô tchë kä lə̂ kuzü.

Dokʉ̈ Jâan 3:17

Praâbalë âdə ngâ akrə âwa la arə tchêbêche âtə tə̂ gbölösə̂nə̈, ânyë kə̈ gʉ̂â la yê tə̂ ngâ yê, ndə̂ tche wûn tchë la gʉ ngâ rə, akrə käko lâme nyïndə̂ Ndjapä tchïtchïnə̈ atöko?

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Dokʉ̈ Jâan 4:2

Köbo ndə̂ nyê wunsə̂ Yingö ndə̂ Ndjapä lâme wä kâkë: Akrə ndə̂ tche wûnsə̂ nə̈ pä Jezü Krîsiti mbötə̂ yê tə̂ lëge nə̈ tə̂ akrə, tche kä la Yingö ndə̂ Ndjapä.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:4

Bëte azü gbɛ̂ ndə̂ andjë wâtə̂ abechë ndə̂ Ndjapä, andjë rö tchêbêche âtə la gbôgbô. Köbo ndə̂kə̂ ropâ tchêbêche âtə la gbôgbô də̈ kə̂ za su sə̈ Ndjapä.

Dokʉ̈ Jâan 5:5

Tchabâ kä ndə̂ ârô tchêbêche âtə la gbôgbô? Kütû akrə ndə̂ tche gâmba rə̂ pä Jezü də̈ Modô ndə̂ Ndjapä.