Dokʉ̈ Jâan 4:9 - Mbëtï Ndjapä: TÄFO MADƗ̈

⁹ Ndjapä nyïsə̂ köbo ndə̂kə̂ nyində̂ ngâ sə̈ azə̂ kâkë: Tche wän gbokôngô Modô ndə̂ yê atə̂ bêche ndə̂kə̂ pa lə̂ köbosə̂ yê azə̈ sə la tʉ̈rʉ̂ la.

Dokʉ̈ Jâan 4:9 Iomraidhean Croise

Mâreke 12:6

Kütû modô ndə̂ earə̂ kɨ̈ndɨ̈ nə̈ balë ndə̂ tche nyîndə̂ yê tə̂ gbölösə̂nə̈ kä ndə̂ âsə̂ ngbânə̈. Tche wân tchë sə̈ andjê lakə̂ to rə̂ bhâtə̂ su yê päkëdə̂: ‹Andjê mboadje wa modô ndə̂ mê.›

Lûke 4:18

«Yingö ndə̂ Gbölö Gbïɛ̈ kä pâ mê, tche sü kâdâ lə̂ küma mê ndə̂kə̂ nə la Tchôtchô Pö sə̈ a-earə̂ yûkü. Tche wän mê ndə̂kə̂ to rə̂ sə̈ a-earə̂ kânga pä a jî andjê nə̂, ndə̂kə̂ za kə̂ wun tchô sə̈ a-earə̂ föla. Tche wän mê ndə̂kə̂ ji azü ndə̂ a yuku andjê,

Jâan 10:10

Earə̂ ngbä nə̈ kütû ndə̂kə̂ zɨ ngbä, kə̂ won akrə, kə̂ ndɨ rə. Mëmê, më nə̈ ndə̂kə̂ pa azü wa la tchîsûwu, kə̂ wa la rə̂ âro masə̂nə̈.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 3:16

Bëte Ndjapä nyïndə̂ azü tchêbêche âtə tə̂ gbölösə̂nə̈, ânyë kə̈ zâ gbokôngô Modô ndə̂ yê, ndə̂kə̂ pa akrə balë balë ndə̂ tche za su yê sə̈ tchë, tchê tchuabô tee-a, praâbalë tche kä la tchîsûwu ndə̂ logbɛ̂ logbɛ̂.

Jâan 3:18

Akrə ndə̂ tche zâ su yê sə̈ Modô nə̈, ngbanga wâbo lə̂ küma yê-a. Praâbalë akrə ndə̂ tche zâbô su yê zâ sə̈ tchë, a wâ ngbanga lə̂ küma yê nə̂, bëte tche zâbo su yê sə̈ gbokôngô Modô ndə̂ Ndjapä-a.

Jâan 5:23

ndə̂kə̂ pa azü gbɛ̂ lusə̂ Modô nə̈ batə̂ rə̂ ndə̂ andjë lusə̂ Bha. Akrə ndə̂ tche lûâbô sə̂ Modô nə̈ lû-î, dëkë tche kôsə̂ kə̂ lusə̂ Bha ndə̂ tche wân tchë lâme nə̂.

Jâan 6:29

Jezü tô rə̂ ndə̂nə̈ sə̈ andjê päkëdə̂: «Kua ndə̂ Ndjapä yûkû nə̈ sə̈ nyê wä ndə̂kə̂ pa nyë za su nyê sə̈ tchanə̈ ndə̂ Ndjapä la tə̂ yê wân tchë.»

Jâan 6:51

Mëmê kä ndə̂ âwâtə̂ mâpa ndə̂ âza tchîsûwu sə̈ azü, ndə̂ âtô bhâ lafô ânyë kə̈ jrê. Akrə ndə̂ tche zɨ̂ mâpa lâme, tche âwa la tchîsûwu ndə̂ logbɛ̂ logbɛ̂. Mëmê, mâpa ndə̂ mê zadje rə̂ wätə̂ mbë mê ndə̂ âmbo rə̂ pä azü tchêbêche wa la tchîsûwu.»

Jâan 6:57

Bha mê ndə̂ tche wân mê kä la tchîsûwu, ânyë më kä la tchîsûwu lə̂ köbosə̂ yê. Käko ndjë, akrə ndə̂ tche zɨ̂ mbë mê, tche kä la tchîsûwu lə̂ köbosə̂ mê.

Jâan 8:29

Tchanə̈ ndə̂ tche wân mê kä la mê. Tche gbôâbo tə̂ mê la kütû mê-a, bëte më mbö rə ndə̂ âfû tə̂ yê logbɛ̂.»

Jâan 8:42

Jezü tô rə̂ sə̈ andjê päkëdə̂: «Âdə Ndjapä âwa alême tə̂ Bha nyê, nyê nyiadje ndə̂ mê, bëte më tö lə̂ Ndjapä ânyë kə̈ nə̂. Mëmê, më nə̂âbo la tə̂ mê-a, praâbalë tchetchë kä ndə̂ âwân mê.

Jâan 9:3

Jezü tô rə̂ ndə̂nə̈ päkëdə̂: «Âdə̂âbô tchetchë âdəndjë bha nə̈ la anyï nə̈ kä ndə̂ âmbô ngbongbo rə-a. Praâbalë äwä ndə̂kə̂ pa a wun kua ndə̂ Ndjapä mbo rə̂ lə̂ yê.

Rômo 8:32

Ndjapä kîâbo tə̂ Modô ndə̂ yê bëte tchetchë la tə̂ yê-a, praâbalë tche zä tchë sə̈ kuzü bëte azə̂ gbɛ̂. Ndə̂ tche zâ Modô ndə̂ yê sə̈ azə̂ lâme, atöko kä ndə̂ tchê kʉabô arə gbɛ̂ kʉ̂ sə̈ azə̂ la Modô ndə̂ yê?

Aheborö 1:5

Tə̂ lëge nə̈, Ndjapä tôâbo rə̂ lo balë sə̈ ngâ ânje päkëdə̂: «Mo də̈ Modô ndə̂ mê, angêta më wätə̂ Bha zə̈-a.» Tche tôâbo ndjë ngâ pö balë pâ ngâ ânje päkëdə̂: «Mëmê, mê wadje tə̂ Bha nə̈, ânyë tchetchë, tchê wadje tə̂ modô ndə̂ mê-a.»

Dokʉ̈ Jâan 3:16

Rə ndə̂ azə̈ wunsə̂ kə̂ nyində̂ ngâ la rə̂ wä kâkë: Jezü zä tchîsûwu ndə̂ yê bëte azə̂. Azəzə̂ ndjë gbɛ̂, äwäpä azə̈ za tchîsûwu ndə̂ azə̂ bëte angâ azə̂.

Dokʉ̈ Jâan 4:10

Kə̂ nyində̂ ngâ wä kâkë: Âdə̂âbô azə̂ kä ndə̂ ânyîndə̂ Ndjapä-a, praâbalë Ndjapä kä ndə̂ ânyîndə̂ azə̂ ânyë kə̈ wân Modô ndə̂ yê, tche zätə̂ yê la ngela ndə̂kə̂ pa Ndjapä ko pö lə̂ küma azə̂.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Dokʉ̈ Jâan 5:11

Pö ndə̂ Ndjapä tô rə̂ lâme wä kâkë: Ndjapä zä tchîsûwu ndə̂ logbɛ̂ logbɛ̂ sə̈ azə̂, tchîsûwu nə̈ lâme, azə̈ gbö rə̂ lə̂ köbosə̂ Modô ndə̂ yê.

Dokʉ̈ Jâan 5:13

Më mbö mbëtï âtə sə̈ nyê ndə̂kə̂ pa nyë wunsə̂ nə̈ pä nyë kä la tchîsûwu ndə̂ logbɛ̂ logbɛ̂, nyënyê ndə̂ nyë gâmba rə̈ Modô ndə̂ Ndjapä.