Dokʉ̈ Jâan 4:8 - Mbëtï Ndjapä: TÄFO MADƗ̈

⁸ Akrə ndə̂ tche nyîâbô nyîndə̂ ngâ yê, dëkë tche wûn-âbo sə̂ Ndjapä-a, bëte Ndjapä wätə̂ kə̂ nyində̂ ngâ.

Dokʉ̈ Jâan 4:8 Iomraidhean Croise

Bïchuû Körɛ̂nte 13:11

Ndə̂kə̂ ka ndə̂ pö nə̈ arə̂mä, nyë wä la mômô! Nyë pu köbo ndə̂kə̂ daka gbɛ̂. Nyë zä wängö lə̂ gbâtə̂ nyê la angâ nyê, nyë djëtə̂ nyê lə̂ gbâtə̂ nyê, kə̂ sə la zɨtɨ su, ânyë Ndjapä ndə̂ tche nyîndə̂ azü, ânyë kə̂ za zɨtɨ su sə̈ andjê, tchê səadje la nyê.

Ëfêze 2:4

Praâbalë Ndjapä wün nyonyo azə̂ tə̂ gbölösə̂nə̈, bëte tche nyïndə̂ azə̂ tə̂ gbölösə̂nə̈.

Aheborö 12:29

Bëte Ndjapä ndə̂ azə̂ wätə̂ wo ndə̂ ândɨ rə.

Dokʉ̈ Jâan 1:5

Pö ndə̂ ârâ djê rə̂ lə̂ ma Jezü Krîsiti ânyë kə̈ nyîndə̂ kə̂ to tchêngbâ nə̈ sə̈ nyê wä kâkë: Ndjapä wätə̂ ngbänga, ngâ bübü tchô balë wâbo lə̂ yê-a.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 2:9

Akrə ndə̂ tche tô rə̂ pä anyë kä lə̂ ngbänga, ânyë kə̈ kôsə̂ ngâ yê, dëkë gbô tchë kä po lə̂ bübü tchô.

Dokʉ̈ Jâan 3:10

Rə ndə̂ âkrʉ̂ tchə̂lə̂ gûtə̂ abechë ndə̂ Ndjapä la abechë ndə̂ Jâbolo wä kâkë: Akrə ndə̂ tche mbôâbô djîrə̂ rə mbô-ê, ânyë kə̈ nyîâbô nyîndə̂ angâ yê, dëkë tche wâbo tə̂ bechë ndə̂ Ndjapä-a.

Dokʉ̈ Jâan 3:6

Akrə ndə̂ tche wâ balë la Krîsiti, tche mbôâbô ngbongbo rə-a. Akrə ndə̂ tche ndə̂po lakə̂ mbo ngbongbo rə, dëkë tche wûn-âbo sə̂ Krîsiti-a, kə̈ wûn-âbo ndjë tchë balë-a.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.