Dokʉ̈ Jâan 4:7 - Mbëtï Ndjapä: TÄFO MADƗ̈

⁷ Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Dokʉ̈ Jâan 4:7 Iomraidhean Croise

Jâan 13:34

Më âza ngâ täfo ndïɛ̈ sə̈ nyê, äwäpä nyë nyïndə̂ angâ nyê lə̂ gbâtə̂ nyê. Batə̂ rə̂ ndə̂ më nyîndə̂ nyê, äwäpä nyë nyïndə̂ angâ nyê lə̂ gbâtə̂ nyê.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Dokʉ̈ Körɛ̂nte 8:3

Praâbalë âdə ngâ akrə ânyində̂ Ndjapä, Ndjapä wûnsə̂ yê nə̂.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Gälâte 4:9

Praâbalë angaâtə, nyë wûnsə̂ Ndjapä nə̂, âdəndjë rə̂ ndə̂ Ndjapä wûnsə̂ nyê, atöko kä ndə̂ nyë nyîndə̂ kə̂ kä dotə̂ nyê pu arə tchêbêche âtə ndə̂ âwâbô wâ la gbôgbô ânyë kə̈ wâbô wâtə̂ ngâ rə lâme-ê? Nyë nyïndə̂ kə̂ kä watə̂ angbâa ndə̂ arə lâme?

Gälâte 5:22

Praâbalë arə ndə̂ Kpɨ̂ki Yingö mbo rə̂ wä kâkë: Kə̂ nyində̂ ngâ, mômô, zɨtɨ su, kə̂ rʉatə̂ su, kə̂ mbo tchôtchô rə, kə̂ mbo dâkâ tə̂ azü, kə̂ za su sə̈ Ndjapä,

Bïchuû Timotë 1:7

Bëte âdə̂âbo Yingö ndə̂ wawa kä ndə̂ Ndjapä zâ rə̂ sə̈ azə̂-a, praâbalë Yingö nə̈ lâme wätə̂ Yingö ndə̂ gbôgbô, kə̈ wâtə̂ Yingö ndə̂kə̂ nyində̂ ngâ, la Yingö ndə̂kə̂ kitə̂ gʉ tə̂ akrə.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Jâan 2:10

Akrə ndə̂ tche nyîndə̂ ngâ yê, tche kä lə̂ ngbänga, ânyë ngâ rə balë ndə̂ âmbo rə̂ pä tche te lə̂ ngbongbo rə wâbo-a.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 2:3

Âdə azə̂ âmbo rə gundə̂sə̂ andïɛ̈ ndə̂ Ndjapä, tchâme, azə̈ wunsə̂ nə̈ pä azə̈ wûnsə̂ Ndjapä nə̂.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 2:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.

Dokʉ̈ Jâan 3:9

Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Dokʉ̈ Jâan 4:11

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə Ndjapä ânyində̂ azə̂ käko-ë, äwäpä azə̈ nyi ndjë ndə̂ angâ azə̂ lə̂ gbâtə̂ azə̂.

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Dokʉ̈ Jâan 4:8

Akrə ndə̂ tche nyîâbô nyîndə̂ ngâ yê, dëkë tche wûn-âbo sə̂ Ndjapä-a, bëte Ndjapä wätə̂ kə̂ nyində̂ ngâ.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Bïchuû Jâan 1:5

Angaâtə Ɛ̈chë, rə ndə̂ më yükû nə̈ sə̈ mö kä âtə: Azə̈ nyïndə̂ angâ azə̂ lə̂ gbâtə̂ azə̂. Ndïɛ̈ ndə̂ më mbô rə̂ lə̂ mbëtï ânyë kə̈ wân rə̂ sə̈ nyê âtə wâbo tə̂ täfo ndïɛ̈-a, praâbalë ndïɛ̈ nə̈ lâme kä ndə̂ azə̈ djê rə̂ alême lə̂ kêsâ nə̈.