Dokʉ̈ Jâan 4:6 - Mbëtï Ndjapä: TÄFO MADƗ̈

⁶ Praâbalë andə̂ azə̈ nə̈, azə̈ wätə̂ azü ndə̂ Ndjapä. Akrə ndə̂ tche wûnsə̂ Ndjapä, tche djë azə̂. Praâbalë akrə ndə̂ tche wâbô wâtə̂ akrə ndə̂ Ndjapä, tche djêâbo azə̂-a. Käko kä ndə̂ azə̈ wunsə̂ kə̂ krʉ tchə̂lə̂ Yingö ndə̂ lëge pö la yingö ndə̂ ânyisə̂ ngbongbo köbo.

Dokʉ̈ Jâan 4:6 Iomraidhean Croise

Lûke 10:22

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.»

Jâan 10:16

Më kä la angâ aɛ̈bro-ngbaga, praâbalë andjë sə̂âbo lə̂ gbadja âtə dämba nə̂-a. Andjanə̈ lâme, äwäpä më ka ndjë la andjê. Andjê djeadje tchə̂lə̂ gɨ̈ mê, käko andjê wadje kütû tə̂ kpûlû aɛ̈bro-ngbaga balë, ânyë earə̂ kə̂ bata andjê wa kütû balë.

Jâan 10:27

Aɛ̈bro-ngbaga ndə̂ mê djë tchə̂lə̂ gɨ̈ mê, më wünsə̂ andjê ânyë andjë zä tchêngbâ mê.

Jâan 10:3

Earə̂ kə̂ bata manda gbadja nə̈ âkro manda tə̂ yê, aɛ̈bro-ngbaga nə̈ dje tchə̂lə̂ gɨ̈ yê. Tche âe aɛ̈bro-ngbaga ndə̂ yê la tə̂ yê la rə̈ andjê, kə̂ wutu la andjê atə̂ sûwu.

Jâan 13:20

Ɛn-ɛn, tə̂ lëge nə̈ më tö rə̂ sə̈ nyê, akrə ndə̂ tche zâ ngâ akrə ndə̂ më wân tchë bhândə̂ yê, dëkë mëmê kä tche zâ mê la tə̂ mê bhândə̂ yê. Akrə ndə̂ tche zâ mê bhândə̂ yê, tche zâ akrə ndə̂ tche wân mê bhândə̂ yê nə̂.»

Jâan 14:17

Tche wätə̂ Yingö ndə̂ tche to lëge pö, ânyë azü tchêbêche wâbo ndə̂kə̂ gamba pö ndə̂ yê-a, bëte andjë wûn-âbo tchë-a, ânyë kə̈ wûn-âbo sə̂ yê-a. Praâbalë nyënyê ndə̂ nye nə̈, nyë wûnsə̂ yê nə̂, bëte tche kä ndrotə̂ nyê ânyë tche kä lə̂ nyê.

Jâan 15:26

«Tchanə̈ ndə̂ tche wâ ndə̂kə̂ za könô sə̈ nyê lâme, tchê nəadje. Tche də̈ Yingö ndə̂ tche to lëge pö ndə̂ tche tô bhândə̂ Bha mê ânyë kə̈ nə̂. Mê wan-adje tchë la rə̈ Bha mê sə̈ nyê, ânyë tchetchë kä ndə̂ âtoadje pö pâ mê sə̈ azü.

Jâan 16:13

Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê.

Jâan 18:37

Käko Pïlâte tô rə̂ sə̈ tchë päkëdə̂: «Mo wätə̂ gbïɛ̈?» Jezü tô rə̂ ndə̂nə̈ sə̈ tchë päkëdə̂: «Momö kä ndə̂ âtô rə̂ pä më wätə̂ gbïɛ̈. A zɨ̈ mê ânyë më nə̂ atə̂ bêche âtə ndə̂kə̂ nyisə̂ lëge pö sə̈ azü. Akrə ndə̂ tche wâtə̂ akrə ndə̂ lëge pö, tche djë ma mê.»

Jâan 20:21

Jezü kâ tô rə̂ sə̈ andjê päkëdə̂: «Nyë sə̈ la zɨtɨ su! Batə̂ rə̂ ndə̂ Bha mê wân mê, mëmê ndjë gbɛ̂, mê âwan nyê.»

Jâan 8:19

Käko afarizïɛ̈n nə̈ yû tchë päkëdə̂: «Bha zə̈ nə̈ sə̈ bhâ tchêbâ?» Jezü tô rə̂ ndə̂nə̈ päkëdə̂: «Nyë wûn-âbo sə̂ mê âdəndjë Bha mê-a. Âdə nyê âwunsə̂ mê dëkë nyê wun-adje ndjë sə̂ Bha mê.»

Jâan 8:23

Jezü tô rə̂ sə̈ andjê päkëdə̂: «Nyë də̈ azü tchêbêche, më tö bhâ lafô ânyë kə̈ nə̂. Nyë wätə̂ azü tchêbêche, më də̂âbo akrə tchêbêche âtə-a.

Rômo 1:1

Mëmê Pôlo, ndə̂ më wâtə̂ earə̂ kua ndə̂ Jezü Krîsiti, më mbö mbëtï âtə sə̈ nyê. Ndjapä ë mê ndə̂kə̂ pa më watə̂ badjângele ndə̂ yê. Tche zä mê ngbî ndə̂kə̂ pa më mu Tchôtchô Pö ndə̂ yê sə̈ azü gbɛ̂.

Rômo 11:8

Batə̂ rə̂ ndə̂ Mbëtï Ndjapä tô rə̂ päkëdə̂: «Ndjapä kïtə̂ köbo tə̂ kə̂ wunsə̂ rə ndə̂ andjê. La andjê wâbo ndə̂kə̂ wun tchô la rə̂-a. Tü andjê wâbo ndə̂kə̂ dje pö la rə̂-a. Ndjapä gbötə̂ andjê käko zoo angêta âtə.»

Dokʉ̈ Körɛ̂nte 14:37

Âdə ngâ akrə âwuntî pä anyë də̈ earə̂ ndə̂ma Ndjapä, âdəndjë akrə ndə̂ tche wâ la Kpɨ̂ki Yingö, äwäpä tche wunsə̂ nə̈ lə̂ pö ndə̂ më mbô rə̂ sə̈ nyê âtə pä agbôgbô pö ma Gbölö Gbïɛ̈ kä.

Bïchuû Körɛ̂nte 10:7

Nyë sə̈ lakə̂ wun arə batə̂ rə̂ ndə̂ azü wun rə. Âdə ngâ akrə âwunsə̂ nə̈ pä ânyë də̈ akrə ndə̂ Krîsiti, äwäpä tche wunsə̂ nə̈ angêta tratralë pä ârâ ndjë gbɛ̂ ârâ wä ndjë tə̂ azü ndə̂ Krîsiti.

Bïchuû Tësälönîke 1:8

Tchê kadje lə̂ tïmï wo ndə̂kə̂ gi nyo sə̈ azü ndə̂ andjë wûn-âbô sə̂ Ndjapä wûn-î, la azü ndə̂ andjë mbôâbô rə mbô gundə̂sə̂ Tchôtchô Pö ndə̂ Gbölö Gbïɛ̈ ndə̂ azə̂ Jezü.

Dokʉ̈ Timotë 4:1

Kpɨ̂ki Yingö tö rə̂ kraâ päkëdə̂: Lə̂ adɨ̂ alö âtə, angâ azü âgboadje tə̂ köbo su andjê ndə̂ andjë zâ rə̂ sə̈ Krîsiti, kə̂ zadje tə̂ andjê sə̈ ayingö ndə̂ âbolo azü, lakə̂ nyisə̂ rə ndə̂ âtô bhândə̂ angbongbo atchozö.

Bïchuû Pîêre 3:2

Më nyïndə̂ nə̈ pä apö ndə̂ a-earə̂ ndə̂ma Ndjapä ndə̂ andjë dâka gbɛ̂ tô rə̂ sə̈ nyê dokʉ̈tchê alême, sə̂nə̈ te lə̂ nyê. Ndjë akümändëmä ndə̂ abadjângele nyîsə̂ nə̈ sə̈ nyê alême pâ pö ndə̂ Gbölö Gbïɛ̈ Earə̂ kə̂ tcha azə̂ lâme, më nyïndə̂ nə̈ pä sə̂nə̈ te lə̂ nyê.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Dokʉ̈ Jâan 4:4

Nyënyê ndə̂ abechë ndə̂ mê, nyë wätə̂ azü ndə̂ Ndjapä. Nyë rô a-earə̂ ndə̂ma Ndjapä ndə̂ yepa lâme la gbôgbô nə̂. Bëte tchanə̈ ndə̂ tche wâ lə̂ nyê lâme, tche wä gbölö kə̈ rô tchanə̈ ndə̂ tche wâ pâ cho âtə.

Dokʉ̈ Jâan 4:8

Akrə ndə̂ tche nyîâbô nyîndə̂ ngâ yê, dëkë tche wûn-âbo sə̂ Ndjapä-a, bëte Ndjapä wätə̂ kə̂ nyində̂ ngâ.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Jûde 1:17

Âdə andə̂ nye nə̈, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä pö ndə̂ abadjângele ndə̂ Gbölö Gbïɛ̈ ndə̂ azə̂ Jezü Krîsiti tô rə̂ dokʉ̈tchê alême te lə̂ nyê.