Dokʉ̈ Jâan 4:4 - Mbëtï Ndjapä: TÄFO MADƗ̈

⁴ Nyënyê ndə̂ abechë ndə̂ mê, nyë wätə̂ azü ndə̂ Ndjapä. Nyë rô a-earə̂ ndə̂ma Ndjapä ndə̂ yepa lâme la gbôgbô nə̂. Bëte tchanə̈ ndə̂ tche wâ lə̂ nyê lâme, tche wä gbölö kə̈ rô tchanə̈ ndə̂ tche wâ pâ cho âtə.

Dokʉ̈ Jâan 4:4 Iomraidhean Croise

Jâan 12:31

Angaâtə kä ndə̂ a wa ngbanga ndə̂ azü tchêbêche. Angaâtə kä ndə̂ a za makündji ndə̂ tchêbêche âtə kə̂ yi tchë atə̂ sûwu.

Jâan 14:30

Mê kä toabô pö tə̂ gbölösə̂nə̈ sə̈ nyê tee-a, bëte makündji ndə̂ tchêbêche âtə kä lə̂ köbo. Tche wâbo la gbôgbô balë pâ mê-a,

Jâan 16:11

Âdə andə̂ pö ndə̂kə̂ wa ngbanga, tchê nyiadje sə̂nə̈ päkëdə̂: A wâ ngbanga lə̂ küma makündji ndə̂ tchêbêche âtə nə̂.

Jâan 17:23

Mëmê la andjê, ârâ wä balë batə̂ rə̂ ndə̂ mö wâ balë la mê, käko ânyë andjë wa balë tə̂ lëge nə̈. Tchâme, azü tchêbêche wunsə̂ nə̈ pä momö kä ndə̂ âwân mê, ânyë mo nyïndə̂ andjê batə̂ rə̂ ndə̂ mo nyîndə̂ mê.

Rômo 8:31

Azə̈ âka to rə̂ atöko? Âdə Ndjapä âwa la azə̂, tchabâ kä ndə̂ âkosə̂ azə̂?

Rômo 8:37

Praâbalë lə̂ arə lâme gbɛ̂, azə̈ wätə̂ azü ndə̂ andjë rô la gbôgbô lə̂ köbosə̂ gbôgbô ndə̂ Jezü ndə̂ tche nyîndə̂ azə̂.

Dokʉ̈ Körɛ̂nte 2:12

Âdə andə̂ azə̈ nə̈, azə̈ gbôâbo yingö ndə̂ tchêbêche âtə-a, praâbalë azə̈ gbö Yingö ndə̂ âtô bhândə̂ Ndjapä, ndə̂ âmbô rə̂ pä azə̈ wunsə̂ atchôtchô arə ndə̂ Ndjapä kʉ rə̂ sə̈ azü lə̂ köbosə̂ tchôtchô su yê.

Dokʉ̈ Körɛ̂nte 6:13

Angâ azü tö ndjë rə̂ päkëdə̂: «Kɨ̈zɨ̂ wä bëte tchə̂lə̂, ânyë tchə̂lə̂ wâ bëte kɨ̈zɨ̂.» Ɛn-ɛn, praâbalë Ndjapä ândɨadje kɨ̈zɨ̂ la tchə̂lə̂. Käko tə̂ akrə wâbo ndə̂kə̂ pa tche za rə̂ sə̈ ɛ̈chë âdəndjë köchë katchôgbɛ̂-a. Tə̂ akrə wä bëte Gbölö Gbïɛ̈, ânyë Gbölö Gbïɛ̈ wâ bëte tə̂ akrə.

Bïchuû Körɛ̂nte 4:4

Andə̂ andjanə̈ ndə̂ andjë kôsə̂ kə̂ za su andjê sə̈ Ndjapä, ndjapä ndə̂ tchêbêche gʉ̈ä kə̂ wunsə̂ rə ndə̂ andjê, ndə̂kə̂ pa andjë wun-abô ngbänga Tchôtchô Pö ndə̂ Krîsiti wûn-î, ndə̂ âdə̂ nyîsɨ̂ Ndjapä.

Bïchuû Körɛ̂nte 6:16

Giamâ kä ndə̂ âwâ balë lə̂ gbâtə̂ gbölö nda Ndjapä la angakʉ̈lä? Bëte azə̈ wätə̂ nda Ndjapä ndə̂ tche wâ la tʉ̈rʉ̂ la yê, batə̂ rə̂ ndə̂ Ndjapä la tə̂ yê tô rə̂ päkëdə̂: «Mê səadje lə̂ gbâtə̂ azü ndə̂ mê, kə̂ nəadje lə̂ gbâtə̂ andjê, mê wadje tə̂ Ndjapä ndə̂ andjê, ânyë andjê wadje tə̂ azü ndə̂ mê.»

Ëfêze 2:2

Nyë mbö rə alême batə̂ kə̂ mbo rə ndə̂ azü tchêbêche atə̂, kə̈ djê ma makündji ndə̂ angbongbo atchozö, ndə̂ tche sə̂ lə̂ gûtə̂ tchêbêche la tchêlafô, tchetchë kä âkə̂ mbo rə̂ angaâtə lə̂ su azü ndə̂ andjë kôsə̂ pö ma Ndjapä.

Ëfêze 3:17

Kə̂ mbo rə̂ ndə̂kə̂ pa Krîsiti sə lə̂ su nyê lə̂ köbosə̂ kə̂ za su nyê sə̈ Ndjapä. Äwäpä nyë chichi tə̂ nyê, kə̂ kpokpo tə̂ nyê lə̂kə̂ nyində̂ ngâ nə̈ lâme.

Ëfêze 6:10

Ndə̂kə̂ ka pö lâme, nyë kpökpo tə̂ nyê lə̂ Gbölö Gbïɛ̈, lə̂ gbölö gbôgbô ndə̂ yê.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 2:13

Nyënyê ndə̂ arabha, më mbö mbëtï âtə sə̈ nyê bëte nyë wûnsə̂ tchanə̈ ndə̂ tche wâ tâ lə̂ kêsâ nə̈ lâme nə̂. Nyënyê ndə̂ abechë-ɛ̈köchë la abechë-ɛ̈chë, më mbö mbëtï âtə sə̈ nyê bëte nyë rôpâ Ngbongbo akrə nə̂.

Dokʉ̈ Jâan 3:20

Bëte âdə su azə̂ âwa ngbanga lə̂ küma azə̂, Ndjapä wä gbölö kə̈ rô su azə̂, tche wünsə̂ rə gbɛ̂.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 4:13

Rə ndə̂ azə̈ wunsə̂ nə̈ pä azə̈ kädje balë la Ndjapä, ânyë tche kä ndjë lə̂ azə̂ wä kâkë: Tche zä Yingö ndə̂ yê sə̈ azə̂.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Dokʉ̈ Jâan 4:6

Praâbalë andə̂ azə̈ nə̈, azə̈ wätə̂ azü ndə̂ Ndjapä. Akrə ndə̂ tche wûnsə̂ Ndjapä, tche djë azə̂. Praâbalë akrə ndə̂ tche wâbô wâtə̂ akrə ndə̂ Ndjapä, tche djêâbo azə̂-a. Käko kä ndə̂ azə̈ wunsə̂ kə̂ krʉ tchə̂lə̂ Yingö ndə̂ lëge pö la yingö ndə̂ ânyisə̂ ngbongbo köbo.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Dokʉ̈ Jâan 5:4

Bëte azü gbɛ̂ ndə̂ andjë wâtə̂ abechë ndə̂ Ndjapä, andjë rö tchêbêche âtə la gbôgbô. Köbo ndə̂kə̂ ropâ tchêbêche âtə la gbôgbô də̈ kə̂ za su sə̈ Ndjapä.

Apökälîbïchi 12:11

Praâbalë arə̂mâ ndə̂ azə̂ röpâ yê lə̂ köbosə̂ jï Ngbavö Ɛ̈bro-ngbaga, ndjë lə̂ köbosə̂ pö ndə̂ andjë wûnsə̂ nə̈ ânyë kə̈ mû rə̂, andjë wûn tchîsûwu ndə̂ andjê tə̂ mbämbä rə, kə̈ wâ tchêtchêtchê ndə̂kə̂ tchu.