Dokʉ̈ Jâan 4:21 - Mbëtï Ndjapä: TÄFO MADƗ̈

²¹ Ndïɛ̈ ndə̂ Krîsiti zâ rə̂ sə̈ azə̂ wä kâkë: Akrə ndə̂ tche nyîndə̂ Ndjapä, äwäpä tche nyi ndjë ndə̂ ngâ yê.

Dokʉ̈ Jâan 4:21 Iomraidhean Croise

Matiyə̈ 5:43

«Nyë djê pö ndə̂ a tô rə̂ alême nə̂ päkëdə̂: ‹Äwäpä mo nyində̂ akrə ndə̂ tche nyîndə̂ zə̈, kə̂ kosə̂ akrə ndə̂ tche kôsə̂ zə̈.›

Lûke 10:37

Earə̂ kə̂ nyisə̂ ndïɛ̈ lâme tô rə̂ ndə̂nə̈ päkëdə̂: «Tchanə̈ ndə̂ tche wûn nyonyo köchë lâme kä.» Käko Jezü tô rə̂ sə̈ tchë päkëdə̂: «Amö gûgü, kə̂ mbo ndjë tâ käko.»

Jâan 15:12

Ndïɛ̈ ndə̂ mê wä kâkë: Nyë nyïndə̂ tə̂ nyê lə̂ gbâtə̂ nyê la angâ nyê, batə̂ më nyîndə̂ nyê.

Gälâte 5:14

Bëte apö ndə̂ ndïɛ̈ gbɛ̂ krʉ̈ kütû pâ ndïɛ̈ balë: «Äwäpä mo nyində̂ ngâ zə̈ batə̂ tə̂ zə̈ la tə̂ zə̈.»

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.

Dokʉ̈ Tësälönîke 4:9

Pâ pö ndə̂kə̂ nyində̂ angâ nyê lə̂ gbâtə̂ nyê lə̂ Krîsiti, âwâbo ndə̂kə̂ pa a ka mbô mbëtï sə̈ nyê pânə̈-a, bëte Ndjapä nyîsə̂ köbo ndə̂kə̂ nyində̂ angâ nyê lə̂ gbâtə̂ nyê sə̈ nyê la tə̂ nyê nə̂.

Dokʉ̈ Pîêre 3:8

Ndə̂kə̂ ka ndə̂ pö nə̈, äwäpä pö tə̂ su nyê gbɛ̂ wa balë, nyë wün nyonyo angâ nyê. Nyë nyïndə̂ angâ nyê lə̂ gbâtə̂ nyê batə̂ arə̂mâ ndə̂ nyê lə̂ Krîsiti, nyë mbö dâkâ, kə̂ mbotə̂ nyê kpîɛ̂kpîɛ̂ rə̂.

Dokʉ̈ Pîêre 4:8

Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Dokʉ̈ Jâan 2:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.

Dokʉ̈ Jâan 3:11

Pö ndə̂ nyë djê rə̂ alême lə̂ kêsâ nə̈ kä âtə: Äwäpä azə̈ nyində̂ angâ azə̂ lə̂ gbâtə̂ azə̂.

Dokʉ̈ Jâan 3:14

Azə̈ wûnsə̂ nə̈ nə̂ pä azə̈ rô lə̂ kuzü nə̂, ânyë kə̈ wâ la tchîsûwu, bëte rə̂ ndə̂ azə̈ nyîndə̂ angâ azə̂. Akrə ndə̂ tche nyîâbô nyîndə̂ ngâ yê, dëkë gbô tchë kä lə̂ kuzü.

Dokʉ̈ Jâan 3:18

Abechë ndə̂ mê, nyë nyïäbô nyîndə̂ angâ nyê kütû la wünwün pö-ê, âdəndjë mbämbä pö lə̂ ma nyê-ê, praâbalë nyë nyïndə̂ angâ nyê lakə̂ mbo kua nə̈, ndjë lə̂ köbosə̂ lëge pö.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 4:11

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə Ndjapä ânyində̂ azə̂ käko-ë, äwäpä azə̈ nyi ndjë ndə̂ angâ azə̂ lə̂ gbâtə̂ azə̂.