Dokʉ̈ Jâan 4:20 - Mbëtï Ndjapä: TÄFO MADƗ̈

²⁰ Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Dokʉ̈ Jâan 4:20 Iomraidhean Croise

Jâan 13:35

Âdə nyê ânyində̂ angâ nyê lə̂ gbâtə̂ nyê, käko azü gbɛ̂ wun-adje sə̂nə̈ pä nyë wätə̂ adjisîpili ndə̂ mê.»

Dokʉ̈ Pîêre 1:8

Tchetchë ndə̂ nyë wûn-âbô tchë wûn, praâbalë nyë nyîndə̂ yê, tchetchë ndə̂ nyë wûn-âbô tchë wûn, praâbalë nyë zâ su nyê sə̈ tchë, bëte rə̂ kä ndə̂ su nyê sɨ̂sɨ̈ la gbölö mômô, ndə̂ a wûn-âbo sə̂ pö ndə̂ a to rə̂ pânə̈-a.

Dokʉ̈ Jâan 1:6

Âdə azə̈ âto rə̂ pä azə̈ wä balë la tchë, ânyë gbô azə̂ ndə̂po lakə̂ nə lə̂ bübü tchô, dëkë azə̈ mô yepa nə̂. Azə̈ mbôâbo rə gundə̂sə̂ lëge pö-a.

Dokʉ̈ Jâan 1:8

Âdə azə̂ âto rə̂ pä ngbongbo rə wâbo lə̂ azə̂-a, dëkë azə̈ bölotə̂ azə̂ la tə̂ azə̂, lëge pö wâbo lə̂ azə̂-a.

Dokʉ̈ Jâan 2:11

Praâbalë akrə ndə̂ tche kôsə̂ ngâ yê, tche kä lə̂ bübü tchô, kə̈ wûn-âbo sə̂ tchô ndə̂ tche e tâ-a, bëte bübü tchô nə̈ mbô tchë nə̂ tə̂ earə̂ föla.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 2:9

Akrə ndə̂ tche tô rə̂ pä anyë kä lə̂ ngbänga, ânyë kə̈ kôsə̂ ngâ yê, dëkë gbô tchë kä po lə̂ bübü tchô.

Dokʉ̈ Jâan 3:17

Praâbalë âdə ngâ akrə âwa la arə tchêbêche âtə tə̂ gbölösə̂nə̈, ânyë kə̈ gʉ̂â la yê tə̂ ngâ yê, ndə̂ tche wûn tchë la gʉ ngâ rə, akrə käko lâme nyïndə̂ Ndjapä tchïtchïnə̈ atöko?

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.