Dokʉ̈ Jâan 4:17 - Mbëtï Ndjapä: TÄFO MADƗ̈

¹⁷ Âdə kə̂ nyində̂ ngâ âdaka gbɛ̂ lə̂ azə̂, käko lo kə̂ wa ngbanga, su azə̂ wadje gii-ï. Azə̂ səadje käko, bëte kə̂ sə ndə̂ azə̂ bêche âtə kʉ̈tə̂ yê la andə̂ Jezü Krîsiti.

Dokʉ̈ Jâan 4:17 Iomraidhean Croise

Matiyə̈ 10:15

Ɛn-ɛn, tə̂ lëge nə̈ më tö rə̂ sə̈ nyê: Lo nə̈ ndə̂ Ndjapä wa ngbanga pâ azü, ngbanga ndə̂ a wadje rə̂ pâ azü gö ndə̂ Sodômo la Gomôro âwatə̂ mömö nə̈ tə̂ andə̂ azü gö lâme.»

Matiyə̈ 10:25

Äwäpä djisîpili wa batə̂ earə̂ kə̂ nyisə̂ rə sə̈ tchë, ânyë earə̂ kua wa ndjë batə̂ gbölö akrə ndə̂ yê. Batə̂ rə̂ ndə̂ andjë e earə̂ nda pä Bëlëzëbûlu, andjê âto angbongbo pö tə̂ gbölösə̂nə̈ tə̂ azü tchâalê ndə̂ yê nə̈ atöko!»

Matiyə̈ 11:22

Ɛn-ɛn, më tö rə̂ sə̈ nyê: Lo nə̈ ndə̂ Ndjapä wa ngbanga pâ azü, ngbanga ndə̂ azü ndə̂ Tîre la Sidön âwatə̂ mömö nə̈ tə̂ andə̂ nye nə̈.

Matiyə̈ 11:24

Ɛn-ɛn, më tö rə̂ sə̈ nyê: Lo nə̈ ndə̂ Ndjapä wa ngbanga pâ azü, ngbanga ndə̂ azü gö ndə̂ Sodômo âwatə̂ mömö nə̈ tə̂ andə̂ zə nə̈.»

Matiyə̈ 12:36

Më tö rə̂ sə̈ nyê: Tə̂ lo kə̂ wa ngbanga, azü âtoadje apö pâ awünwün apö ndə̂ andjë tô rə̂ alême.

Jâan 15:20

Nyë rɨ̈ tchə̂lə̂ nyê tə̂ pö ndə̂ më tô rə̂ päkëdə̂: ‹Earə̂ kua wâbo gbölö kə̈ rô gbölö akrə ndə̂ yê-a.› Âdə azü tchêbêche âmbo mê la yûkü, andjê mboadje ndjë nyê la yûkü. Âdə andjê âbata pö ndə̂ mê, andjê batadje ndjë pö ndə̂ nyê.

Jâan 17:22

Kə̂ lusə̂ mê ndə̂ mo lusə̂ mê lâme, më lûsə̂ andjê nə̂, ndə̂kə̂ pa andjë wa balë, batə̂ rə̂ ndə̂ momö la mê wâ balë lâme.

Rômo 8:29

Bëte azü ndə̂ Ndjapä ê andjê dokʉ̈tchê ndə̂kə̂ watə̂ azü ndə̂ yê, tche nyïkrə rə̂ tə̂ su yê dokʉ̈tchê ndə̂kə̂ mbo rə̂ ânyë andjë wa batə̂ nyîsɨ̂ Modô ndə̂ yê. Ndjapä mbö rə̂ käko ndə̂kə̂ pa Modô ndə̂ yê watə̂ âyä angbängbä azü.

Aheborö 9:27

Bëte a dɨ̈ rə̂ sə̈ azü gbɛ̂ ndə̂kə̂ tchu sûsunə̈ balë, pânə̈, kə̂ wa ngbanga kä tâ.

Jâke 2:13

Bëte akrə ndə̂ tche wûn-âbô nyonyo angâ yê wûn-î, Ndjapä âsə̈ wa ngbanga lə̂ küma yê, kə̂ wun-abô ndjë nyonyo yê tee-a, bëte kə̂ wun nyonyo akrə kä ndə̂ âmbo rə̂ pä akrə wutu lə̂ ngbanga kênê ämbänə̈.

Jâke 2:22

Mo wün rə̂ tchâme pä kə̂ za su Abrahâmo sə̈ Ndjapä wä balë la kua nə̈, ânyë su yê ndə̂ tche zâ rə̂ sə̈ Ndjapä däka gbɛ̂ lə̂ köbosə̂ kua ndə̂ tche mbô rə̂.

Bïchuû Pîêre 2:9

Käko Gbölö Gbïɛ̈ wä ndə̂kə̂ ji adjîrə̂ azü ndə̂ andjë zâtə̂ andjê gbɛ̂ sə̈ tchë ânyë kə̂ wun yûkü. Tche wä ndjë ndə̂kə̂ nyikrə sə̂ angbongbo azü ndə̂kə̂ pa tche mbo andjê la yûkü tə̂ lo kə̂ wa ngbanga.

Bïchuû Pîêre 3:7

Dëkë kütû lə̂ köbosə̂ pö ma Ndjapä balë lâme kä ndə̂ a bâta tchêlafô la tchêbêche ndə̂ tchô angêta bëte wo, ndə̂kə̂ krʉ bëte lö kə̂ wa ngbanga la lö ndə̂ angbongbo azü tchu tratralë-ê.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Dokʉ̈ Jâan 2:5

Praâbalë akrə ndə̂ tche bâta pö ndə̂ yê, dëkë tche nyïndə̂ Ndjapä tə̂ lëge nə̈ gbɛ̂. Tchâme, azə̈ wunsə̂ nə̈ pä azə̈ wâ nə̂ balë la Ndjapä.

Dokʉ̈ Jâan 2:6

Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.

Dokʉ̈ Jâan 3:1

Nyë wünsa kə̂ nyində̂ azə̂ ndə̂ Bha nyîndə̂ azə̂! Tche nyïndə̂ azə̂ tə̂ gbölösə̂nə̈, ndə̂kə̂ pa a e rə̂ tə̂ azə̂ pä abechë ndə̂ Ndjapä, tə̂ lëge nə̈ azə̈ wätə̂ abechë ndə̂ yê. Âdə tchêbêche âtə âwûn-âbo sə̂ azə̂ wûn-î, bëte âwûn-âbo sə̂ Ndjapä balë-a.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Dokʉ̈ Jâan 3:7

Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.