Dokʉ̈ Jâan 4:16 - Mbëtï Ndjapä: TÄFO MADƗ̈

¹⁶ Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Dokʉ̈ Jâan 4:16 Iomraidhean Croise

Jâan 6:69

Ârâ gâmba rə̂ nə̂, kə̈ wûnsə̂ nə̈ nə̂ pä mo də̈ Akrə ndə̂ tche dâka gbɛ̂ ndə̂ Ndjapä wân tchë.»

Jâan 9:3

Jezü tô rə̂ ndə̂nə̈ päkëdə̂: «Âdə̂âbô tchetchë âdəndjë bha nə̈ la anyï nə̈ kä ndə̂ âmbô ngbongbo rə-a. Praâbalë äwä ndə̂kə̂ pa a wun kua ndə̂ Ndjapä mbo rə̂ lə̂ yê.

Dokʉ̈ Körɛ̂nte 2:9

Praâbalë Mbëtï Ndjapä tö rə̂ päkëdə̂: «Rə ndə̂ la akrə wûn-âbô rə̂ wûn-î, rə ndə̂ tü akrə djêâbô rə̂ djê-ê, rə ndə̂ pö nə̈ wûtuabô wûtu tə̂ su akrə-ê, Ndjapä nyïkrə rə̂ gbɛ̂ bëte azü ndə̂ andjë nyîndə̂ yê.»

Dokʉ̈ Jâan 3:1

Nyë wünsa kə̂ nyində̂ azə̂ ndə̂ Bha nyîndə̂ azə̂! Tche nyïndə̂ azə̂ tə̂ gbölösə̂nə̈, ndə̂kə̂ pa a e rə̂ tə̂ azə̂ pä abechë ndə̂ Ndjapä, tə̂ lëge nə̈ azə̈ wätə̂ abechë ndə̂ yê. Âdə tchêbêche âtə âwûn-âbo sə̂ azə̂ wûn-î, bëte âwûn-âbo sə̂ Ndjapä balë-a.

Dokʉ̈ Jâan 3:16

Rə ndə̂ azə̈ wunsə̂ kə̂ nyində̂ ngâ la rə̂ wä kâkë: Jezü zä tchîsûwu ndə̂ yê bëte azə̂. Azəzə̂ ndjë gbɛ̂, äwäpä azə̈ za tchîsûwu ndə̂ azə̂ bëte angâ azə̂.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.