Dokʉ̈ Jâan 4:15 - Mbëtï Ndjapä: TÄFO MADƗ̈

¹⁵ Âdə ngâ akrə âto rə̂ kraâ pä Jezü də̈ Modô ndə̂ Ndjapä, dëkë Ndjapä kä balë la tchë, tche kä ndjë balë la Ndjapä.

Dokʉ̈ Jâan 4:15 Iomraidhean Croise

Matiyə̈ 10:32

«Akrə ndə̂ tchê toadje rə̂ tchâtchu azü gbɛ̂ pä anyë wätə̂ tchandə̂ me nə̈, mê toadje ndjë rə̂ tchâtchu Bha mê bhâ lafô pä tche wätə̂ tchandə̂ me nə̈.

Lûke 12:8

«Më tö rə̂ sə̈ nyê: Akrə ndə̂ tchê toadje rə̂ tchâtchu azü gbɛ̂ pä anyë wätə̂ tchandə̂ me nə̈, Modô ndə̂ Akrə âto ndjë rə̂ me tchâtchu aânje ndə̂ Ndjapä pä anyë də̈ tchandə̂ ye nə̈.

Jâan 6:56

Akrə ndə̂ tche zɨ̂ mbë mê ânyë kə̈ ndjô jï mê, akrə nə̈ lâme kä balë la mê ânyë më kä ndjë balë la tchë.

Abadjângele 8:37

Fïlîpe tô rə̂ sə̈ tchë päkëdə̂: «Âdə mo âgamba rə̂ la su zə̈ gbɛ̂, mo wä ndə̂kə̂ gbo batɛ̂me ämbänə̈.» Akrə gö ndə̂ Etchiopï ndə̂ a wôn tchâtchâ yê lâme tô rə̂ päkëdə̂: «Më gâmba rə̂ nə̂, Jezü Krîsiti də̈ Modô ndə̂ Ndjapä.»]

Rômo 10:9

Âdə mo âto rə̂ la ma zə̈ päkëdə̂: «Jezü wätə̂ Gbölö Gbïɛ̈», ânyë kə̂ gâmba rə̂ la su zə̈ ndə̂ Ndjapä jô tchë lə̂ kuzü, mô tchadje lə̂ kuzü.

Fïlîpe 2:11

ânyë azü gbɛ̂ to rə̂ la ma gö ndə̂ andjê päkëdə̂: «Jezü Krîsiti wätə̂ Gbölö Gbïɛ̈» käko ânyë a voga Ndjapä Bha!

Dokʉ̈ Jâan 2:23

Akrə ndə̂ tche kôsə̂ Modô nə̈, dëkë tche wâbo la Bha-a; akrə ndə̂ tche wûnsə̂ Modô nə̈, dëkë tche kä ndjë la Bha.

Dokʉ̈ Jâan 2:24

Âdə andə̂ nye nə̈, äwäpä nyë bäta pö ndə̂ nyë djê rə̂ lə̂ kêsâ nə̈ lâme. Âdə nyë âbata pö ndə̂ nyë djê rə̂ lə̂ kêsâ nə̈ lâme, dëkë nyë wâ nə̂ balë la Modô nə̈, ndjë la Bha.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 4:12

Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.

Dokʉ̈ Jâan 4:2

Köbo ndə̂ nyê wunsə̂ Yingö ndə̂ Ndjapä lâme wä kâkë: Akrə ndə̂ tche wûnsə̂ nə̈ pä Jezü Krîsiti mbötə̂ yê tə̂ lëge nə̈ tə̂ akrə, tche kä la Yingö ndə̂ Ndjapä.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:5

Tchabâ kä ndə̂ ârô tchêbêche âtə la gbôgbô? Kütû akrə ndə̂ tche gâmba rə̂ pä Jezü də̈ Modô ndə̂ Ndjapä.

Bïchuû Jâan 1:7

A-earə̂ yepa zâ tchêpâ cho nə̂ gbɛ̂: Andjë kösə̂ nə̈ pä Jezü Krîsiti nə̂âbo atə̂ bêche âtə batə̂ lëge akrə-a. Akrə ndə̂ tche tô pö käko, dëkë tche wätə̂ earə̂ yepa, kə̈ wâ ndjë tə̂ earə̂ kə̂ kosə̂ Krîsiti.