Dokʉ̈ Jâan 4:14 - Mbëtï Ndjapä: TÄFO MADƗ̈

¹⁴ Ârâ wün rə̂, kə̈ tô pö ndə̂nə̈ pä Bha wän Modô ndə̂ yê ndə̂kə̂ pa tche watə̂ Earə̂ kə̂ tcha azü tchêbêche âtə.

Dokʉ̈ Jâan 4:14 Iomraidhean Croise

Jâan 1:14

Tchanə̈ ndə̂ tche wâtə̂ Pö nə̈ lâme mbötə̂ yê tə̂ akrə, kə̈ sə̂ lə̂ gbâtə̂ azə̂; tchôtchô su la lëge pö sɨ̂sɨ̈ lə̂ yê. Ârâ wün golowäre ndə̂ yê, golowäre ndə̂ gbokôngô Modô gbô rə̂ tchânə̂ Bha.

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 10:36

Mëmê, Ndjapä dɨ̈ mê ngbî ânyë kə̈ wân mê atə̂ bêche âtə. Nyë tô andə̂ nye nə̈ pä më drö Ndjapä tə̂ pö ndə̂nə̈ ndə̂ më tô rə̂ pä më wätə̂ Modô ndə̂ Ndjapä?

Jâan 12:47

Âdə ngâ akrə âdje pö ndə̂ mê, ânyë kə̈ mbôâbô rə mbô gundə̂sə̂ nə̈-ê, âdə̂âbo mëmê kä ndə̂ âwadje ngbanga lə̂ küma yê-a. Bëte më nə̂âbo ndə̂kə̂ wa ngbanga lə̂ küma azü tchêbêche âtə-a, praâbalë më nə̈ ndə̂kə̂ tcha andjê lə̂ kuzü.

Jâan 3:11

Ɛn-ɛn, tə̂ lëge nə̈ më tö rə̂ sə̈ mö: Ârâ tö pö ndə̂ rə ndə̂ ârâ wûnsə̂ nə̈, kə̈ tô pö ndə̂ rə ndə̂ ârâ wûn rə̂ sə̈ azü, praâbalë nyënyê, nyë nyîâbo ndə̂kə̂ gamba pö ndə̂ ârâ tô rə̂ sə̈ nyê lâme-a.

Jâan 3:32

Tche tö pö ndə̂ arə ndə̂ tche wûn rə̂ ânyë kə̈ djê rə̂. Akrə balë gambabô pö ndə̂ tche to rə̂ tee-a.

Jâan 3:34

Akrə ndə̂ Ndjapä wân tchë, tche tö kütû apö ndə̂ Ndjapä, bëte Ndjapä zä Yingö ndə̂ yê gbɛ̂ sə̈ tchë.

Jâan 4:42

Azü nə̈ tô rə̂ sə̈ ɛ̈chë lâme päkëdə̂: «Âdə̂âbo kütû bëte pö lə̂ ma zə̈ kä ndə̂ ârâ zâ su ârâ sə̈ Jezü-a, praâbalë ârâ djë rə̂ la tü ârâ, kə̈ wûnsə̂ nə̈ pä tche wätə̂ lëge earə̂ kə̂ tcha azü tchêbêche âtə.»

Jâan 5:39

Nyë pü dju apö ndə̂ Ndjapä, bëte nyë wünsə̂ nə̈ pä nyë âgbo tchîsûwu ndə̂ logbɛ̂ logbɛ̂ lə̂ köbosə̂ nə̈. Dëkë apö Ndjapä lâme kä ndə̂ âto pö pâ mê.

Abadjângele 18:5

Ndə̂ Sïlâse la Timotë tô bhâ Mäsëdöâne âkə̈ wûtu, Pôlo zâtə̂ yê gbɛ̂ ndə̂kə̂ mu pö Ndjapä. Tche sə̈ lakə̂ nyisə̂ nə̈ kraâ sə̈ ajuîfu pä Jezü də̈ Krîsiti.

Dokʉ̈ Pîêre 5:12

Më mbö ndöndö mbëtï âtə sə̈ nyê lə̂ köbosə̂ Silvɛ̈n ndə̂ më wûn tchë batə̂ djîrə̂ ngâ azə̂ lə̂ Krîsiti. Më mbö rə̂ ndə̂kə̂ za gbôgbô tə̂ su nyê, ndjë ndə̂kə̂ nyisə̂ nə̈ sə̈ nyê pä pö nə̈ ndə̂ nyë ndə̂po lə̂ köbo nə̈ lâme wätə̂ lëge rə lə̂ köbosə̂ tchôtchô su ndə̂ Ndjapä.

Dokʉ̈ Jâan 4:10

Kə̂ nyində̂ ngâ wä kâkë: Âdə̂âbô azə̂ kä ndə̂ ânyîndə̂ Ndjapä-a, praâbalë Ndjapä kä ndə̂ ânyîndə̂ azə̂ ânyë kə̈ wân Modô ndə̂ yê, tche zätə̂ yê la ngela ndə̂kə̂ pa Ndjapä ko pö lə̂ küma azə̂.

Dokʉ̈ Jâan 5:9

Âdə azü âto pö ndə̂ rə ndə̂ andjë wûn rə̂ sə̈ azə̂, azə̈ gamba rə̂; dëkë pö ndə̂ Ndjapä tô rə̂, älü kə̈ rô andə̂ azü. Pö nə̈ ndə̂ Ndjapä tô rə̂ lâme wä pâ Modô ndə̂ yê.