Dokʉ̈ Jâan 4:12 - Mbëtï Ndjapä: TÄFO MADƗ̈

¹² Ngâ akrə balë wûn-âbo Ndjapä-a. Käko âdə azə̂ ânyində̂ angâ azə̂ lə̂ gbâtə̂ azə̂, Ndjapä kä lə̂ azə̂, ânyë kə̂ nyində̂ ngâ ndə̂ yê nə̈ lə̂ azə̂ daka gbɛ̂.

Dokʉ̈ Jâan 4:12 Iomraidhean Croise

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Dokʉ̈ Körɛ̂nte 13:13

Ndə̂ tchô angaâtə, arə vötaâ lâme kä tâ: Kə̂ za su sə̈ Krîsiti, kə̂ za su pâ rə ndə̂ akrə krʉ bëte rə̂, la kə̂ nyində̂ ngâ, praâbalë kə̂ nyində̂ ngâ wä gbölö kə̈ rô adɨ̂ nə̈ gbɛ̂.

Dokʉ̈ Timotë 1:17

Äfü pä azə̈ lusə̂ gbïɛ̈ ndə̂ tche wâ pïï etə̂, Ndjapä ndə̂ tche wâbô wâ ndə̂kə̂ tchu-î, ndə̂ a wûn-âbô tchë wûn-î, ndə̂ tche wâ gbokôngô. Kə̂ lusə̂tə̂, la voga wätə̂ andə̂ ye nə̈, tə̂ logbɛ̂ logbɛ̂! Amin!

Dokʉ̈ Timotë 6:16

Tchetchë balë kä ndə̂ âwâbô wâ ndə̂kə̂ tchu-î, ndə̂ tche sə̂ lə̂ ngbänga, ndə̂ ngâ akrə ndə̂kə̂ ndo la sə̂nə̈ sə̂âbo-a. Ngâ akrə balë ndə̂ tche wûn Ndjapä sə̂âbo-a, ânyë ngâ akrə balë ndə̂ tche kʉ̂sə̂ kə̂ wun tchë sə̂âbo-a. Kə̂ lusə̂tə̂ la gbôgbô wätə̂ andə̂ ye nə̈ tə̂ logbɛ̂ logbɛ̂! Amin.

Aheborö 11:27

Lə̂ köbosə̂ kə̂ za su sə̈ Ndjapä, Möyîze gbô lə̂ gö ndə̂ Ejîpiti. Tche wâbo la wawa mêrâ ndə̂ gbïɛ̈-a, tche rʉ̈ätə̂ su yê, âwûntî pä tche wün Ndjapä ndə̂ akrə wûn-âbô tchë wûn-î.

Dokʉ̈ Jâan 2:5

Praâbalë akrə ndə̂ tche bâta pö ndə̂ yê, dëkë tche nyïndə̂ Ndjapä tə̂ lëge nə̈ gbɛ̂. Tchâme, azə̈ wunsə̂ nə̈ pä azə̈ wâ nə̂ balë la Ndjapä.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Dokʉ̈ Jâan 4:6

Praâbalë andə̂ azə̈ nə̈, azə̈ wätə̂ azü ndə̂ Ndjapä. Akrə ndə̂ tche wûnsə̂ Ndjapä, tche djë azə̂. Praâbalë akrə ndə̂ tche wâbô wâtə̂ akrə ndə̂ Ndjapä, tche djêâbo azə̂-a. Käko kä ndə̂ azə̈ wunsə̂ kə̂ krʉ tchə̂lə̂ Yingö ndə̂ lëge pö la yingö ndə̂ ânyisə̂ ngbongbo köbo.