Dokʉ̈ Jâan 4:1 - Mbëtï Ndjapä: TÄFO MADƗ̈

¹ Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Dokʉ̈ Jâan 4:1 Iomraidhean Croise

Mâreke 13:21

Âdə ngâ akrə âto rə̂ sə̈ nyê päkëdə̂: ‹Krîsiti kä tchâtə!› âdəndjë ‹təbhâ!›, nyë gämbabô pö ndə̂ yê gâmba-ê.

Lûke 12:57

«Bëte giamâ nyënyê la tə̂ nyê, nyë wâbô ngbanga wâ pâ kə̂ mbo djîrə̂ rə-ê?

Lûke 21:8

Jezü tô rə̂ ndə̂nə̈ sə̈ andjê päkëdə̂: «La nyë gbö-ê, ngâ akrə böloabô nyê bôlo-ê! Bëte angbängbä azü ânəadje la rə̈ mê, kə̂ to rə̂ päkëdə̂: ‹Anyenyê kä ndə̂ âdə̂ Krîsiti› andjê toadje rə̂ me päkëdə̂: ‹Lo nə̈ tâ tâ nə̂!› Praâbalë nyë zäbô tchêngbâ andjê zâ-ê!

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Abadjângele 20:29

Më wûnsə̂ nə̈ nə̂ pä pânə̈ ngbâ mê angâ agbongô ânəadje lə̂ gbâtə̂ nyê ndə̂kə̂ won aɛ̈bro-ngbaga nə̈.

Dokʉ̈ Körɛ̂nte 12:10

Tche zä gbôgbô ndə̂kə̂ mbo akpɨ̈ngbɨ̈ rə sə̈ ngâ akrə, kə̈ zâ gbôgbô ndə̂kə̂ to ndə̂ma Ndjapä sə̈ ngânə̈, kə̈ zâ gbôgbô ndə̂kə̂ krʉ tchə̂lə̂ Kpɨ̂ki Yingö la angbongbo yingö sə̈ ngânə̈, kə̈ zâ gbôgbô ndə̂kə̂ to pö la ama gö ngbî ngbî sə̈ ngânə̈, ânyë kə̈ zâ gbôgbô sə̈ ngânə̈ ndə̂kə̂ to ndə̂ma pö ndə̂ ama gö ngbî ngbî lâme sə̈ angâ yê.

Dokʉ̈ Körɛ̂nte 14:29

Âdə andə̂ azü ndə̂ andjë wâtə̂ a-earə̂ ndə̂ma Ndjapä, äwäpä azü bïchuû âdəndjë vötaâ to rə̂, ânyë adɨ̂ azü nə̈ chi ndə̂ pö nə̈ ndə̂ andjë to rə̂ lâme.

Dokʉ̈ Tësälönîke 5:20

nyë wün-äbô apö ndə̂ a-earə̂ ndə̂ma Ndjapä wûn batə̂ mbämbä pö-ê.

Dokʉ̈ Tësälönîke 5:21

Praâbalë nyë wün tchə̂lə̂ apö nə̈ gbɛ̂ djîrə̂, kə̂ bata anə̈ ndə̂ âdâka,

Bïchuû Tësälönîke 2:2

Âdə ngâ akrə âto rə̂ päkëdə̂: Lö kə̂ ka ndə̂ Gbölö Gbïɛ̈ wûtu nə̂, tchə̂lə̂ küma nyê djingɨliabô djîngɨli gasa-ê, nyë mböäbô ndjë wa mbô-ê. Âdə tche âto rə̂ pä pö nə̈ tö lə̂ ma Ndjapä, âdəndjë rə̂ ndə̂ pö nə̈ tö lə̂ ma ârâ, âdəndjë rə̂ ndə̂ ârâ kä âkə̈ wân mbëtï sə̈ nyê, nyë nyïäbô nyîndə̂ nə̈-ê.

Dokʉ̈ Timotë 4:1

Kpɨ̂ki Yingö tö rə̂ kraâ päkëdə̂: Lə̂ adɨ̂ alö âtə, angâ azü âgboadje tə̂ köbo su andjê ndə̂ andjë zâ rə̂ sə̈ Krîsiti, kə̂ zadje tə̂ andjê sə̈ ayingö ndə̂ âbolo azü, lakə̂ nyisə̂ rə ndə̂ âtô bhândə̂ angbongbo atchozö.

Bïchuû Timotë 3:13

Andə̂ angbongbo azü la andjanə̈ ndə̂ andjë bôlo angâ andjê, andjê eadje la ngbongbo rə ndə̂ andjê atə̂ tchâtchu nə̈. Andjê boloadje azü ânyë kə̂ bolo ndjë tə̂ andjê.

Bïchuû Pîêre 2:1

Dokʉ̈tchê alême a-earə̂ ndə̂ma Ndjapä ndə̂ yepa sə̈ lə̂ gbâtə̂ azü gö ndə̂ Isarayële; ârə̂ âwa ndjë me käko, angâ a-earə̂ kə̂ nyisə̂ rə ndə̂ yepa liadje lə̂ küwû nə̈ lə̂ gbâtə̂ nyê, kə̂ nyiadje sə̂ rə ndə̂ âwâ ngbî tə̂ pö Ndjapä, âmbo andjê ndə̂kə̂ e la andjê pu kuzü. Andjë âzro azü nə̈ zoo andjë kosə̂ Earə̂ kə̂ nyisə̂ rə ndə̂ tche tchâ andjê. Âchiabô tee ndə̂kə̂ pa Ndjapä won andjê-a.

Dokʉ̈ Jâan 2:18

Abechë ndə̂ mê, tchêbêche ndô tə̂kə̂ krʉ nə̂. Nyë djê rə̂ alême nə̂ pä Earə̂ kə̂ kosə̂ Krîsiti âwutuadje. Dëkë angaâtə angbängbä azü ndə̂ andjë kôsə̂ Krîsiti wûtu nə̂. Käko azə̈ wûnsə̂ nə̈ nə̂ pä tchêbêche ndô tə̂kə̂ krʉ nə̂.

Dokʉ̈ Jâan 2:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.

Bïchuû Jâan 1:7

A-earə̂ yepa zâ tchêpâ cho nə̂ gbɛ̂: Andjë kösə̂ nə̈ pä Jezü Krîsiti nə̂âbo atə̂ bêche âtə batə̂ lëge akrə-a. Akrə ndə̂ tche tô pö käko, dëkë tche wätə̂ earə̂ yepa, kə̈ wâ ndjë tə̂ earə̂ kə̂ kosə̂ Krîsiti.

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.

Apökälîbïchi 2:2

Më wûnsə̂ akua ndə̂ zə̈ nə̂, ndjë la yûkü ndə̂ mo wûn rə̂ lakə̂ mbo kua ndə̂ zə̈. Më wûn ndjë sə̂ köbo ndə̂ mo rʉatə̂ su zə̈ lâme nə̂. Më wûnsə̂ nə̈ nə̂ pä mo wâbo ndə̂kə̂ rʉatə̂ su zə̈ la angbongbo azü-a. Azü ndə̂ andjë tô rə̂ pä anyë də̈ abadjângele lâme, ndə̂ mo pû apö pâ andjê, ânyë kə̈ wûnsə̂ nə̈ pä andjë də̈ a-earə̂ yepa.