Dokʉ̈ Jâan 3:9 - Mbëtï Ndjapä: TÄFO MADƗ̈

⁹ Akrə ndə̂ tche wâtə̂ bechë ndə̂ Ndjapä, tchê kä mboabô ngbongbo rə tee-a, bëte gbôgbô ndə̂ Ndjapä kä lə̂ yê. Tchê kä mbo bata ngbongbo rə tee-a, bëte tche də̈ bechë ndə̂ Ndjapä.

Dokʉ̈ Jâan 3:9 Iomraidhean Croise

Matiyə̈ 7:18

Tchôtchô yö wâbo ndə̂kə̂ le ngbongbo lêlê yö-a, âdəndjë ngâ ngbongbo yö wâbo ndə̂kə̂ le tchôtchô lêlê yö-a.

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Jâan 3:3

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö, âdə a âkä zɨabô ngâ akrə zɨ̂ tə̂ täfo nə̈, tchê liabô lə̂ Gbölö gö-gbïɛ̈ ndə̂ Ndjapä tee-a.»

Abadjângele 4:20

Andə̂ ârâ, rə ndə̂ ârâ wûn rə̂ ânyë kə̈ djê rə̂ âtə, ârâ wâbo ndə̂kə̂ ngbo ma ârâ pânə̈-a.»

Rômo 6:2

Âdə̂âbo käko-a! Ndə̂ azə̈ tchû, ânyë tchə̂lə̂ tə̂ azə̂ krʉ̂ la ngbongbo rə lâme, atöko kä ndə̂ azə̈ ndəpo lakə̂ mbo ngbongbo rə etə̂?

Gälâte 5:17

Bëte angbongbo gʉ tə̂ su akrə mbö kʉ̈ʉ̈ la Yingö, ânyë Yingö mbo kʉ̈ʉ̈ la angbongbo gʉ su akrə. Andjë djêâbo tə̂ andjê lə̂ gbâtə̂ andjê-a, käko rə ndə̂ nyë nyîndə̂ kə̂ mbo rə̂, nyê mboabô rə̂ tee-a.

Tîte 1:2

ndə̂kə̂ pa su andjê wa pâ tchîsûwu ndə̂ logbɛ̂ logbɛ̂, ndə̂ Ndjapä zâ bâlâ nə̈ alême, dokʉ̈tchê ndə̂kə̂ pa tche mbo arə gbɛ̂. Ndjapä ndə̂ tche tô pö lâme, tche môâbo yepa-a.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:6

Akrə ndə̂ tche wâ balë la Krîsiti, tche mbôâbô ngbongbo rə-a. Akrə ndə̂ tche ndə̂po lakə̂ mbo ngbongbo rə, dëkë tche wûn-âbo sə̂ Krîsiti-a, kə̈ wûn-âbo ndjë tchë balë-a.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:4

Bëte azü gbɛ̂ ndə̂ andjë wâtə̂ abechë ndə̂ Ndjapä, andjë rö tchêbêche âtə la gbôgbô. Köbo ndə̂kə̂ ropâ tchêbêche âtə la gbôgbô də̈ kə̂ za su sə̈ Ndjapä.

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.