Dokʉ̈ Jâan 3:8 - Mbëtï Ndjapä: TÄFO MADƗ̈

⁸ Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Dokʉ̈ Jâan 3:8 Iomraidhean Croise

Matiyə̈ 12:28

Praâbalë âdə lə̂ köbosə̂ Kpɨ̂ki Yingö kä ndə̂ mê gro angbongbo atchozö la rə̂, dëkë Gbölö gö-gbïɛ̈ ndə̂ Ndjapä wûtu nə̂ ëtə̂ nyê.

Matiyə̈ 13:38

Kɨ̈ndɨ̈ nə̈ wätə̂ tchêbêche âtə. Atchôtchô ndjî rəgʉ nə̈ də̈ azü ndə̂ Gbölö gö-gbïɛ̈ ndə̂ Ndjapä. Angbongbo bë nə̈ wätə̂ azü ndə̂ Ngbongbo akrə.

Matiyə̈ 4:3

Jâbolo, earə̂ kə̂ bolo azü nə̂ ndola tchë, kə̈ tô rə̂ sə̈ tchë päkëdə̂: «Âdə mo âdə Modô ndə̂ Ndjapä, amö to rə̂ sə̈ täme âtə âdôtə̂ yê tə̂ kɨ̈zɨ̂.»

Mâreke 1:24

«Giamâ mo nyîndə̂ nə̈ tə̂ ârâ, Jezü akrə gö ndə̂ Näzärête, mo nə̈ ndə̂kə̂ won ârâ wön? Më wûnsə̂ zə̈ nə̂ gbɛ̂: Mo wä ngbî kə̈ dâka gbɛ̂, ndə̂ Ndjapä wân mö.»

Lûke 10:18

Jezü tô rə̂ sə̈ andjê päkëdə̂: «Më wün Satäa alême ndə̂ tche tô bhâ lafô kə̂ tê atə̂ bêche batə̂ nyïvrö ndə̂ âsrô kpôlə̂nyä.

Jâan 12:31

Angaâtə kä ndə̂ a wa ngbanga ndə̂ azü tchêbêche. Angaâtə kä ndə̂ a za makündji ndə̂ tchêbêche âtə kə̂ yi tchë atə̂ sûwu.

Jâan 16:11

Âdə andə̂ pö ndə̂kə̂ wa ngbanga, tchê nyiadje sə̂nə̈ päkëdə̂: A wâ ngbanga lə̂ küma makündji ndə̂ tchêbêche âtə nə̂.

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Rômo 16:20

Ndjapä ndə̂ tche za zɨtɨ su sə̈ akrə, tche ndô tə̂kə̂ nunu Satäa tchâtchâ da nyê nə̂. Äfü pä Gbölö Gbïɛ̈ ndə̂ azə̂ Jezü mbo tchôtchô su tə̂ nyê!

Ëfêze 2:2

Nyë mbö rə alême batə̂ kə̂ mbo rə ndə̂ azü tchêbêche atə̂, kə̈ djê ma makündji ndə̂ angbongbo atchozö, ndə̂ tche sə̂ lə̂ gûtə̂ tchêbêche la tchêlafô, tchetchë kä âkə̂ mbo rə̂ angaâtə lə̂ su azü ndə̂ andjë kôsə̂ pö ma Ndjapä.

Kölôse 2:15

Ndjapä jï ndjë gbôgbô ndə̂ angbongbo atchozö ndə̂ kümändëmä, kə̈ nyîsə̂ andjê kraâ lə̂ la azü, kə̂ gbɨ̂tɨ andjê batə̂ a-earə̂ kânga lə̂ kpûlû azü ndə̂ andjë zâ tchêngbâ Modô ndə̂ yê, ndə̂ tche mbô kʉ̈ʉ̈ ânyë kə̈ rô la gbôgbô.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Aheborö 2:14

Bëte rə̂ ndə̂ abechë nə̈ lâme wâ la tə̂ akrə la jï akrə balë, Jezü la tə̂ yê dötə̂ yê kə̈ wâ ndjë batə̂ andjê, ânyë kə̈ zâ tə̂ akrə. Käko lə̂ köbosə̂ kuzü ndə̂ yê, tche ndɨ̂ gbôgbô ndə̂ Jâbolo ndə̂ tche wâ la rə̂ alême pâ kuzü,

Aheborö 9:26

Âdə Krîsiti âli bhâ lafô ndə̂kə̂ zatə̂ yê la tə̂ yê la ngela ëngbâ ngânə̈ ëngbâ ngânə̈, dëkë Krîsiti âwun yûkü tə̂ gbölösə̂nə̈ ëngbâ ngânə̈ ëngbâ ngânə̈, gasa alême ndə̂ a mbô tchîsûwu. Käko tche lï angaâtə sûsunə̈ balë tratralë, ndə̂kə̂ djutu ngbongbo rə lə̂ köbosə̂ kə̂ zatə̂ yê la tə̂ yê la ngela.

Bïchuû Pîêre 2:4

Bëte Ndjapä gbôâbo tə̂ aânje ndə̂ andjë mbô ngbongbo rə alême ämbämbänə̈-a, praâbalë tche ï andjê la djingîli kə̂ yî andjê bhâlə̂ gbölö wo lə̂ bübü tchô ndə̂ âbû biî ndə̂kə̂ krʉ bëte lö kə̂ wa ngbanga.

Dokʉ̈ Jâan 1:2

Tchîsûwu nə̈ lâme mätə̂ yê kraâ ësûwu, ânyë ârâ wûn rə̂. Ârâ tö pö ndə̂ rə ndə̂ ârâ wûnsə̂ nə̈ pânə̈. Bëte rə̂ kä ndə̂ ârâ mû pö ndə̂ tchîsûwu ndə̂ logbɛ̂ logbɛ̂ sə̈ nyê, ndə̂ âwâ gasa alême ndrotə̂ Bha, ânyë kə̈ mâtə̂ yê sə̈ ârâ.

Dokʉ̈ Jâan 3:10

Rə ndə̂ âkrʉ̂ tchə̂lə̂ gûtə̂ abechë ndə̂ Ndjapä la abechë ndə̂ Jâbolo wä kâkë: Akrə ndə̂ tche mbôâbô djîrə̂ rə mbô-ê, ânyë kə̈ nyîâbô nyîndə̂ angâ yê, dëkë tche wâbo tə̂ bechë ndə̂ Ndjapä-a.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Jûde 1:6

Äwäpä sə̂ pö ndə̂ aânje alême te lə̂ nyê, ndə̂ andjë kôsə̂ kə̂ bata gbôgbô ndə̂ Ndjapä zâ rə̂ sə̈ andjê, kə̈ gbôtə̂ tchô ndə̂ Ndjapä zâ rə̂ sə̈ andjê ndə̂kə̂ sə tâ. Tche bäta andjê pïï etə̂ lə̂ djingîli, lə̂ tchô ndə̂ âbû biî ndə̂kə̂ sə bëte gbölö lo kə̂ wa ngbanga.

Apökälîbïchi 20:10

Käko Jâbolo ndə̂ tche bôlo andjê, a yî tchë bhâlə̂ gbölö tïmï wo ndə̂ sûfre ndrotə̂ gia nə̈, la earə̂ ndə̂ma ndjapä ndə̂ yepa lâme. Andjê wun-adje yûkü lə̂nə̈ dalobiî pïï etə̂.

Apökälîbïchi 20:15

Akrə balë balë gbɛ̂ ndə̂ a gbôâbô rə̈ yê gbô lə̂ mbëtï ndə̂ tchîsûwu, a âyiadje tchë lə̂ gbölö tïmï wo.