Dokʉ̈ Jâan 3:7 - Mbëtï Ndjapä: TÄFO MADƗ̈

⁷ Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.

Dokʉ̈ Jâan 3:7 Iomraidhean Croise

Matiyə̈ 5:20

Më tö rə̂ sə̈ nyê päkëdə̂: Âdə nyê âmboabô djîrə̂ rə mbô âro andə̂ a-earə̂ kə̂ nyisə̂ ndïɛ̈ la afarizïɛ̈n nyɛ̂-ɛn, nyê liabô atə̂lə̂ Gbölö gö-gbïɛ̈ ndə̂ tchêlafô tee-a.»

Lûke 1:75

ânyë azə̈ wa ngbî kə̂ daka gbɛ̂, ndjë kə̂ watə̂ adjîrə̂ azü lə̂ la yê lə̂ tchîsûwu ndə̂ azə̂ ndə̂ logbɛ̂.

Abadjângele 10:35

Âdə ngâ akrə âkpe wa Ndjapä, ânyë kə̈ wâtə̂ djîrə̂ akrə, âdəndjë rə̂ ndə̂ tche də̂ akrə ndə̂ ngâ gö ngbî, tche dâka tchâtchu Ndjapä nə̂.

Rômo 2:13

Tə̂ lëge nə̈, azü ndə̂ andjë dje kütû ndïɛ̈ nə̈ djë la tü andjê, andjë wâbo djîrə̂ lə̂ la Ndjapä-a. Azü ndə̂ andjë mbo rə gundə̂sə̂ ndïɛ̈ nə̈ kä ndə̂ âwâtə̂ adjîrə̂ azü lə̂ la Ndjapä.

Dokʉ̈ Körɛ̂nte 6:9

Nyë wûn-âbo sə̂nə̈ pä azü ndə̂ andjë mbo ngbongbo rə gbôâbo tchô bhâlə̂ Gbölö gö-gbïɛ̈ ndə̂ Ndjapä? Nyë böloabô tə̂ nyê bôlo-ê: A-earə̂ kə̂ pu aɛ̈chë âdəndjë aköchë katchôgbɛ̂, azü ndə̂ andjë voga angakʉ̈lä, azü ndə̂ andjë pu aɛ̈chë âdəndjë aköchë ndə̂ angâ andjê, aköchë ndə̂ andjë lo la angâ andjê aköchë,

Ëfêze 5:6

Âwâbo pä azü bolo nyê la ambämbä pö-a: Arə käko lâme gbɛ̂ kä ndə̂ ânə la mêrâ ndə̂ Ndjapä pâ azü ndə̂ andjë kôsə̂ pö ma yê.

Ëfêze 5:9

Bëte rə ndə̂ ngbänga nə la rə̂ də̈: Kə̂ mbo dâkâ, kə̂ mbo djîrə̂ rə la lëge pö.

Fïlîpe 1:11

Nyê wadje tə̂ azü ndə̂ adjîrə̂ arə sɨ̂sɨ̈ lə̂ andjê, ndə̂ ânə̂ lə̂ köbosə̂ Jezü Krîsiti. Käko kä ndə̂ a voga Ndjapä lakə̂ lusə̂ yê.

Aheborö 1:8

Praâbalë âdə andə̂ Modô ndə̂ yê, Ndjapä tö rə̂ päkëdə̂: «Ndjapä, ngendë-gbïɛ̈ ndə̂ zə̈ âwa logbɛ̂ logbɛ̂! Mo mbö djîrə̂ kümändëmä lə̂ Gbölö gö-gbïɛ̈ ndə̂ zə̈.

Aheborö 7:2

La tchêngbâ nə̈ Abrahâmo kʉ̂ dîme ndə̂ arə gbɛ̂ ndə̂ tche kʉ̂ rə̂ lə̂ kʉ̈ʉ̈ sə̈ tchë. Dokʉ̈ rə̈ yê wü pä Mëlëkïsëdêke, ndə̂ ânyîndə̂ kə̂ to rə̂ päkëdə̂: «Djîrə̂ gbïɛ̈». Bïchuû rə̈ yê nə̈ wü pä Gbïɛ̈ lə̂ gö ndə̂ Sälême, ndə̂ ânyîndə̂ kə̂ to rə̂ päkëdə̂: «Gbïɛ̈ ndə̂ zɨtɨ su».

Jâke 1:22

Âwâbo pä nyë deka tü nyê kütû ndə̂kə̂ dje pö nə̈-a, ndə̂kə̂ bolotə̂ nyê la tə̂ nyê-a, praâbalë äwäpä nyë mbo rə gundə̂sə̂ pö ndə̂ nyë djê rə̂ lâme.

Jâke 2:19

Mo gâmba rə̂ nə̂ pä Ndjapä wä balë? Sə̂nə̈ kä. Angbongbo atchozö gämba ndjë rə̂ pä tche wä balë, ânyë kə̈ sə̂ lakə̂ gugu la wawa.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 2:26

Mbëtï ndə̂ më mbô rə̂ sə̈ nyê âtə, më mbö rə̂ tə̂ pö ndə̂ azü ndə̂ andjë mbo rə̂ pä köbo yu tə̂ nyê.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:18

Abechë ndə̂ mê, nyë nyïäbô nyîndə̂ angâ nyê kütû la wünwün pö-ê, âdəndjë mbämbä pö lə̂ ma nyê-ê, praâbalë nyë nyïndə̂ angâ nyê lakə̂ mbo kua nə̈, ndjë lə̂ köbosə̂ lëge pö.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Dokʉ̈ Jâan 4:17

Âdə kə̂ nyində̂ ngâ âdaka gbɛ̂ lə̂ azə̂, käko lo kə̂ wa ngbanga, su azə̂ wadje gii-ï. Azə̂ səadje käko, bëte kə̂ sə ndə̂ azə̂ bêche âtə kʉ̈tə̂ yê la andə̂ Jezü Krîsiti.