Dokʉ̈ Jâan 3:5 - Mbëtï Ndjapä: TÄFO MADƗ̈

⁵ Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 3:5 Iomraidhean Croise

Matiyə̈ 1:21

Tchê zɨadje bechë tə̂ köchë. Mô zadje rə̈ yê pä Jezü, bëte tchetchë kä âkə̂ tchadje azü ndə̂ yê lə̂ ngbongbo rə.»

Lûke 23:41

Andə̂ azə̂ ngbanga nə̈ wä djîrə̂, bëte azə̈ wün yûkü ngbâ kə̂ mbo ngbongbo rə ndə̂ azə̂; praâbalë tchetchë ndə̂ yê nə̈, tche mbôâbo ngâ ngbongbo rə balë-a.»

Lûke 23:47

Gbölö akrə ndə̂ aturûgu ndə̂ Rômo wûn arə ndə̂ âmbô lâme, tche vôga Ndjapä kə̈ tô rə̂ päkëdə̂: «Ndə̂kə̂ wun rə̂ djîrə̂, köchë âtə wätə̂ djîrə̂ akrə.»

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 1:31

Mëmê la tə̂ mê, më wûn-âbo sə̂ yê dokʉ̈tchê-a, praâbalë më nə̈ ndə̂kə̂ za batɛ̂me ndə̂ ngû sə̈ azü, ndə̂kə̂ pa azü ndə̂ Isarayële wunsə̂ yê.»

Jâan 14:30

Mê kä toabô pö tə̂ gbölösə̂nə̈ sə̈ nyê tee-a, bëte makündji ndə̂ tchêbêche âtə kä lə̂ köbo. Tche wâbo la gbôgbô balë pâ mê-a,

Jâan 8:46

Tchabâ lə̂ gûtə̂ nyê kä ndə̂ âwâ ndə̂kə̂ nyisə̂ ngâ ngbongbo rə balë ndə̂ më mbô rə̂? Âdə mê âto lëge pö, bëte giamâ nyë gâmbabô pö ndə̂ mê gâmba-ê?

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Dokʉ̈ Timotë 1:15

Pö ndə̂ mê to rə̂ âtə wä ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂, pö nə̈ wä kâkë: Jezü Krîsiti nə̈ atə̂ bêche âtə ndə̂kə̂ tcha earə̂ ngbongbo rə, ndə̂ mëmê, më wâtə̂ dokʉ̈ earə̂ ngbongbo rə nə̈.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 1:3

Modô nə̈ lâme kä ndə̂ âmbo rə̂ pä a wun golowäre ndə̂ Ndjapä, tche wä tiî batə̂ Ndjapä. Tche bäta tchîsûwu lə̂ köbosə̂ pö ma yê ndə̂ âwâ la gbôgbô. La tchêngbâ nə̈ ndə̂ tche kô pö lə̂ küma azü tchêbêche, tche sə̂ də ndôkö könô Ndjapä bhâ lafô ndə̂ gbôgbô ndə̂ yê rô agbôgbô gbɛ̂.

Aheborö 4:15

Azə̈ kä la gbölö earə̂ kə̂ wa ngela ndə̂ tche wâ ndə̂kə̂ wun nyonyo azə̂ sə̂nə̈ ndə̂ angâ arə rôpâ azə̂. Arə ndə̂ âvu azü gbɛ̂ gbö ndjë tchë batə̂ rə̂ ndə̂ âvu azü, praâbalë tche mbôâbo ngbongbo rə-a.

Aheborö 7:26

Gbölö earə̂ kə̂ wa ngela sə̈ Ndjapä ndə̂ tche wâ ndə̂kə̂ mbo rə̂ la azə̂ kä lâme. Tche wä ngbî ânyë kə̈ dâka gbɛ̂, pö balë wâbo lə̂ küma yê-a, tche mbôâbo ngbongbo rə balë-a, kə̈ krʉ̂ tchə̂lə̂ tə̂ yê la a-earə̂ ngbongbo rə, Ndjapä zâ tchë bhâ lafô pâ arə gbɛ̂.

Aheborö 9:26

Âdə Krîsiti âli bhâ lafô ndə̂kə̂ zatə̂ yê la tə̂ yê la ngela ëngbâ ngânə̈ ëngbâ ngânə̈, dëkë Krîsiti âwun yûkü tə̂ gbölösə̂nə̈ ëngbâ ngânə̈ ëngbâ ngânə̈, gasa alême ndə̂ a mbô tchîsûwu. Käko tche lï angaâtə sûsunə̈ balë tratralë, ndə̂kə̂ djutu ngbongbo rə lə̂ köbosə̂ kə̂ zatə̂ yê la tə̂ yê la ngela.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Dokʉ̈ Pîêre 1:18

Kə̂ mbo rə ndə̂ nyê gundə̂sə̂ araâta nyê lâme, nyë gbôâbo ngâ tchôtchô rə balë ngbânə̈-a. Nyë wûnsə̂ nə̈ nə̂ pä Ndjapä jîâbo nyê lə̂ köbosə̂ rə ndə̂ âwâ ndə̂kə̂ ndɨ̂ndɨ̈ batə̂ makətche âdəndjë lôlo-a.

Dokʉ̈ Pîêre 1:20

Ndjapä dɨ̈ Krîsiti dokʉ̈tchê ndə̂kə̂ pa a mbo arə gbɛ̂. Tche mä Krîsiti ësûwu bëte nyê lə̂ adɨ̂ alö.

Dokʉ̈ Pîêre 2:22

Tchetchë ndə̂ tche mbôâbô ngâ ngbongbo rə mbô-ê, tchetchë ndə̂ ngâ pö ndə̂kə̂ bolo tchô wûtuabô wûtu balë lə̂ ma yê-ê.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Jâan 1:2

Tchîsûwu nə̈ lâme mätə̂ yê kraâ ësûwu, ânyë ârâ wûn rə̂. Ârâ tö pö ndə̂ rə ndə̂ ârâ wûnsə̂ nə̈ pânə̈. Bëte rə̂ kä ndə̂ ârâ mû pö ndə̂ tchîsûwu ndə̂ logbɛ̂ logbɛ̂ sə̈ nyê, ndə̂ âwâ gasa alême ndrotə̂ Bha, ânyë kə̈ mâtə̂ yê sə̈ ârâ.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 2:2

Tche zätə̂ yê la tə̂ yê la ngela, ndə̂kə̂ pa Ndjapä ko pö lə̂ küma azə̂. Âdə̂âbo kütû angbongbo rə ndə̂ azə̂ la kütû azə̂-a, praâbalë andə̂ azü ndə̂ tchêbêche ndjë gbɛ̂.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,