Dokʉ̈ Jâan 3:4 - Mbëtï Ndjapä: TÄFO MADƗ̈

⁴ Akrə ndə̂ tche mbô ngbongbo rə, dëkë tche kôsə̂ ndïɛ̈ ndə̂ Ndjapä nə̂, bëte kə̂ mbo ngbongbo rə wätə̂ kə̂ kosə̂ ndïɛ̈ nə̈ lâme.

Dokʉ̈ Jâan 3:4 Iomraidhean Croise

Matiyə̈ 5:19

Bëte rə̂ kä, akrə ndə̂ tche kôsə̂ ngâ kpîɛ̂kpîɛ̂ pö lə̂ ndïɛ̈ nə̈, ânyë kə̈ nyîsə̂ köbo kə̂ kosə̂ ndïɛ̈ nə̈ sə̈ azü, tchê wadje tə̂ kpîɛ̂kpîɛ̂ akrə lə̂ Gbölö gö-gbïɛ̈ ndə̂ tchêlafô. Praâbalë akrə ndə̂ tche mbô rə gundə̂sə̂ ndïɛ̈ nə̈, ânyë kə̈ nyîsə̂ rə sə̈ azü ndə̂kə̂ pa andjë mbo ndjë rə̂ käko-ë, tchê wadje tə̂ gbölö akrə lə̂ Gbölö gö-gbïɛ̈ ndə̂ tchêlafô.

Abadjângele 23:3

Pôlo tô rə̂ sə̈ tchë päkëdə̂: «Momö ndə̂ mo wâ batə̂ kʉ̂tê nda ndə̂ a mbô kpâke tâ âtə, Ndjapä kä ndə̂ âbhiadje mö! Mo sə̈ ndə̂kə̂ wa ngbanga lə̂ küma mê lə̂ köbosə̂ ndïɛ̈, praâbalë mo gbôtə̂ ndïɛ̈ nə̈ nə̂ ânyë kə̈ zâma ndə̂kə̂ pa a bhi mê.»

Rômo 3:20

Bëte rə̂ kä ndə̂, akrə balë wâbo djîrə̂ lə̂ la Ndjapä lə̂ köbosə̂ kə̂ mbo rə gundə̂sə̂ ndïɛ̈-a. Bëte ndïɛ̈ zä kütû köbo sə̈ akrə ndə̂kə̂ wunsə̂ nə̈ pä tche mbô ngbongbo rə nə̂.

Rômo 4:15

Bëte kə̂ kosə̂ ndïɛ̈ mbö rə̂ pä su yê kʉ̈ tchë. Praâbalë âdə ndïɛ̈ âwabô wâ, kə̂ kosə̂ kə̂ dje ndïɛ̈ wâbo-a.

Bïchuû Körɛ̂nte 12:21

Wawa mbö ndjë mê ndə̂kə̂ pa âdə mê âkä wutu bhândə̂ nyê, Ndjapä mbo ganô tə̂ mê lə̂ la nyê, ânyë mê sə lakə̂ kɨ tə̂ angbängbä azü lə̂ gbâtə̂ nyê, ndə̂ gbô andjê sə̂ lakə̂ mbo ngbongbo rə batə̂ anə̈ dokʉ̈tchê, ndə̂ andjë gbôâbô gbôtə̂ arə batə̂: Kə̂ wa la kâkpö, kə̂ pu aɛ̈chë âdəndjë aköchë katchôgbɛ̂, la angâ arə ganô.

Jâke 5:15

Kə̂ to pö sə̈ Ndjapä lakə̂ za su sə̈ tchë mbö rə̂ pä earə̂ tə̂kömbô nə̈ tcha, ânyë Gbölö gbïɛ̈ kengadje tchë. Âdə tche âmbo ngbongbo rə alêe, Ndjapä âko pö lə̂ küma yê gbɛ̂.

Dokʉ̈ Jâan 5:17

Kə̂ mbo arə gbɛ̂ ndə̂ âwâbô wâ djîrə̂ wätə̂ ngbongbo rə, praâbalë âdə̂âbo angbongbo arə gbɛ̂ kä âkə̂ e la azü pu kuzü-a.