Dokʉ̈ Jâan 3:3 - Mbëtï Ndjapä: TÄFO MADƗ̈

³ Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.

Dokʉ̈ Jâan 3:3 Iomraidhean Croise

Matiyə̈ 5:48

Äwäpä nyë watə̂ azü ndə̂ andjë dâka gbɛ̂, batə̂ Bha nyê ndə̂ tche sə̂ bhâ lafô ânyë kə̈ dâka gbɛ̂ lâme.»

Lûke 6:36

Äwäpä nyë mbo dâkâ batə̂ rə̂ ndə̂ Bha nyê mbô ndjë rə̂.»

Jâan 17:19

Më zätə̂ mê la tə̂ mê ngbî sə̈ mö bëte andjê, ndə̂kə̂ pa andjë za ndjë tə̂ andjê ngbî sə̈ mö lə̂ köbosə̂ lëge pö.

Abadjângele 15:9

Lə̂ la yê, azə̈ la andjê wä balë. Ndjapä djütu su andjê bëte rə̂ ndə̂ andjë zâ su andjê sə̈ Jezü.

Rômo 15:12

Ezayï tö ndjë rə̂ päkëdə̂: «Ngâ akrə pâ mawo ndə̂ Jesë ânəadje, tchê adjelafô ndə̂kə̂ sə batə̂ ngâ gbïɛ̈ pâ azü ndə̂ andjë wâbô wâtə̂ ajuîfu. Tchetchë kä ndə̂ andjê zadje su andjê ndə̂kə̂ sə bëte tchë.»

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Kölôse 1:5

Bëte sə̂nə̈ ndə̂ lëge pö ndə̂ âdə̂ Tchôtchô Pö wûtu tə̂ dokʉ̈ nə̈ lə̂ gbâtə̂ nyê, nyë zä su nyê pâ rə ndə̂ Ndjapä nyîkrə rə̂ bëte nyê bhâ lafô. Rə ndə̂ nyë zâ su nyê pânə̈ lâme mbö rə̂ ânyë nyë zâ su nyê sə̈ Krîsiti ânyë kə̈ nyîndə̂ azü ndə̂ Ndjapä.

Bïchuû Tësälönîke 2:16

Gbölö Gbïɛ̈ ndə̂ azə̂ Jezü Krîsiti la tə̂ yê, la Ndjapä Bha azə̂ nyïndə̂ azə̂, ânyë lə̂ köbosə̂ tchôtchô su yê, tche zâ gbôgbô tə̂ su azə̂ pïï etə̂, kə̈ zâ tchôtchô rə sə̈ azə̂ ndə̂ su azə̂ wâ pânə̈. Äfü pä Ndjapä Bha la Gbölö Gbïɛ̈ Jezü Krîsiti,

Tîte 3:7

Tche mbö tâ käko ânyë lə̂ köbosə̂ tchôtchô su yê, tche dɨ̂ azə̂ tə̂ adjîrə̂ azü lə̂ la yê, ndə̂kə̂ pa azə̈ watə̂ a-earə̂ kə̂ gbo tchîsûwu ndə̂ logbɛ̂ logbɛ̂, ndə̂ su azə̂ wâ pânə̈ lâme.

Aheborö 12:14

Nyë pü köbo ndə̂kə̂ sə la zɨtɨ su la azü gbɛ̂, kə̂ mbo rə̂ pä tchîsûwu ndə̂ nyê daka gbɛ̂. Bëte ârə̂ âdəabô də̂ käko, akrə balë wun-abô Gbölö Gbïɛ̈ tee-a.

Aheborö 6:18

Käko kə̂ za bâlâ lakə̂ deba, arə bïchuû lâme tchə̂lə̂ nə̈ wâbo ndə̂kə̂ zu-a, ânyë lə̂ köbosə̂ nə̈ Ndjapä môâbo ndjë yepa-a. Käko azə̂ ndə̂ azə̈ gbôtə̂ arə gbɛ̂ ndə̂kə̂ krʉ bëte arə ndə̂ Ndjapä nyïkrə rə̂ ânyë su azə̂ wâ pânə̈, azə̈ gbö gbôgbô tə̂ su azə̂ tə̂ gbölösə̂nə̈ lə̂ köbosə̂ nə̈.

Aheborö 7:26

Gbölö earə̂ kə̂ wa ngela sə̈ Ndjapä ndə̂ tche wâ ndə̂kə̂ mbo rə̂ la azə̂ kä lâme. Tche wä ngbî ânyë kə̈ dâka gbɛ̂, pö balë wâbo lə̂ küma yê-a, tche mbôâbo ngbongbo rə balë-a, kə̈ krʉ̂ tchə̂lə̂ tə̂ yê la a-earə̂ ngbongbo rə, Ndjapä zâ tchë bhâ lafô pâ arə gbɛ̂.

Jâke 4:8

Nyë gïtə̂ nyê ndola Ndjapä, ânyë tche giadje ndjë tə̂ yê ndola nyê. Nyënyê ndə̂ a-earə̂ ngbongbo rə, nyë grʉ̈ bata ngbongbo rə grʉ̂-ê, nyënyê ndə̂ su nyê wâ bïbïchuû âtə! Nyë djütu tchə̂lə̂ su nyê.

Dokʉ̈ Pîêre 1:15

Praâbalë Ndjapä ndə̂ tche ê nyê, tche wä ngbî ânyë kə̈ dâka gbɛ̂. Käko äwäpä nyënyê ndjë gbɛ̂, nyë wätə̂ azü ndə̂ andjë wâ ngbî ânyë kə̈ dâka gbɛ̂ lə̂kə̂ mbo arə ndə̂ nyê gbɛ̂.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Bïchuû Pîêre 1:4

Lə̂ köbosə̂ arə nə̈ lâme kä ndə̂ Ndjapä kʉ̂ atchôtchô arə ndə̂ gbölö ngîrî sə̈ azə̂ ndə̂ tche zâ bâlâ tə̂ pö ndə̂nə̈ alême. Käko ndə̂ nyê âsə̈ gbo rə̂, âmbo rə̂ pä nyë kpe tə̂ köbo agʉ arə tchêbêche âtə ndə̂ ândɨ azü. Käko kä ndə̂, kə̂ sə ndə̂ nyê kʉtə̂ yê la andə̂ Ndjapä.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.

Dokʉ̈ Jâan 2:6

Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.

Dokʉ̈ Jâan 4:17

Âdə kə̂ nyində̂ ngâ âdaka gbɛ̂ lə̂ azə̂, käko lo kə̂ wa ngbanga, su azə̂ wadje gii-ï. Azə̂ səadje käko, bëte kə̂ sə ndə̂ azə̂ bêche âtə kʉ̈tə̂ yê la andə̂ Jezü Krîsiti.