Dokʉ̈ Jâan 3:24 - Mbëtï Ndjapä: TÄFO MADƗ̈

²⁴ Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 3:24 Iomraidhean Croise

Jâan 10:38

Praâbalë âdə mê âmbo rə̂, ânyë nyê gâmbabô pö ndə̂ mê gâmba, äwäpä nyë gamba pö ndə̂ akua ndə̂ më mbô rə̂. Äwäpä nyë wunsə̂ nə̈, kə̂ dje tchə̂lə̂ nə̈ pä Bha mê kä balë la mê, batə̂ rə̂ ndə̂ më wâ ndjë balë la tchë.»

Jâan 14:17

Tche wätə̂ Yingö ndə̂ tche to lëge pö, ânyë azü tchêbêche wâbo ndə̂kə̂ gamba pö ndə̂ yê-a, bëte andjë wûn-âbo tchë-a, ânyë kə̈ wûn-âbo sə̂ yê-a. Praâbalë nyënyê ndə̂ nye nə̈, nyë wûnsə̂ yê nə̂, bëte tche kä ndrotə̂ nyê ânyë tche kä lə̂ nyê.

Jâan 17:21

Më tö pö sə̈ mö ndə̂kə̂ pa andjë wa balë. Bha mê, mo kä balë la mê, më wâ ndjë balë la mö. Äwäpä andjë wa balë la azə̂, ndə̂kə̂ pa azü tchêbêche gamba rə̂ pä momö kä ndə̂ âwân mê.

Dokʉ̈ Körɛ̂nte 3:16

Nyë wätə̂ gbölö nda ndə̂ Ndjapä, ndə̂ Yingö ndə̂ yê sə̂ lə̂ nyê. Nyë wûn-âbo sə̂nə̈ käko-ë?

Dokʉ̈ Körɛ̂nte 6:19

Nyë wûn-âbo sə̂nə̈ pä tə̂ nyê wätə̂ gbölö nda ndə̂ Kpɨ̂ki Yingö ndə̂ tche sə̂ lə̂ nyê lâme? Kpɨ̂ki Yingö lâme, Ndjapä kä ndə̂ âzâ tchë sə̈ nyê, nyë sə̂âbo kütû bëte nyê la tə̂ nyê-a.

Bïchuû Körɛ̂nte 6:16

Giamâ kä ndə̂ âwâ balë lə̂ gbâtə̂ gbölö nda Ndjapä la angakʉ̈lä? Bëte azə̈ wätə̂ nda Ndjapä ndə̂ tche wâ la tʉ̈rʉ̂ la yê, batə̂ rə̂ ndə̂ Ndjapä la tə̂ yê tô rə̂ päkëdə̂: «Mê səadje lə̂ gbâtə̂ azü ndə̂ mê, kə̂ nəadje lə̂ gbâtə̂ andjê, mê wadje tə̂ Ndjapä ndə̂ andjê, ânyë andjê wadje tə̂ azü ndə̂ mê.»

Dokʉ̈ Tësälönîke 4:8

Bëte rə̂ kä ndə̂ akrə ndə̂ tche kôsə̂ apö âtə, dëkë akrə də̂âbo tchë ndə̂ tche kôsə̂ yê-a, praâbalë Ndjapä kä ndə̂ tche kôsə̂ yê, tchetchë ndə̂ tche zâ Kpɨ̂ki Yingö ndə̂ yê sə̈ nyê lâme.

Bïchuû Timotë 1:14

Tchôtchô rə nə̈ lâme, amö bata rə̂ lə̂ köbosə̂ Kpɨ̂ki Yingö ndə̂ âwâ lə̂ azə̂.

Dokʉ̈ Jâan 2:24

Âdə andə̂ nye nə̈, äwäpä nyë bäta pö ndə̂ nyë djê rə̂ lə̂ kêsâ nə̈ lâme. Âdə nyë âbata pö ndə̂ nyë djê rə̂ lə̂ kêsâ nə̈ lâme, dëkë nyë wâ nə̂ balë la Modô nə̈, ndjë la Bha.

Dokʉ̈ Jâan 2:3

Âdə azə̂ âmbo rə gundə̂sə̂ andïɛ̈ ndə̂ Ndjapä, tchâme, azə̈ wunsə̂ nə̈ pä azə̈ wûnsə̂ Ndjapä nə̂.

Dokʉ̈ Jâan 2:5

Praâbalë akrə ndə̂ tche bâta pö ndə̂ yê, dëkë tche nyïndə̂ Ndjapä tə̂ lëge nə̈ gbɛ̂. Tchâme, azə̈ wunsə̂ nə̈ pä azə̈ wâ nə̂ balë la Ndjapä.

Dokʉ̈ Jâan 2:6

Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.

Dokʉ̈ Jâan 3:22

Rə gbɛ̂ ndə̂ azə̈ yukû nə̈, azə̈ âgbo rə̂ tchânə̂ yê, bëte azə̈ bäta ndïɛ̈ ndə̂ yê, ânyë kə̈ mbô rə ndə̂ âfû tə̂ yê.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.