Dokʉ̈ Jâan 3:23 - Mbëtï Ndjapä: TÄFO MADƗ̈

²³ Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 3:23 Iomraidhean Croise

Matiyə̈ 22:39

Bïchuû ndïɛ̈ nə̈ wä ndjë batə̂ dokʉ̈ nə̈: ‹Äwäpä mo nyində̂ ngâ zə̈ akrə batə̂ tə̂ zə̈.›

Mâreke 9:7

Ngâ ndrö jrê kə̈ vrô pâ andjê gbɛ̂, andjë djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, nyë djë tchë.»

Jâan 1:12

Praâbalë azü gbɛ̂ ndə̂ andjë mbô la sə̂ yê, ânyë kə̈ zâ su andjê sə̈ tchë, tche zä köbo sə̈ andjê ndə̂kə̂ watə̂ abechë ndə̂ Ndjapä.

Jâan 13:34

Më âza ngâ täfo ndïɛ̈ sə̈ nyê, äwäpä nyë nyïndə̂ angâ nyê lə̂ gbâtə̂ nyê. Batə̂ rə̂ ndə̂ më nyîndə̂ nyê, äwäpä nyë nyïndə̂ angâ nyê lə̂ gbâtə̂ nyê.

Jâan 14:1

Jezü tö rə̂ päkëdə̂: «Su nyê djïngɨliabô djîngɨli-î! Nyë zä su nyê sə̈ Ndjapä, kə̂ za ndjë su nyê sə̈ mê.

Jâan 15:12

Ndïɛ̈ ndə̂ mê wä kâkë: Nyë nyïndə̂ tə̂ nyê lə̂ gbâtə̂ nyê la angâ nyê, batə̂ më nyîndə̂ nyê.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 2:23

Ndə̂ Jezü sə̂ bhâ Jerûzalêmo lə̂ kpülü ndə̂ Pâke, angbängbä azü ndə̂ andjë wûn kpɨ̈ngbɨ̈ rə ndə̂ Jezü mbô rə̂, andjë zâ su andjê sə̈ tchë.

Jâan 3:18

Akrə ndə̂ tche zâ su yê sə̈ Modô nə̈, ngbanga wâbo lə̂ küma yê-a. Praâbalë akrə ndə̂ tche zâbô su yê zâ sə̈ tchë, a wâ ngbanga lə̂ küma yê nə̂, bëte tche zâbo su yê sə̈ gbokôngô Modô ndə̂ Ndjapä-a.

Jâan 6:29

Jezü tô rə̂ ndə̂nə̈ sə̈ andjê päkëdə̂: «Kua ndə̂ Ndjapä yûkû nə̈ sə̈ nyê wä ndə̂kə̂ pa nyë za su nyê sə̈ tchanə̈ ndə̂ Ndjapä la tə̂ yê wân tchë.»

Abadjângele 16:31

Andjë tô rə̂ ndə̂nə̈ sə̈ tchë päkëdə̂: «Za su zə̈ sə̈ Gbölö Gbïɛ̈ Jezü, kə̂ tchadje lə̂ kuzü, momö la azü tchâalê ndə̂ zə̈.»

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Dokʉ̈ Tësälönîke 4:9

Pâ pö ndə̂kə̂ nyində̂ angâ nyê lə̂ gbâtə̂ nyê lə̂ Krîsiti, âwâbo ndə̂kə̂ pa a ka mbô mbëtï sə̈ nyê pânə̈-a, bëte Ndjapä nyîsə̂ köbo ndə̂kə̂ nyində̂ angâ nyê lə̂ gbâtə̂ nyê sə̈ nyê la tə̂ nyê nə̂.

Dokʉ̈ Timotë 1:15

Pö ndə̂ mê to rə̂ âtə wä ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂, pö nə̈ wä kâkë: Jezü Krîsiti nə̈ atə̂ bêche âtə ndə̂kə̂ tcha earə̂ ngbongbo rə, ndə̂ mëmê, më wâtə̂ dokʉ̈ earə̂ ngbongbo rə nə̈.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 4:8

Dokʉ̈ nə̈ wä ndə̂kə̂ pa nyë nyində̂ angâ nyê lə̂ gbâtə̂ nyê la su nyê gbɛ̂, bëte kə̂ nyində̂ ngâ vüsə̂ angbängbä angbongbo rə.

Dokʉ̈ Jâan 2:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.

Dokʉ̈ Jâan 3:11

Pö ndə̂ nyë djê rə̂ alême lə̂ kêsâ nə̈ kä âtə: Äwäpä azə̈ nyində̂ angâ azə̂ lə̂ gbâtə̂ azə̂.

Dokʉ̈ Jâan 4:15

Âdə ngâ akrə âto rə̂ kraâ pä Jezü də̈ Modô ndə̂ Ndjapä, dëkë Ndjapä kä balë la tchë, tche kä ndjë balë la Ndjapä.

Dokʉ̈ Jâan 4:21

Ndïɛ̈ ndə̂ Krîsiti zâ rə̂ sə̈ azə̂ wä kâkë: Akrə ndə̂ tche nyîndə̂ Ndjapä, äwäpä tche nyi ndjë ndə̂ ngâ yê.

Dokʉ̈ Jâan 5:13

Më mbö mbëtï âtə sə̈ nyê ndə̂kə̂ pa nyë wunsə̂ nə̈ pä nyë kä la tchîsûwu ndə̂ logbɛ̂ logbɛ̂, nyënyê ndə̂ nyë gâmba rə̈ Modô ndə̂ Ndjapä.