Dokʉ̈ Jâan 3:22 - Mbëtï Ndjapä: TÄFO MADƗ̈

²² Rə gbɛ̂ ndə̂ azə̈ yukû nə̈, azə̈ âgbo rə̂ tchânə̂ yê, bëte azə̈ bäta ndïɛ̈ ndə̂ yê, ânyë kə̈ mbô rə ndə̂ âfû tə̂ yê.

Dokʉ̈ Jâan 3:22 Iomraidhean Croise

Matiyə̈ 17:5

Ndə̂ gbô tchë ndə̂po lakə̂ to pö nə̈, ngâ ndrö ndə̂ âsə̂ lakə̂ tchôtchö, tô bhâ lafô kə̈ jrê ëpâ andjê. A djê tchə̂lə̂ ngâ gɨ̈ lə̂ ndrö nə̈ päkëdə̂: «Tchanə̈ âtə də̈ Modô ndə̂ mê ndə̂ më nyîndə̂ yê tə̂ gbölösə̂nə̈, su mê fü la tchë gbɛ̂, nyë djë tchë.»

Matiyə̈ 21:22

Âdə nyë âza su nyê sə̈ Ndjapä, rə gbɛ̂ ndə̂ nyê yukû nə̈ lə̂ köbosə̂ kə̂ to pö sə̈ Ndjapä, nyê gboadje rə̂.»

Mâreke 11:24

Bëte rə̂ kä ndə̂ më tô rə̂ sə̈ nyê: Ndə̂ nyê âsə̈ to pö sə̈ Ndjapä, rə gbɛ̂ ndə̂ nyê yukû nə̈ tchânə̂ yê, äwäpä nyë gamba rə̂ pä nyë gbô rə nə̈ nə̂, Ndjapä âzadje rə̂ sə̈ nyê.

Jâan 14:13

Rə gbɛ̂ ndə̂ nyê yuadje kû nə̈ la rə̈ mê, mê mboadje rə̂ ndə̂kə̂ pa azü lusə̂ Bha mê lə̂ köbosə̂ Modô nə̈.

Jâan 15:10

Âdə nyê âbata andïɛ̈ ndə̂ mê, nyê səadje kpô lə̂kə̂ nyində̂ ngâ ndə̂ më nyîndə̂ nyê la rə̂ lâme. Batə̂ rə̂ ndə̂ më bâta andïɛ̈ ndə̂ Bha mê ânyë kə̈ sə̂ kpô lə̂kə̂ nyində̂ ngâ ndə̂ tche nyîndə̂ nyê la rə̂ lâme.

Jâan 15:7

Âdə nyë âwa balë la mê, ânyë apö ndə̂ mê wâ lə̂ nyê, nyë âyukû arə gbɛ̂ ndə̂ nyë nyîndə̂ nə̈, nyê gboadje rə̂.

Jâan 6:29

Jezü tô rə̂ ndə̂nə̈ sə̈ andjê päkëdə̂: «Kua ndə̂ Ndjapä yûkû nə̈ sə̈ nyê wä ndə̂kə̂ pa nyë za su nyê sə̈ tchanə̈ ndə̂ Ndjapä la tə̂ yê wân tchë.»

Jâan 8:29

Tchanə̈ ndə̂ tche wân mê kä la mê. Tche gbôâbo tə̂ mê la kütû mê-a, bëte më mbö rə ndə̂ âfû tə̂ yê logbɛ̂.»

Jâan 9:31

Ârâ wünsə̂ nə̈ pä Ndjapä djêâbo a-earə̂ ngbongbo rə-a. Praâbalë âdə ngâ akrə âlusə̂ Ndjapä, ânyë kə̈ mbô rə ndə̂ su yê nyîndə̂ nə̈, tchanə̈ lâme, Ndjapä dje tchë.

Abadjângele 17:30

Praâbalë sə̂nə̈ ndə̂ akrə wûn-âbô sə̂ rə wûn-î, Ndjapä zâbo su yê pânə̈-a. Angaâtə, tche ë azü gbɛ̂ kupâ cho gbɛ̂ ndə̂kə̂ gbotə̂ bəndɨ kə̂ mbo rə ndə̂ andjê.

Abadjângele 20:21

Më ë ajuîfu la agerêke ndə̂kə̂ pa andjë gbotə̂ bəndɨ kə̂ mbo rə ndə̂ andjê, kə̂ ka pu Ndjapä ânyë kə̂ za su andjê gbɛ̂ sə̈ Gbölö Gbïɛ̈ ndə̂ azə̂ Jezü.

Fïlîpe 4:18

Më gbô arə gbɛ̂ ndə̂ nyë wân rə̂ sə̈ mê nə̂, më kä gbô rə̂ ârô masə̂nə̈. Më gbö arə ngbâ nyê tchânə̂ Ëpäfrödîte. Rə ndə̂ nyë wân rə̂ wä batə̂ yömbö ndə̂ tchâfo nə̈ fô djîrə̂, kə̈ wâ ndjë batə̂ ngâ ngela ndə̂ âdâka ânyë Ndjapä gâmba rə̂.

Kölôse 1:10

Käko äwäpä tchîsûwu ndə̂ nyê daka gbɛ̂ gundə̂sə̂ nə̈ ndə̂ Gbölö Gbïɛ̈ nyîndə̂ nə̈, ânyë nyê mbo arə ndə̂ âfû tə̂ yê. Äwäpä kə̂ wunsə̂ Ndjapä ndə̂ nyê e atə̂ tchâtchu nə̈.

Aheborö 13:21

Äfü pä Ndjapä nə̈ mbo rə̂ pä nyë watə̂ azü ndə̂ andjë mbo tchôtchô arə gbɛ̂ ndə̂ su yê nyîndə̂ nə̈! Äfü pä lə̂ köbosə̂ Jezü Krîsiti, Ndjapä mbo rə̂ pä azə̈ mbo rə ndə̂ âfû tə̂ su yê! Voga wätə̂ andə̂ yê nə̈ logbɛ̂ logbɛ̂! Amin.

Jâke 1:5

Âdə ngâ akrə ndə̂ küma yê wâbô wâ lanə̈ âwa lə̂ gbâtə̂ nyê, äwäpä tche yukû nə̈ tchânə̂ Ndjapä, ndə̂ tche kʉ rə sə̈ azü gbɛ̂ la tchôtchô su, tchê zadje rə̂ sə̈ tchë, kə̂ yuabô ma akrə nə̈ pânə̈ tee-a.

Jâke 4:3

Âdə nyê âyukû nə̈ ânyë kə̈ gbôâbô rə̂ gbô-ê, bëte nyë yûâbo kû nə̈ la köbo nə̈-a, praâbalë nyë yükû nə̈ ndə̂kə̂ ndɨ rə̂ tə̂ pö ndə̂ arə ndə̂ âtcho tə̂ nyê.

Jâke 5:16

Äwäpä nyë tosə̂ angbongbo rə ndə̂ nyê lə̂ gbâtə̂ nyê la angâ nyê, kə̂ to pö sə̈ Ndjapä bëte angâ nyê lə̂ gbâtə̂ nyê, ânyë Ndjapä tcha nyê lə̂ tə̂kömbô ndə̂ nyê. Akrə ndə̂ tche wâ djîrə̂ lə̂ la Ndjapä, ânyë kə̈ tô pö sə̈ tchë, pö nə̈ ndə̂ tche to rə̂ sə̈ Ndjapä nə̈ lâme âwa la gbôgbô ndə̂kə̂ mbo rə tə̂ gbölösə̂nə̈.

Dokʉ̈ Jâan 2:3

Âdə azə̂ âmbo rə gundə̂sə̂ andïɛ̈ ndə̂ Ndjapä, tchâme, azə̈ wunsə̂ nə̈ pä azə̈ wûnsə̂ Ndjapä nə̂.

Dokʉ̈ Jâan 5:14

Azə̈ wä ndə̂kə̂ wun tchô pu Ndjapä la su azə̂ ndə̂ âwâ gii-ï, âdə azə̂ âyukû ngâ rə tchânə̂ yê gundə̂sə̂ nə̈ ndə̂ su yê nyîndə̂ nə̈, tche dje azə̂.