Dokʉ̈ Jâan 3:2 - Mbëtï Ndjapä: TÄFO MADƗ̈

² Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Dokʉ̈ Jâan 3:2 Iomraidhean Croise

Matiyə̈ 5:8

Nyë wä la mômô, nyënyê ndə̂ nyë wâ la grôgrô su, bëte nyê wun-adje Ndjapä!

Lûke 17:30

Rə nə̈ âmbo ndjë me käko lo nə̈ ndə̂ Modô ndə̂ Akrə madje tə̂ yê lə̂ la azü.

Lûke 20:36

Andjê kä tchu bata tee-a, bëte andjë wä batə̂ aânje. Andjë wätə̂ abechë ndə̂ Ndjapä, bëte andjë jô lə̂ kuzü nə̂.

Jâan 1:12

Praâbalë azü gbɛ̂ ndə̂ andjë mbô la sə̂ yê, ânyë kə̈ zâ su andjê sə̈ tchë, tche zä köbo sə̈ andjê ndə̂kə̂ watə̂ abechë ndə̂ Ndjapä.

Jâan 11:52

Tche wâbo ndə̂kə̂ tchu kütû bëte azü gö ndə̂ ajuîfu nə̈-a, praâbalë tche wä ndjë ndə̂kə̂ tchu bëte abechë ndə̂ Ndjapä gbɛ̂ ndə̂ andjë krʉ̂ tchə̂lə̂ tə̂ andjê katchôgbɛ̂, ndə̂kə̂ pala andjê sə̂nə̈ balë.

Jâan 17:24

Bha mê, më nyïndə̂ nə̈ pä tchô ndə̂ më sə̂ tâ, andjanə̈ ndə̂ mo kʉ̂ andjê sə̈ mê, andjë sə ndjë tâ, ndə̂kə̂ pa andjë cheko golowäre ndə̂ mê ndə̂ mo zâ rə̂ sə̈ mê, bëte mo nyïndə̂ mê dokʉ̈tchê ndə̂kə̂ pa a mbo tchîsûwu.

Rômo 8:16

Kpɨ̂ki Yingö la tə̂ yê tö rə̂ sə̈ yingö ndə̂ azə̂ pä azə̈ wätə̂ abechë ndə̂ Ndjapä.

Rômo 8:18

Më wünsə̂ nə̈ pä yûkü ndə̂ azə̈ wun rə̂ angêta âtə, äwä batə̂ ngâ kpîɛ̂kpîɛ̂ rə. Âwâbo ndjë batə̂ kə̂ wa gbölö ndə̂ Ndjapä ndə̂ tchê nyiadje sə̂nə̈ sə̈ azə̂ tə̂ngâlo lâme-a.

Rômo 8:19

Arə pâ cho âtə gbɛ̂ ndə̂ Ndjapä mbô rə̂ wä la gbölö gʉ ndə̂kə̂ sə bëte lo nə̈ ndə̂ Ndjapä nyiadje sə̂ abechë ndə̂ yê kraâ ësûwu.

Rômo 8:29

Bëte azü ndə̂ Ndjapä ê andjê dokʉ̈tchê ndə̂kə̂ watə̂ azü ndə̂ yê, tche nyïkrə rə̂ tə̂ su yê dokʉ̈tchê ndə̂kə̂ mbo rə̂ ânyë andjë wa batə̂ nyîsɨ̂ Modô ndə̂ yê. Ndjapä mbö rə̂ käko ndə̂kə̂ pa Modô ndə̂ yê watə̂ âyä angbängbä azü.

Dokʉ̈ Körɛ̂nte 13:12

Ndə̂ azə̈ sə̂ âtə, azə̈ sə̈ lakə̂ wun tchô batə̂ rə̂ ndə̂ akrə wuntə̂ yê la wunla, kə̈ wûn-âbo rə nə̈ djîrə̂-a, praâbalë tə̂ngâlo, azə̂ wun-adje rə nə̈ tchâtchu azə̂. Ndə̂ azə̈ sə̂ âtə, kə̂ wunsə̂ rə ndə̂ mê wätə̂ tchâkalâ nə̈, praâbalë tə̂ngâlo, mê wun-adje sə̂ arə gbɛ̂ batə̂ rə̂ ndə̂ Ndjapä wûnsə̂ mê.

Dokʉ̈ Körɛ̂nte 15:49

Batə̂ rə̂ ndə̂ azə̈ wâtə̂ nyîsɨ̂ tchanə̈ ndə̂ Ndjapä zâ cho ânyë kə̈ mbô tchë la rə̂ lâme, azə̂ kʉadje ndjë tə̂ azə̂ la tchanə̈ ndə̂ tche tô bhâ lafô ânyë kə̈ nə̂ lâme.

Dokʉ̈ Körɛ̂nte 2:9

Praâbalë Mbëtï Ndjapä tö rə̂ päkëdə̂: «Rə ndə̂ la akrə wûn-âbô rə̂ wûn-î, rə ndə̂ tü akrə djêâbô rə̂ djê-ê, rə ndə̂ pö nə̈ wûtuabô wûtu tə̂ su akrə-ê, Ndjapä nyïkrə rə̂ gbɛ̂ bëte azü ndə̂ andjë nyîndə̂ yê.»

Bïchuû Körɛ̂nte 3:18

Azə̂ gbɛ̂ ndə̂ a jî lə̂ba tə̂ la azə̂, azü âwun golowäre ndə̂ Gbölö Gbïɛ̈ pâ la azə̂ batə̂ rə̂ ndə̂ akrə wun tchâtchu yê lə̂ wunla. Azə̈ wâ nə̂ ngbî ndə̂kə̂ pa azə̈ kʉtə̂ azə̂ la Gbölö Gbïɛ̈, ânyë golowäre ndə̂ azə̂ sə lakə̂ gêgë lə̂ köbosə̂ Gbölö Gbïɛ̈ ndə̂ tche də̂ Yingö.

Bïchuû Körɛ̂nte 4:17

Nyonyo ndə̂ azə̈ wun rə̂ angêta wä ndə̂ angâ alö ndə̂kə̂ pa änyikrə azə̂ bëte golowäre ndə̂ âwâ logbɛ̂ logbɛ̂, ndə̂ ârô masə̂nə̈.

Gälâte 3:26

Bëte nyënyê gbɛ̂ nyë wätə̂ abechë ndə̂ Ndjapä lə̂ köbosə̂ kə̂ za su nyê sə̈ Jezü Krîsiti.

Gälâte 4:6

Nyë wätə̂ abechë ndə̂ yê tə̂ lëge nə̈, Ndjapä wän Yingö ndə̂ Modô ndə̂ yê lə̂ su azə̂ ndə̂ âon päkëdə̂: «Aba!», ndə̂ ânyîndə̂ kə̂ to rə̂ päkëdə̂: «Bha!».

Fïlîpe 3:21

Tchê mboadje rə̂ pä tə̂ azə̂ ndə̂ ganô âtə wa batə̂ tə̂ yê ndə̂ tchêlafô. Lə̂ köbosə̂ gbôgbô ndə̂ yê, ndə̂ âmbo rə̂ pä tche kʉ arə gbɛ̂ tchâtchâ kümändëmä ndə̂ yê.

Kölôse 3:4

Krîsiti wätə̂ tchîsûwu ndə̂ nyê. Tə̂ lo nə̈ ndə̂ tche ka, nyê wutuadje la tchë balë ndə̂kə̂ sə la tchë lə̂kə̂ wa gbölö ndə̂ yê.

Aheborö 9:28

Batə̂ rə̂ ndə̂, Krîsiti zâtə̂ yê la ngela sûsunə̈ balë ndə̂kə̂ djutu angbongbo rə ndə̂ angbängbä azü, tchê kadje ngbâ yê tə̂ bïchuû nə̈ ndə̂kə̂ tcha azü ndə̂ andjë krʉ̂ bëte tchë, âdə bata ndə̂kə̂ djutu ngbongbo rə ndə̂ andjê-a.

Bïchuû Pîêre 1:4

Lə̂ köbosə̂ arə nə̈ lâme kä ndə̂ Ndjapä kʉ̂ atchôtchô arə ndə̂ gbölö ngîrî sə̈ azə̂ ndə̂ tche zâ bâlâ tə̂ pö ndə̂nə̈ alême. Käko ndə̂ nyê âsə̈ gbo rə̂, âmbo rə̂ pä nyë kpe tə̂ köbo agʉ arə tchêbêche âtə ndə̂ ândɨ azü. Käko kä ndə̂, kə̂ sə ndə̂ nyê kʉtə̂ yê la andə̂ Ndjapä.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Dokʉ̈ Jâan 2:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.

Dokʉ̈ Jâan 3:1

Nyë wünsa kə̂ nyində̂ azə̂ ndə̂ Bha nyîndə̂ azə̂! Tche nyïndə̂ azə̂ tə̂ gbölösə̂nə̈, ndə̂kə̂ pa a e rə̂ tə̂ azə̂ pä abechë ndə̂ Ndjapä, tə̂ lëge nə̈ azə̈ wätə̂ abechë ndə̂ yê. Âdə tchêbêche âtə âwûn-âbo sə̂ azə̂ wûn-î, bëte âwûn-âbo sə̂ Ndjapä balë-a.

Dokʉ̈ Jâan 3:10

Rə ndə̂ âkrʉ̂ tchə̂lə̂ gûtə̂ abechë ndə̂ Ndjapä la abechë ndə̂ Jâbolo wä kâkë: Akrə ndə̂ tche mbôâbô djîrə̂ rə mbô-ê, ânyë kə̈ nyîâbô nyîndə̂ angâ yê, dëkë tche wâbo tə̂ bechë ndə̂ Ndjapä-a.

Dokʉ̈ Jâan 3:21

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə su azə̂ âwabô ngbanga wâ lə̂ küma azə̂, su azə̂ kä gii pâ Ndjapä.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Apökälîbïchi 2:28

«Batə̂ rə̂ ndə̂ mëmê ndjë gbɛ̂ më gbô kümändëmä tchânə̂ Bha mê, mê zadje ndjamunu sə̈ tchë.

Apökälîbïchi 22:4

Andjê wun-adje tchâtchu yê ânyë a mboadje rə̈ yê pâ la andjê.