Dokʉ̈ Jâan 3:19 - Mbëtï Ndjapä: TÄFO MADƗ̈

¹⁹ Käko kä ndə̂ azə̈ wun-adje sə̂nə̈ pä azə̈ də̈ azü ndə̂ lëge pö, ânyë su azə̂ wadje gii tchâtchu Ndjapä.

Dokʉ̈ Jâan 3:19 Iomraidhean Croise

Jâan 13:35

Âdə nyê ânyində̂ angâ nyê lə̂ gbâtə̂ nyê, käko azü gbɛ̂ wun-adje sə̂nə̈ pä nyë wätə̂ adjisîpili ndə̂ mê.»

Jâan 18:37

Käko Pïlâte tô rə̂ sə̈ tchë päkëdə̂: «Mo wätə̂ gbïɛ̈?» Jezü tô rə̂ ndə̂nə̈ sə̈ tchë päkëdə̂: «Momö kä ndə̂ âtô rə̂ pä më wätə̂ gbïɛ̈. A zɨ̈ mê ânyë më nə̂ atə̂ bêche âtə ndə̂kə̂ nyisə̂ lëge pö sə̈ azü. Akrə ndə̂ tche wâtə̂ akrə ndə̂ lëge pö, tche djë ma mê.»

Rômo 4:21

Tche wûnsə̂ nə̈ nə̂ tə̂ lëge nə̈ bhâtə̂ su yê pä rə ndə̂ Ndjapä zâ bâlâ nə̈, tche kä la gbôgbô ndə̂kə̂ mbo rə̂.

Rômo 8:38

Tə̂ lëge nə̈, më wûnsə̂ nə̈ nə̂ pä ngâ rə ndə̂kə̂ krʉ tchə̂lə̂ azə̂ la Krîsiti wâbo-a: Âdə̂âbo kuzü-a, âdə̂âbo rə̂ ndə̂ azə̈ wâ la tʉ̈rʉ̂ la azə̂-a, âdə̂âbo aânje-a, âdə̂âbo agbôgbô yingö ndə̂ andjë wâ la gbôgbô lə̂ yi-a, âdə̂âbo arə ndə̂ tchô angêta âdəndjë arə ndə̂ tchô lâmbo-a,

Bïchuû Timotë 1:12

Bëte rə̂ kä ndə̂ mê rʉ̂âtə̂ su mê lə̂ arə yûkü. Praâbalë ganô mbôâbo mê-a, bëte më wünsə̂ akrə ndə̂ më zâ su mê sə̈ tchë. Më wünsə̂ nə̈ tə̂ lëge nə̈ pä tche kä la kümändëmä ndə̂kə̂ bata rə ndə̂ tche gbôtâ ëtchânə̂ mê zoo ëtə̂ lo nə̈ lâme.

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Aheborö 11:13

Lə̂ köbosə̂ kə̂ za su sə̈ Ndjapä, azü lâme gbɛ̂ ndə̂ gbô andjê ndə̂po pâ su andjê ndə̂ andjë zâ rə̂ sə̈ Ndjapä, andjë tchû-î, kə̈ gbôâbo rə ndə̂ Ndjapä zâ bâlâ nə̈ lâme-a. Praâbalë andjë wûn rə̂ ndə̂ gbô rə̂ wâ ngrɨ̈, kə̈ wâ la mômô tə̂ pö ndə̂nə̈. Tchâme kä ndə̂ andjë wûnsə̂ nə̈ tə̂ lëge nə̈ pä anyë də̈ azü ndə̂ ngâ gö ngbî la a-earə̂ wrʉ̂ kupâ cho âtə.

Dokʉ̈ Jâan 1:8

Âdə azə̂ âto rə̂ pä ngbongbo rə wâbo lə̂ azə̂-a, dëkë azə̈ bölotə̂ azə̂ la tə̂ azə̂, lëge pö wâbo lə̂ azə̂-a.

Dokʉ̈ Jâan 2:21

Mbëtï ndə̂ më mbô rə̂ sə̈ nyê âtə, nyîâbo sə̂nə̈ pä nyë wûn-âbo sə̂ lëge pö nə̂-a, praâbalë më mbö rə̂ bëte nyë wûnsə̂ lëge pö nə̂. Nyë wûn ndjë sə̂nə̈ nə̂ pä ngâ pö yepa balë wûtuabô lə̂ lëge pö-a.

Dokʉ̈ Jâan 3:14

Azə̈ wûnsə̂ nə̈ nə̂ pä azə̈ rô lə̂ kuzü nə̂, ânyë kə̈ wâ la tchîsûwu, bëte rə̂ ndə̂ azə̈ nyîndə̂ angâ azə̂. Akrə ndə̂ tche nyîâbô nyîndə̂ ngâ yê, dëkë gbô tchë kä lə̂ kuzü.

Dokʉ̈ Jâan 3:20

Bëte âdə su azə̂ âwa ngbanga lə̂ küma azə̂, Ndjapä wä gbölö kə̈ rô su azə̂, tche wünsə̂ rə gbɛ̂.

Dokʉ̈ Jâan 3:21

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə su azə̂ âwabô ngbanga wâ lə̂ küma azə̂, su azə̂ kä gii pâ Ndjapä.