Dokʉ̈ Jâan 3:16 - Mbëtï Ndjapä: TÄFO MADƗ̈

¹⁶ Rə ndə̂ azə̈ wunsə̂ kə̂ nyində̂ ngâ la rə̂ wä kâkë: Jezü zä tchîsûwu ndə̂ yê bëte azə̂. Azəzə̂ ndjë gbɛ̂, äwäpä azə̈ za tchîsûwu ndə̂ azə̂ bëte angâ azə̂.

Dokʉ̈ Jâan 3:16 Iomraidhean Croise

Matiyə̈ 20:28

Ârə̂ kä ndə̂ Modô ndə̂ Akrə nə̂âbo ndə̂kə̂ pa azü mbo kua sə̈ tchë-a, praâbalë tche nə̈ ndə̂kə̂ mbo kua sə̈ azü lakə̂ zatə̂ yê sə̈ kuzü ndə̂kə̂ ji angbängbä azü lə̂ ngbongbo rə ndə̂ andjê.»

Jâan 10:11

Më wätə̂ tchôtchô earə̂ kə̂ bata aɛ̈bro-ngbaga. Tchôtchô earə̂ kə̂ bata aɛ̈bro-ngbaga gbötə̂ tchîsûwu ndə̂ yê bëte aɛ̈bro-ngbaga ndə̂ yê.

Jâan 10:15

batə̂ rə̂ ndə̂ Bha mê wûnsə̂ mê, ânyë më wûn ndjë sə̂ Bha mê. Më gbötə̂ tchîsûwu ndə̂ mê bëte aɛ̈bro-ngbaga ndə̂ mê.

Jâan 13:34

Më âza ngâ täfo ndïɛ̈ sə̈ nyê, äwäpä nyë nyïndə̂ angâ nyê lə̂ gbâtə̂ nyê. Batə̂ rə̂ ndə̂ më nyîndə̂ nyê, äwäpä nyë nyïndə̂ angâ nyê lə̂ gbâtə̂ nyê.

Jâan 3:16

Bëte Ndjapä nyïndə̂ azü tchêbêche âtə tə̂ gbölösə̂nə̈, ânyë kə̈ zâ gbokôngô Modô ndə̂ yê, ndə̂kə̂ pa akrə balë balë ndə̂ tche za su yê sə̈ tchë, tchê tchuabô tee-a, praâbalë tche kä la tchîsûwu ndə̂ logbɛ̂ logbɛ̂.

Abadjângele 20:28

La nyê gbö tə̂ kə̂ sə ndə̂ nyê, aɛ̈bro-ngbaga ndə̂ Kpɨ̂ki Yingö gbôtə̂ andjê tchânə̂ nyê lâme, nyë bäta andjê djîrə̂. Nyë bäta azü ndə̂ Egilîze ndə̂ Ndjapä yô andjê lə̂ köbosə̂ jï yê la tə̂ yê lâme.

Rômo 16:4

Atchâklêtchâ, andjë tchû bëte mê lo nə̈ ndə̂ andjë nyîndə̂ kə̂ tcha mê lə̂ kuzü. Âdə̂âbo kütû mê kä ndə̂ âzâ ayîabâ sə̈ andjê-a. Praâbalë a-Egilîze gbɛ̂ ndə̂ azü nə̈ wâbô wâtə̂ ajuîfu.

Rômo 5:8

Praâbalë Ndjapä nyïsə̂ köbo ndə̂ tche nyîndə̂ azə̂ kâkë: Ndə̂ gbô azə̂ ndə̂po tə̂ a-earə̂ ngbongbo rə, Jezü Krîsiti tchû bëte azə̂.

Bïchuû Körɛ̂nte 4:12

Lə̂ köbosə̂ nə̈ kä ndə̂ kuzü sə̂ lakə̂ mbo kua lə̂ tə̂ ârâ, praâbalë andə̂ nye nə̈, tchîsûwu kä ndə̂ âmbo kua lə̂ nyê.

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Ëfêze 5:25

Aköchë, nyë nyïndə̂ aɛ̈chë ndə̂ nyê batə̂ rə̂ ndə̂ Krîsiti nyîndə̂ Egilîze ânyë kə̈ zâ tchîsûwu ndə̂ yê bëte rə̂.

Fïlîpe 2:17

Âdə jï mê âwa ndə̂kə̂ tu batə̂ ngâ ngela ndə̂ nyë wâ rə̂ sə̂ Ndjapä lə̂kə̂ mbo kua ndə̂ Ndjapä ndə̂ nyê, më wä la mômô ânyë azə̈ la nyê gbɛ̂ wa la mômô.

Fïlîpe 2:30

bëte tche wä tchêtchêtchê ndə̂kə̂ tchu bëte kua ndə̂ Krîsiti. Atchâklêtchâ tche tchû bëte kua ndə̂ Krîsiti. Tche yösə̂ tə̂ yê sə̈ kuzü, ânyë kə̈ mbô rə̂ la mê lə̂ kpâlâ nyê, ndə̂ köbo wâbô wâ ndə̂kə̂ pa nyë mbo rə̂-ê.

Dokʉ̈ Tësälönîke 2:8

Tə̂ pö ndə̂nə̈ ndə̂ ârâ nyîndə̂ nyê tə̂ gbölösə̂nə̈, ârâ nyîâbo ndə̂kə̂ mu kütû Tchôtchô Pö balë sə̈ nyê-a, praâbalë ârâ nyï ndjë ndə̂kə̂ za tchîsûwu ndə̂ ârâ la kuzü bëte nyê, bëte nyë də̈ azü ndə̂ pö ndə̂ nyê kʉ̂ ârâ tə̂ gbölösə̂nə̈!

Tîte 2:13

Azə̈ mbö tâ käko ndə̂kə̂ krʉ bëte tchôtchô lö ndə̂ su azə̂ wâ pânə̈ lâme. Sə̂nə̈ lâme kä ndə̂ azə̂ wun-adje golowäre ndə̂ Gbölö Ndjapä ndə̂ azə̂, la Jezü Krîsiti Earə̂ kə̂ tcha azə̂.

Dokʉ̈ Pîêre 1:18

Kə̂ mbo rə ndə̂ nyê gundə̂sə̂ araâta nyê lâme, nyë gbôâbo ngâ tchôtchô rə balë ngbânə̈-a. Nyë wûnsə̂ nə̈ nə̂ pä Ndjapä jîâbo nyê lə̂ köbosə̂ rə ndə̂ âwâ ndə̂kə̂ ndɨ̂ndɨ̈ batə̂ makətche âdəndjë lôlo-a.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Jâan 2:6

Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.

Dokʉ̈ Jâan 2:9

Akrə ndə̂ tche tô rə̂ pä anyë kä lə̂ ngbänga, ânyë kə̈ kôsə̂ ngâ yê, dëkë gbô tchë kä po lə̂ bübü tchô.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,

Apökälîbïchi 5:9

Andjë sə̈ lakə̂ pa ngâ täfo düwü päkëdə̂: «Mo kʉ̈sə̂ kə̂ za mbëtï nə̈ kə̂ on mênde nə̈ bëte a wôn mö alême nə̂. Mo yösə̂ azü sə̈ Ndjapä lə̂ köbosə̂ jï zə̈, azü nə̈ ndə̂ mo yôsə̂ andjê lâme də̈ azü pâ amawo gbɛ̂, ama gö gbɛ̂, azü gö gbɛ̂ la azü ndə̂ agö ngbî.