Dokʉ̈ Jâan 3:15 - Mbëtï Ndjapä: TÄFO MADƗ̈

¹⁵ Akrə ndə̂ tche kôsə̂ ngâ yê, dëkë tche wätə̂ earə̂ kə̂ won akrə. Nyë wûnsə̂ nə̈ nə̂ pä ngâ earə̂ kə̂ won akrə balë wâbo la tchîsûwu ndə̂ logbɛ̂ logbɛ̂ lə̂ yê-a.

Dokʉ̈ Jâan 3:15 Iomraidhean Croise

Matiyə̈ 5:28

Mëmê ndə̂ me nə̈, më tö rə̂ sə̈ nyê päkëdə̂: Akrə ndə̂ tche wûn ɛ̈chë ndə̂ ngâ yê, ânyë kə̈ mbô gʉ yê, dëkë tche pû ɛ̈chë nə̈ bhâlə̂ su yê nə̂.

Mâreke 6:19

Käko su Hërödîâde kôsə̂ Jâan-Batîse ânyë tche nyîndə̂ kə̂ won tchë, praâbalë tche wâbo la gbôgbô ndə̂kə̂ mbo rə̂-a.

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Abadjângele 23:12

Ndə̂ tchô krâ, angâ ajuîfu pâlatə̂ andjê kə̈ nyikrə pö, andjë dëba pä anyê kä zɨ bata kɨ̈zɨ̂ tee-a, âdəndjë ndə̂kə̂ ndjo ngû-a, zoo kə̂ won Pôlo ânyë.

Abadjângele 23:14

Andjë ê kə̈ wûn agbölö a-earə̂ kə̂ wa ngela sə̈ Ndjapä la akpôkpô azü, kə̈ tô rə̂ päkëdə̂: «Ârâ dëba lə̂ la Ndjapä pä ârâ zɨ bata kɨ̈zɨ̂ tee-a, âdəndjë ndə̂kə̂ ndjo ngû-a, zoo kə̂ won Pôlo ânyë.

Jâke 1:15

Pânə̈ âdə gʉ su yê nə̈ âza güzu nə̂, kə̂ zɨ ngbongbo rə ësûwu, ânyë ngbongbo rə nə̈ âge nə̂, kə̂ zɨ kuzü.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Jâan 2:11

Praâbalë akrə ndə̂ tche kôsə̂ ngâ yê, tche kä lə̂ bübü tchô, kə̈ wûn-âbo sə̂ tchô ndə̂ tche e tâ-a, bëte bübü tchô nə̈ mbô tchë nə̂ tə̂ earə̂ föla.

Dokʉ̈ Jâan 2:9

Akrə ndə̂ tche tô rə̂ pä anyë kä lə̂ ngbänga, ânyë kə̈ kôsə̂ ngâ yê, dëkë gbô tchë kä po lə̂ bübü tchô.

Apökälîbïchi 21:8

Andə̂ a-earə̂ gbugbu la azü ndə̂ andjë zâbô su andjê zâ sə̈ Ndjapä la a-earə̂ ngbongbo rə la a-earə̂ kə̂ won tchô la a-earə̂ kə̂ pu aɛ̈chë âdəndjë aköchë katchôgbɛ̂ la a-earə̂ yëwä la a-earə̂ kə̂ voga angakʉ̈lä la a-earə̂ yepa gbɛ̂; tchô ndə̂ andjê kä bhâlə̂ gbölö tïmï wo ndə̂ sûfre, ndə̂ âwâtə̂ bïchuû kuzü.»