Dokʉ̈ Jâan 3:13 - Mbëtï Ndjapä: TÄFO MADƗ̈

¹³ Arə̂mâ ndə̂ mê, âdə azü tchêbêche âtə âkosə̂ nyê, tchə̂lə̂ küma nyê djïngɨliabô djîngɨli-î.

Dokʉ̈ Jâan 3:13 Iomraidhean Croise

Matiyə̈ 10:22

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉ̂âtə̂ su yê ndjoa ëtə̂ manə̈ tchê tchadje lə̂ kuzü.

Matiyə̈ 24:9

Käko azü âyoadje sə̂ nyê ëtchânə̂ angâ azü ndə̂kə̂ pa andjë mbo nyê la yûkü, kə̂ won-adje nyê. Azü gbɛ̂ ndə̂ andjë wâbô wâtə̂ ajuîfu koadje sə̂ nyê bëte mê.

Mâreke 13:13

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉatə̂ su yê ndjoa ëtə̂ manə̈, tchê tchadje lə̂ kuzü.»

Lûke 21:17

Azü gbɛ̂ âkoadje sə̂ nyê bëte mê.

Lûke 6:22

Nyë kä la mômô, âdə azü âkosə̂ nyê, kə̂ gro nyê, kə̂ dro nyê, kə̂ to ngbongbo pö la rə̈ nyê bëte Modô ndə̂ Akrə!

Jâan 16:2

Bëte andjê groadje nyê lə̂ anda kə̂ voga Ndjapä. Pânə̈ lo nə̈ wutuadje ndə̂ andjanə̈ ndə̂ andjë won nyê toadje rə̂ bhâtə̂ su andjê pä, kua ndə̂ Ndjapä kä ndə̂ anyë mbô rə̂ lâme.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Jâan 17:14

Më zä pö ndə̂ zə̈ sə̈ andjê ânyë azü tchêbêche kôsə̂ andjê, bëte andjë wâbo tə̂ azü tchêbêche âtə-a, batə̂ rə̂ ndə̂ mëmê ndjë gbɛ̂ më wâbô wâtə̂ akrə tchêbêche âtə-ê.

Jâan 3:7

Tchə̂lə̂ küma zə̈ djïngɨliabô djîngɨli bëte rə̂ ndə̂ më tô rə̂ sə̈ mö pä: ‹Äwäpä a ka zɨ nyê tə̂ täfo nə̈ lâme.›

Jâan 7:7

Azü tchêbêche âtə wâbo ndə̂kə̂ kosə̂ nyê-a, andə̂ me nə̈, andjë kösə̂ mê, bëte më tö pö pâ andjê pä, akua ndə̂ andjë mbo rə̂ wätə̂ ngbongbo nə̈.

Abadjângele 3:12

Ndə̂ Pîêre wûn rə̂ käko, tche tô rə̂ sə̈ kpûlû azü nə̈ päkëdə̂: «Azü ndə̂ Isarayële, bëte giamâ kä ndə̂ tchə̂lə̂ küma nyê djîngɨli pâ rə ndə̂ âmbô âtə? Nyë sə̈ lakə̂ wun ârâ gbôgbôgbô käko bëte giamâ? Nyë wûntî pä köchë ndə̂ tche nə̂ lâme, ârâ kä ndə̂ âmbô rə̂ la gbôgbô ndə̂ ârâ pä tche nə? Âdəndjë rə̂ ndə̂ ârâ zâtə̂ ârâ gbɛ̂ sə̈ Ndjapä kä?

Rômo 8:7

Azü ndə̂ su andjê wâ kütû pâ angbongbo gʉ su andjê, andjë kösə̂ Ndjapä. Andjë kösə̂ kə̂ mbo rə gundə̂sə̂ ndïɛ̈ ndə̂ Ndjapä. Andjë wâbo ndjë ndə̂kə̂ mbo rə̂-a.

Bïchuû Timotë 3:12

Tə̂ lëge nə̈, azü gbɛ̂ ndə̂ andjë nyîndə̂ kə̂ zâtə̂ andjê gbɛ̂ sə̈ Ndjapä ânyë kə̈ nyîndə̂ kə̂ wa balë la Jezü Krîsiti, a âmboadje andjê la yûkü.

Jâke 4:4

Nyënyê ndə̂ nyë wâ batə̂ azü ndə̂ andjë pu aɛ̈chë âdəndjë aköchë ndə̂ angâ andjê âtə! Nyë wûn-âbo sə̂nə̈ pä akrə ndə̂ tche zâ agü la tchêbêche âtə, tche wätə̂ akrə ndə̂ tche kôsə̂ Ndjapä? Akrə ndə̂ tche nyîndə̂ kə̂ za agü la tchêbêche âtə, dëkë tche wâ nə̂ tə̂ akrə ndə̂ tche kôsə̂ Ndjapä.

Apökälîbïchi 17:7

Ânje nə̈ kâ tô rə̂ sə̈ mê päkëdə̂: «Tchə̂lə̂ küma zə̈ djïngɨli bëte giamâ? Mê toadje pö lə̂ küwû ndə̂ ɛ̈chë nə̈ lâme sə̈ mö, la andə̂ gia ndə̂ aküma yê wâ mïndûu manə̈ bïchuû la adudu yê lə̂ könô gbɛ̂ lâme.