Dokʉ̈ Jâan 3:12 - Mbëtï Ndjapä: TÄFO MADƗ̈

¹² Azə̈ mböäbô rə mbô batə̂ Käyîne, ndə̂ tche wâtə̂ akrə ndə̂ Ngbongbo akrə, ânyë kə̈ wôn yîngâ yê lâme. Tche wön tchë bëte giamâ? Bëte kua ndə̂ Käyîne wätə̂ ngbongbo nə̈, ânyë andə̂ yîngâ yê wâtə̂ djîrə̂ nə̈.

Dokʉ̈ Jâan 3:12 Iomraidhean Croise

Matiyə̈ 13:19

Azü ndə̂ andjë dje pö ndə̂ Gbölö gö-gbïɛ̈ ndə̂ tchêlafô ânyë kə̂ djeabô tchə̂lə̂ nə̈ djê, andjë wä batə̂ tchô ndroma köbo ndə̂ ndjî rəgʉ tu tâ. Ngbongbo akrə nə̂, ânyë kə̈ krʉ̂a rə ndə̂ a lû rə̂ lə̂ su azü nə̈.

Matiyə̈ 13:38

Kɨ̈ndɨ̈ nə̈ wätə̂ tchêbêche âtə. Atchôtchô ndjî rəgʉ nə̈ də̈ azü ndə̂ Gbölö gö-gbïɛ̈ ndə̂ Ndjapä. Angbongbo bë nə̈ wätə̂ azü ndə̂ Ngbongbo akrə.

Matiyə̈ 23:35

Käko-ë, ngbanga ndə̂ jï adjîrə̂ azü ndə̂ nyë wôn andjê lâme äkä lə̂ küma nyê. Ätö tə̂ Äbêle, djîrə̂ akrə, balë akrə nə̈ də̈ Zakarï modô ndə̂ Bärâchi ndə̂ nyë wôn tchë lə̂ gbâtə̂ tchô ndə̂ âfû gbɛ̂ la gbalâka ndə̂ a wa ngela pânə̈ lə̂ gbölö nda Ndjapä.

Matiyə̈ 27:23

Pïlâte kä yû andjê päkëdə̂: «Ngbongbo rə giamâ kä ndə̂ tche mbô rə̂.» Praâbalë andjë sə̂ lakə̂ ta wârə̂ päkëdə̂: «Amö won tchë tə̂ yö ndə̂ gba!»

Matiyə̈ 5:37

Âdə nyë âsə̈ to pö, äwäpä pö ma nyê wa kütû balë: ‹Ɛn-ɛn, pö nə̈ kä›, âdəndjë ‹ɛ̂n-ɛ̈n, pö nə̈ də̂âbo rə̂ lâme-a.› Pö gbɛ̂ ndə̂ nyê to rə̂ pâ anə̈ lâme, ätö dəndə̂ Ngbongbo akrə.»

Lûke 11:51

Ätö tə̂ kuzü Äbêle ndjoa ëtə̂ kuzü Zakarï ndə̂ a wôn tchë lə̂ gbâtə̂ gbalâka-ngela la tchô ndə̂ âdâka gbɛ̂ lə̂ gbölö nda Ndjapä. Ɛn-ɛn, tə̂ lëge nə̈ më tö rə̂ sə̈ nyê, Ndjapä âwadje ngbanga pa azü ndə̂ tchô angêta bëte azü ndə̂ a wôn andjê lâme.

Jâan 10:32

Jezü tô rə̂ sə̈ andjê päkëdə̂: «Më nyïsə̂ atchôtchô kua tə̂ gbölösə̂nə̈ ndə̂ âtô dəndə̂ Bha mê. Anə̈bâ lə̂ gbâtə̂ akua nə̈ lâme kä ndə̂ nyë nyîndə̂ kə̂ nye mê la täme tə̂ pö ndə̂nə̈?»

Jâan 8:40

Praâbalë angaâtə nyë kä lakə̂ pu köbo ndə̂kə̂ won mê, mëmê ndə̂ më tô lëge pö sə̈ nyê, ndə̂ më djê rə̂ dəndə̂ Ndjapä. Abrahâmo mbôâbo tə̂ ngâ rə käko-a.

Jâan 8:41

Praâbalë nyënyê, nyë mbö kua ndə̂ bha nyê.» Andjë tô rə̂ ndə̂nə̈ sə̈ tchë päkëdə̂: «Ârâ wâbo tə̂ abechë ndə̂ a zɨ̂ andjê də sûwu-a, ârâ wä kütû la Bha ârâ balë, tche də̈ Ndjapä.»

Abadjângele 7:52

Earə̂ ndə̂ma Ndjapä nə̈bâ kä ndə̂ araâta nyê mbôâbô gbôgbô mbô tə̂ yê? Araâta nyê wön azü ndə̂ andjë tô pö ndə̂kə̂ nə ndə̂ djîrə̂ akrə alême. Angaâtə, nyënyê kä ndə̂ âyôsə̂ djîrə̂ akrə nə̈ ânyë andjë wôn tchë!

Dokʉ̈ Tësälönîke 2:14

Käko arə̂mä, kə̂ mbo rə ndə̂ nyê wä batə̂ andə̂ azü ndə̂ a-Egilîze ndə̂ andjë sə̂ bhâ Judë, andjanə̈ ndə̂ andjë wâ balë la Jezü Krîsiti lâme, bëte nyë wün ndjë yûkü tchânə̂ azü gö ndə̂ nyê la tə̂ nyê batə̂ rə̂ ndə̂ azü ndə̂ a-Egilîze ndə̂ Judë wûn yûkü tchânə̂ ajuîfu.

Aheborö 11:4

Lə̂ köbosə̂ kə̂ za su sə̈ Ndjapä, Äbêle zâ ngela sə̈ Ndjapä ndə̂ âdâka tə̂ andə̂ Käyîne. Lə̂ köbosə̂ kə̂ za su yê nə̈, Ndjapä dɨ̂ tchë tə̂ djîrə̂ akrə, bëte Ndjapä la tə̂ yê nyïndə̂ arə ndə̂ tche kʉ̂ rə̂. Lə̂ köbosə̂ kə̂ za su yê sə̈ Ndjapä, ndə̂ Äbêle tchû, gbô tchë kä lakə̂ to pö la tchô angêta.

Aheborö 12:24

Nyë gîtə̂ nyê nə̂ ndola Jezü ndə̂ tche də̂ earə̂ kə̂ nyîkrə tchôtchô kə̂ sə lə̂ gbâtə̂ azü la Ndjapä, lə̂ köbosə̂ Täfo Madɨ̈, la jï yê ndə̂ âtû bëte azü ânyë kə̈ tô pö ârô andə̂ jï Äbêle.

Dokʉ̈ Pîêre 4:4

Angaâtə, âdə andjê âwun nyê ndə̂ nyë kä ngbôâbo tə̂ nyê ngbô la andjê ndə̂kə̂ pu aɛ̈chë âdəndjë aköchë katchôgbɛ̂, tchə̂lə̂ küma andjê âdjingɨli, ânyë andjë sə lakə̂ dro nyê.

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Jûde 1:11

Nyonyo kä tə̂ andjê! Bëte andjë zä köbo ngbâ Käyîne, bëte pö ndə̂ makətche, andjë tchä köbo batə̂ Bälâme, andjë tchü bëte andjë älafô la pö batə̂ azü ndə̂ Korë.

Apökälîbïchi 17:6

Më kâ wûn ɛ̈chë lâme ndə̂ tche ndjô jï azü, ânyë âmbô tchë batə̂ pî. Azü nə̈ lâme də̈ azü ndə̂ andjë wâ ngbî bëte Ndjapä, la azü ndə̂ andjë wûnsə̂ pö pâ Jezü ânyë kə̈ mû rə̂. Lakə̂ wun tchë käko, tchə̂lə̂ küma mê djîngɨli-î.