Dokʉ̈ Jâan 3:10 - Mbëtï Ndjapä: TÄFO MADƗ̈

¹⁰ Rə ndə̂ âkrʉ̂ tchə̂lə̂ gûtə̂ abechë ndə̂ Ndjapä la abechë ndə̂ Jâbolo wä kâkë: Akrə ndə̂ tche mbôâbô djîrə̂ rə mbô-ê, ânyë kə̈ nyîâbô nyîndə̂ angâ yê, dëkë tche wâbo tə̂ bechë ndə̂ Ndjapä-a.

Dokʉ̈ Jâan 3:10 Iomraidhean Croise

Matiyə̈ 13:38

Kɨ̈ndɨ̈ nə̈ wätə̂ tchêbêche âtə. Atchôtchô ndjî rəgʉ nə̈ də̈ azü ndə̂ Gbölö gö-gbïɛ̈ ndə̂ Ndjapä. Angbongbo bë nə̈ wätə̂ azü ndə̂ Ngbongbo akrə.

Lûke 6:35

Praâbalë awäpä nyë nyində̂ azü ndə̂ andjë kôsə̂ nyê, nyë mbö dâkâ, nyë mbö geda, kə̂ yuabô kû nə̈ yû-î pä a gi rə̂ sə̈ nyê ëngbânə̈-ê. Nyê gboadje ngâ gbölö tchôtchô rə ngbânə̈, kə̂ wadje tə̂ abechë ndə̂ Ndjapä ndə̂ tche sə̂ bhâ lafô. Bëte Ndjapä mbö dâkâ tə̂ azü ndə̂ andjë wûn-âbo sə̂kə̂ za ayîabâ wûn-î, la angbongbo azü.

Jâan 1:12

Praâbalë azü gbɛ̂ ndə̂ andjë mbô la sə̂ yê, ânyë kə̈ zâ su andjê sə̈ tchë, tche zä köbo sə̈ andjê ndə̂kə̂ watə̂ abechë ndə̂ Ndjapä.

Jâan 11:52

Tche wâbo ndə̂kə̂ tchu kütû bëte azü gö ndə̂ ajuîfu nə̈-a, praâbalë tche wä ndjë ndə̂kə̂ tchu bëte abechë ndə̂ Ndjapä gbɛ̂ ndə̂ andjë krʉ̂ tchə̂lə̂ tə̂ andjê katchôgbɛ̂, ndə̂kə̂ pala andjê sə̂nə̈ balë.

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Jâan 8:47

Akrə ndə̂ tche wâtə̂ tchandə̂ Ndjapä, tche djë apö ndə̂ Ndjapä. Âdə nyê âdjeabô apö ndə̂ mê djê-ê, dëkë nyë wâbo tə̂ azü ndə̂ Ndjapä-a.»

Abadjângele 13:10

kə̈ tô rə̂ sə̈ tchë päkëdə̂: «Momö, ndə̂ kə̂ bolo azü la yepa sɨ̂sɨ̈ lə̂ zə̈ âtə, modô ndə̂ Jâbolo, mo kïtə̂ köbo tə̂ djîrə̂ rə. Dalatchêbâ kä ndə̂ mo gbotə̂ kə̂ ndɨ tchə̂lə̂ köbo Gbölö Gbïɛ̈ ndə̂ âwâ gbêwôn lâme?

Rômo 13:8

Âwâbo pä ngâ geda ndə̂ akrə balë wa lə̂ küma nyê-a. Praâbalë kütû geda ndə̂kə̂ nyində̂ angâ nyê lə̂ gbâtə̂ nyê. Akrə ndə̂ tche nyîndə̂ angâ yê, tche mbö arə gbɛ̂ ndə̂ ndïɛ̈ yûkû nə̈.

Ëfêze 5:1

Nyë mbö rə batə̂ Ndjapä bëte nyë də̈ abechë ndə̂ tche nyîndə̂ nyê.

Kölôse 3:14

Rə ndə̂ ârô adɨ̂ arə nə̈ də̈ kə̂ nyində̂ ngâ, ndə̂ âdə̂ rə ndə̂ âpala azü ëtâ djîrə̂.

Dokʉ̈ Timotë 1:5

Dju kə̂ zama ndə̂ më zâ rə̂ sə̈ mö lâme wä ndə̂kə̂ pa andjë nyində̂ angâ andjê lə̂ köbosə̂ grôgrô su, la tchôtchô kə̂ rɨ tchə̂lə̂ su, la lëge kə̂ za su sə̈ Ndjapä.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 3:1

Nyë wünsa kə̂ nyində̂ azə̂ ndə̂ Bha nyîndə̂ azə̂! Tche nyïndə̂ azə̂ tə̂ gbölösə̂nə̈, ndə̂kə̂ pa a e rə̂ tə̂ azə̂ pä abechë ndə̂ Ndjapä, tə̂ lëge nə̈ azə̈ wätə̂ abechë ndə̂ yê. Âdə tchêbêche âtə âwûn-âbo sə̂ azə̂ wûn-î, bëte âwûn-âbo sə̂ Ndjapä balë-a.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Dokʉ̈ Jâan 4:21

Ndïɛ̈ ndə̂ Krîsiti zâ rə̂ sə̈ azə̂ wä kâkë: Akrə ndə̂ tche nyîndə̂ Ndjapä, äwäpä tche nyi ndjë ndə̂ ngâ yê.

Dokʉ̈ Jâan 4:6

Praâbalë andə̂ azə̈ nə̈, azə̈ wätə̂ azü ndə̂ Ndjapä. Akrə ndə̂ tche wûnsə̂ Ndjapä, tche djë azə̂. Praâbalë akrə ndə̂ tche wâbô wâtə̂ akrə ndə̂ Ndjapä, tche djêâbo azə̂-a. Käko kä ndə̂ azə̈ wunsə̂ kə̂ krʉ tchə̂lə̂ Yingö ndə̂ lëge pö la yingö ndə̂ ânyisə̂ ngbongbo köbo.

Dokʉ̈ Jâan 4:8

Akrə ndə̂ tche nyîâbô nyîndə̂ ngâ yê, dëkë tche wûn-âbo sə̂ Ndjapä-a, bëte Ndjapä wätə̂ kə̂ nyində̂ ngâ.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Dokʉ̈ Jâan 5:2

Rə ndə̂ azə̈ wunsə̂ nə̈ pä azə̈ nyïndə̂ abechë ndə̂ Ndjapä wä kâkë: Äwäpä azə̈ nyində̂ Ndjapä lakə̂ mbo rə gundə̂sə̂ andïɛ̈ ndə̂ yê.

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.