Dokʉ̈ Jâan 3:1 - Mbëtï Ndjapä: TÄFO MADƗ̈

¹ Nyë wünsa kə̂ nyində̂ azə̂ ndə̂ Bha nyîndə̂ azə̂! Tche nyïndə̂ azə̂ tə̂ gbölösə̂nə̈, ndə̂kə̂ pa a e rə̂ tə̂ azə̂ pä abechë ndə̂ Ndjapä, tə̂ lëge nə̈ azə̈ wätə̂ abechë ndə̂ yê. Âdə tchêbêche âtə âwûn-âbo sə̂ azə̂ wûn-î, bëte âwûn-âbo sə̂ Ndjapä balë-a.

Dokʉ̈ Jâan 3:1 Iomraidhean Croise

Lûke 20:36

Andjê kä tchu bata tee-a, bëte andjë wä batə̂ aânje. Andjë wätə̂ abechë ndə̂ Ndjapä, bëte andjë jô lə̂ kuzü nə̂.

Jâan 1:12

Praâbalë azü gbɛ̂ ndə̂ andjë mbô la sə̂ yê, ânyë kə̈ zâ su andjê sə̈ tchë, tche zä köbo sə̈ andjê ndə̂kə̂ watə̂ abechë ndə̂ Ndjapä.

Jâan 11:52

Tche wâbo ndə̂kə̂ tchu kütû bëte azü gö ndə̂ ajuîfu nə̈-a, praâbalë tche wä ndjë ndə̂kə̂ tchu bëte abechë ndə̂ Ndjapä gbɛ̂ ndə̂ andjë krʉ̂ tchə̂lə̂ tə̂ andjê katchôgbɛ̂, ndə̂kə̂ pala andjê sə̂nə̈ balë.

Jâan 15:21

Praâbalë andjê mboadje arə lâme gbɛ̂ tə̂ nyê tə̂ pö ndə̂ rə̈ mê, bëte andjë wûn-âbo sə̂ tchanə̈ ndə̂ tche wân mê-a.

Jâan 16:3

Andjë mbö tâ käko bëte andjë wûn-âbo sə̂ Bha mê âdəndjë mëmê-a.

Jâan 17:25

Bha mê ndə̂ mo wâ djîrə̂, azü tchêbêche âtə wûn-âbo sə̂ zə̈ balë-a, praâbalë më wünsə̂ zə̈, ânyë adjisîpili ndə̂ mê wûnsə̂ nə̈ nə̂ pä momö kä ndə̂ âwân mê.

Jâan 3:16

Bëte Ndjapä nyïndə̂ azü tchêbêche âtə tə̂ gbölösə̂nə̈, ânyë kə̈ zâ gbokôngô Modô ndə̂ yê, ndə̂kə̂ pa akrə balë balë ndə̂ tche za su yê sə̈ tchë, tchê tchuabô tee-a, praâbalë tche kä la tchîsûwu ndə̂ logbɛ̂ logbɛ̂.

Rômo 5:8

Praâbalë Ndjapä nyïsə̂ köbo ndə̂ tche nyîndə̂ azə̂ kâkë: Ndə̂ gbô azə̂ ndə̂po tə̂ a-earə̂ ngbongbo rə, Jezü Krîsiti tchû bëte azə̂.

Rômo 8:19

Arə pâ cho âtə gbɛ̂ ndə̂ Ndjapä mbô rə̂ wä la gbölö gʉ ndə̂kə̂ sə bëte lo nə̈ ndə̂ Ndjapä nyiadje sə̂ abechë ndə̂ yê kraâ ësûwu.

Rômo 8:21

bëte rə̂ ndə̂ a jiadje andjê tchâtchâ rə ndə̂ âmbo andjê tə̂ ngbâa ânyë kə̂ ndɨ andjê lâme. Andjê liadje lə̂kə̂ wa gbölö ndə̂ abechë ndə̂ Ndjapä, ndə̂ andjë wûtu tchâtchâ ngbâa.

Rômo 8:32

Ndjapä kîâbo tə̂ Modô ndə̂ yê bëte tchetchë la tə̂ yê-a, praâbalë tche zä tchë sə̈ kuzü bëte azə̂ gbɛ̂. Ndə̂ tche zâ Modô ndə̂ yê sə̈ azə̂ lâme, atöko kä ndə̂ tchê kʉabô arə gbɛ̂ kʉ̂ sə̈ azə̂ la Modô ndə̂ yê?

Bïchuû Körɛ̂nte 6:18

Gbölö Gbïɛ̈ ndə̂ tche wâ la gbôgbô gbɛ̂ kä tô rə̂ päkëdə̂: «Mê wadje tə̂ Bha nyê, ânyë nyê wadje tə̂ amodô la aɛ̈wünrə ndə̂ mê.»

Gälâte 3:26

Bëte nyënyê gbɛ̂ nyë wätə̂ abechë ndə̂ Ndjapä lə̂ köbosə̂ kə̂ za su nyê sə̈ Jezü Krîsiti.

Gälâte 3:29

Âdə nyë âwatə̂ azü ndə̂ Krîsiti, dëkë nyë wätə̂ azü pâ mawo ndə̂ Abrahâmo. Nyë âgbo arə ndə̂ Ndjapä bâta rə̂ pra nyê gundə̂sə̂ kə̂ zâ bâlâ ndə̂ yê.

Kölôse 3:3

Bëte nyë tchû nə̂ ânyë tchîsûwu ndə̂ nyê wâ nə̂ wü balë la andə̂ Krîsiti ndrotə̂ Ndjapä.

Dokʉ̈ Jâan 3:10

Rə ndə̂ âkrʉ̂ tchə̂lə̂ gûtə̂ abechë ndə̂ Ndjapä la abechë ndə̂ Jâbolo wä kâkë: Akrə ndə̂ tche mbôâbô djîrə̂ rə mbô-ê, ânyë kə̈ nyîâbô nyîndə̂ angâ yê, dëkë tche wâbo tə̂ bechë ndə̂ Ndjapä-a.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Dokʉ̈ Jâan 4:17

Âdə kə̂ nyində̂ ngâ âdaka gbɛ̂ lə̂ azə̂, käko lo kə̂ wa ngbanga, su azə̂ wadje gii-ï. Azə̂ səadje käko, bëte kə̂ sə ndə̂ azə̂ bêche âtə kʉ̈tə̂ yê la andə̂ Jezü Krîsiti.

Apökälîbïchi 21:7

Akrə ndə̂ tche rô la gbôgbô ndjoa ëtə̂ manə̈, tchê gboadje ngâ rə tchânə̂ mê, mê wadje tə̂ Ndjapä ndə̂ yê ânyë tchê wadje tə̂ bechë ndə̂ mê.