Dokʉ̈ Jâan 2:9 - Mbëtï Ndjapä: TÄFO MADƗ̈

⁹ Akrə ndə̂ tche tô rə̂ pä anyë kä lə̂ ngbänga, ânyë kə̈ kôsə̂ ngâ yê, dëkë gbô tchë kä po lə̂ bübü tchô.

Dokʉ̈ Jâan 2:9 Iomraidhean Croise

Jâan 9:41

Jezü tô rə̂ ndə̂nə̈ sə̈ andjê päkëdə̂: «Âdə nyë âwa alême tə̂ a-earə̂ föla, kə̂ mboabô ngbongbo rə tee-a. Praâbalë angaâtə nyë tö rə̂ päkëdə̂: ‹Ârâ wün tchô›, dëkë gbô ngbongbo rə kä lə̂ nyê.»

Abadjângele 1:15

Tə̂ngâlo, azü ndə̂ Jezü pâlatə̂ andjê. Kə̂ ngba ndə̂ andjê gbɛ̂ wä ngbangbo balë la tə̂ akrə gbɛ̂ (120). Pîêre âlafô lə̂ gbâtə̂ andjê kə̈ tô rə̂ päkëdə̂:

Bïchuû Pîêre 1:9

Praâbalë akrə ndə̂ tche wâbô wâ la arə lâme, tche wätə̂ earə̂ föla, la yê gʉ̂âtə̂ yê nə̂ ëtâ, angbongbo arə ndə̂ yê ndə̂ a djûtu rə̂ alême, sə̂nə̈ yû tə̂ yê nə̂.

Dokʉ̈ Jâan 1:6

Âdə azə̈ âto rə̂ pä azə̈ wä balë la tchë, ânyë gbô azə̂ ndə̂po lakə̂ nə lə̂ bübü tchô, dëkë azə̈ mô yepa nə̂. Azə̈ mbôâbo rə gundə̂sə̂ lëge pö-a.

Dokʉ̈ Jâan 2:11

Praâbalë akrə ndə̂ tche kôsə̂ ngâ yê, tche kä lə̂ bübü tchô, kə̈ wûn-âbo sə̂ tchô ndə̂ tche e tâ-a, bëte bübü tchô nə̈ mbô tchë nə̂ tə̂ earə̂ föla.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 3:10

Rə ndə̂ âkrʉ̂ tchə̂lə̂ gûtə̂ abechë ndə̂ Ndjapä la abechë ndə̂ Jâbolo wä kâkë: Akrə ndə̂ tche mbôâbô djîrə̂ rə mbô-ê, ânyë kə̈ nyîâbô nyîndə̂ angâ yê, dëkë tche wâbo tə̂ bechë ndə̂ Ndjapä-a.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.