Dokʉ̈ Jâan 2:8 - Mbëtï Ndjapä: TÄFO MADƗ̈

⁸ Dëkë täfo ndïɛ̈ kä ndə̂ më mbô rə̂ lə̂ mbëtï sə̈ nyê âtə, täfo ndïɛ̈ nə̈ lâme wätə̂ lëge pö ndə̂ âwâ lə̂ Krîsiti, ndjë lə̂ nyê. Bëte tchə̂lə̂ bütchî kä lakə̂ ro, anyë lëge ngbänga tchô nə̂.

Dokʉ̈ Jâan 2:8 Iomraidhean Croise

Matiyə̈ 4:16

Azü ndə̂ andjë sə̂ lə̂ bübü tchô, andjê wun-adje gbölö ngbänga! Andə̂ andjanə̈ ndə̂ andjë sə̂ lə̂ bübü tchô lə̂ gö ndə̂ akuzü, ngbänga âwutuadje tə̂ andjê.»

Lûke 1:79

Ânyë ngbänga nə̈ ta pâ azü ndə̂ andjë sə̂ lə̂ bübü tchô, ndjë lə̂ bübü tchô ndə̂ kuzü, ndə̂kə̂ nyisə̂ köbo sə̈ azə̂ ânyë azə̈ nə tâ la zɨtɨ su.»

Jâan 1:9

Pö nə̈ wä alême tə̂ lëge ngbänga, ndə̂ ânə̂ atə̂ bêche ndə̂kə̂ ta pâ azü gbɛ̂.

Jâan 12:35

Jezü tô rə̂ ndə̂nə̈ sə̈ andjê päkëdə̂: «Gbô ngbänga kä lə̂ gbâtə̂ nyê ndə̂ kpîɛ̂kpîɛ̂ lö. Äwäpä nyë nə ndə̂sə̂ nə̈, ndə̂ gbô rə̂ wâ ndrotə̂ nyê lâme, ndə̂kə̂ pa bübü tchô troabô nyê trô-ê. Bëte akrə ndə̂ tche nə lə̂ bübü tchô, tche wûn-âbo sə̂ tchô ndə̂ tche e tâ-a.

Jâan 12:46

Më wätə̂ ngbänga, më nə̈ atə̂ bêche ndə̂kə̂ pa akrə ndə̂ tche zâ su yê sə̈ mê, səabô sə̂ lə̂ bübü tchô-ê.

Jâan 13:34

Më âza ngâ täfo ndïɛ̈ sə̈ nyê, äwäpä nyë nyïndə̂ angâ nyê lə̂ gbâtə̂ nyê. Batə̂ rə̂ ndə̂ më nyîndə̂ nyê, äwäpä nyë nyïndə̂ angâ nyê lə̂ gbâtə̂ nyê.

Jâan 8:12

Jezü kâ tô rə̂ sə̈ kpûlû azü lâme päkëdə̂: «Më wätə̂ ngbänga ndə̂ tchêbêche âtə. Akrə ndə̂ tche zâ tchêngbâ mê, tchê nə bata lə̂ bübü tchô balë tee-a, praâbalë tchê gboadje ngbänga ndə̂ âza tchîsûwu sə̈ tchë.»

Abadjângele 17:30

Praâbalë sə̂nə̈ ndə̂ akrə wûn-âbô sə̂ rə wûn-î, Ndjapä zâbo su yê pânə̈-a. Angaâtə, tche ë azü gbɛ̂ kupâ cho gbɛ̂ ndə̂kə̂ gbotə̂ bəndɨ kə̂ mbo rə ndə̂ andjê.

Abadjângele 26:18

Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»

Rômo 13:12

Tchô bü alême gasa-ë, tchô ndô tə̂kə̂ kra nə̂. Käko azə̈ gbötə̂ köbo kə̂ mbo ngbongbo rə ndə̂ tchə̂lə̂ bütchî. Azə̈ kʉ̈ arə kʉ̈ʉ̈ ndə̂ a mbo rə̂ la kua la tchêdalo.

Bïchuû Körɛ̂nte 8:9

Bëte nyë wûnsə̂ tchôtchô su ndə̂ Gbölö Gbïɛ̈ ndə̂ azə̂ Jezü Krîsiti nə̂, ndə̂ tche wâ alême tə̂ earə̂ rə, praâbalë tche nyîndə̂ nə̈ ndə̂kə̂ mbotə̂ yê tə̂ earə̂ yûkü, ndə̂kə̂ pa lə̂ köbosə̂ yûkü ndə̂ yê, nyê watə̂ a-earə̂ rə.

Ëfêze 5:8

Dokʉ̈tchê alême, nyë sə̈ lə̂ bübü nə̈. Praâbalë angaâtə, nyë kä lə̂ ngbänga lə̂ köbosə̂ nə̈ ndə̂ nyë wâ balë la Gbölö Gbïɛ̈. Nyë mbö rə batə̂ azü ndə̂ andjë sə̂ lə̂ ngbänga.

Bïchuû Timotë 1:10

Angaâtə, tchôtchô su nə̈ nyïsə̂ tə̂ yê lə̂ köbosə̂ kə̂ nə ndə̂ Jezü Krîsiti, Earə̂ kə̂ tcha azə̂. Tchetchë kä ndə̂ ândɨ̂ kuzü, ânyë kə̈ mbô rə̂ pä azü wa la tchîsûwu, kə̂ tchuabô tchû-î. Tchë mbö arə lâme lə̂ köbosə̂ Tchôtchô Pö.

Dokʉ̈ Pîêre 1:21

Lə̂ köbosə̂ Krîsiti kä ndə̂ nyë zâ su nyê sə̈ Ndjapä, ndə̂ tche jô Krîsiti lə̂ kuzü ânyë kə̈ lûsə̂ yê. Käko ânyë su nyê ndə̂ nyë zâ rə̂ sə̈ Ndjapä la rə ndə̂ su nyê krʉ̂ bëte rə̂ lâme âwa pâ Ndjapä.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 4:11

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə Ndjapä ânyində̂ azə̂ käko-ë, äwäpä azə̈ nyi ndjë ndə̂ angâ azə̂ lə̂ gbâtə̂ azə̂.

Dokʉ̈ Jâan 4:21

Ndïɛ̈ ndə̂ Krîsiti zâ rə̂ sə̈ azə̂ wä kâkë: Akrə ndə̂ tche nyîndə̂ Ndjapä, äwäpä tche nyi ndjë ndə̂ ngâ yê.