Dokʉ̈ Jâan 2:7 - Mbëtï Ndjapä: TÄFO MADƗ̈

⁷ Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.

Dokʉ̈ Jâan 2:7 Iomraidhean Croise

Matiyə̈ 5:43

«Nyë djê pö ndə̂ a tô rə̂ alême nə̂ päkëdə̂: ‹Äwäpä mo nyində̂ akrə ndə̂ tche nyîndə̂ zə̈, kə̂ kosə̂ akrə ndə̂ tche kôsə̂ zə̈.›

Jâan 13:34

Më âza ngâ täfo ndïɛ̈ sə̈ nyê, äwäpä nyë nyïndə̂ angâ nyê lə̂ gbâtə̂ nyê. Batə̂ rə̂ ndə̂ më nyîndə̂ nyê, äwäpä nyë nyïndə̂ angâ nyê lə̂ gbâtə̂ nyê.

Abadjângele 17:19

Andjë zâ Pôlo potə̂ andjê kə̈ ê la tchë lə̂ kpûlû ndə̂ azü ndə̂ Ärëöpâje kə̈ tô rə̂ sə̈ tchë päkëdə̂: «Köbo wâbo pä ârâ wunsə̂ pö pâ täfo kə̂ nyisə̂ rə ndə̂ mo mu rə̂ âtə?

Aheborö 6:9

Âdə andə̂ nye nə̈, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə ârâ âto pö käko, bëte ârâ wünsə̂ nə̈ pä tchôtchô rə kä bëte nyê, ndə̂ âdə̂ kə̂ tcha lə̂ kuzü.

Dokʉ̈ Jâan 2:24

Âdə andə̂ nye nə̈, äwäpä nyë bäta pö ndə̂ nyë djê rə̂ lə̂ kêsâ nə̈ lâme. Âdə nyë âbata pö ndə̂ nyë djê rə̂ lə̂ kêsâ nə̈ lâme, dëkë nyë wâ nə̂ balë la Modô nə̈, ndjë la Bha.

Dokʉ̈ Jâan 3:11

Pö ndə̂ nyë djê rə̂ alême lə̂ kêsâ nə̈ kä âtə: Äwäpä azə̈ nyində̂ angâ azə̂ lə̂ gbâtə̂ azə̂.

Dokʉ̈ Jâan 3:2

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, azə̈ wâ angaâtə nə̂ tə̂ abechë ndə̂ Ndjapä. Köbo ndə̂ azə̈ sə la rə̂ ndə̂ tchêlâmbo, gbô rə̂ kä lə̂ küwû nə̈. Praâbalë azə̈ wûnsə̂ nə̈ nə̂ pä âdə Krîsiti âkangbâ yê, azə̂ wadje batə̂ tchë, bëte azə̂ wun-adje tchë batə̂ rə̂ ndə̂ tche wâ tâ.

Dokʉ̈ Jâan 3:21

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə su azə̂ âwabô ngbanga wâ lə̂ küma azə̂, su azə̂ kä gii pâ Ndjapä.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Dokʉ̈ Jâan 4:11

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, âdə Ndjapä ânyində̂ azə̂ käko-ë, äwäpä azə̈ nyi ndjë ndə̂ angâ azə̂ lə̂ gbâtə̂ azə̂.

Dokʉ̈ Jâan 4:21

Ndïɛ̈ ndə̂ Krîsiti zâ rə̂ sə̈ azə̂ wä kâkë: Akrə ndə̂ tche nyîndə̂ Ndjapä, äwäpä tche nyi ndjë ndə̂ ngâ yê.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.